ᐅᔾᔪᒃ

ᖃᐅᔨᓴᕐᓂᒃᑯᑦ ᐊᑎᖓ: Erignathus barbatus

ᐊᓯᖏᑦ ᑕᐃᔭᐅᒍᓯᖏᑦ: ᓯᒃᑭᑕᓂᒃ ᐸᐱᕈᓖᑦ ᓇᑦᓯᖅ; ᐃᓄᐃᑦ ᐊᑎᖃᕐᑎᑕᖓ ᐅᔾᔪᒃ.

ᐊᔾᔨᒋᔭᐅᖏᓐᓂᖏᑦ: ᓯᓕᑦᑐᓂᒃ “ᐅᒥᖃᕐᑐᑦ” ᖃᓂᕐᒥᒍᑦ. ᐊᒻᒪ ᓯᒃᑭᑕᒐᓚᓐᓂᒃ ᓯᖅᑯᖃᕐᓱᑎᒃ; ᐃᓐᓇᐃᑦ ᓯᐊᕐᓇᒐᓚᐅᓪᓗᑎᒃ ᑲᔪᐃᑦ ᐊᒥᖏᑦ, ᕿᕐᓂᕐᓂᓴᐅᓪᓗᑎᒃ ᖁᓕᖏᒍᑦ.

ᐊᖏᓂᖓ: 2.1– 2.7,ᒥᑐᕐᓂᒃ ᑕᑭᓂᓕᑦ; 200–400 ᑭᓗᑯᕌᒻ ᐅᖁᒪᐃᓐᓂᖃᓱᑎᒃ; ᐊᕐᓇᐃᑦ ᐊᖏᓂᕐᓴᐅᒡᒍᔪᑦ ᐊᖑᑎᓂᑦ.

ᖃᓄᖅ ᐊᑯᓂᐅᑎᒋᔪᖅ ᐃᓅᒍᓐᓇᕐᓂᐊ: 25–30 ᐊᕐᕌᒍᓄᑦ

ᓂᕿᖏᑦ: ᐊᑐᕐᓱᑎᒃ ᐅᒥᓂᒥᒃ ᐊᒻᒪ ᐃᒃᐱᓐᓂᐊᕈᑎᒥᓂᒃ, ᐅᔾᔪᐃᑦ ᓂᕆᓲᑦ ᐃᖅᑲᖓᓂᑦ, ᒥᑭᔫᑎᓂᒃ ᑭᖑᓐᓂᒃ, ᐅᕕᓗᕐᓂᒃ, ᔅᑯᐊᑦᓂᒃ, ᐊᒻᒪ ᐊᓯᖏᓐᓂᒃ ᐃᖃᓗᓐᓂᒃ ᖃᓄᐃᑦᑐᑐᐃᓐᓇᕐᓂᒃ.

ᐅᓄᕐᓂᖏᑦ: ᖃᐅᔨᒪᔭᐅᖏᑦᑐᑦ (ᓯᓚᕐᔪᐊᒥ ᐊᕙᑎᒥᒃ ᒥᐊᓂᕐᓯᓂᕐᒧᑦ ᑲᑐᔾᔨᖃᑎᒌᑦ ᐅᖃᕐᓯᒪᔪᑦ “ᖃᐅᔨᒪᓇᕐᑐᖃᖏᑦᑐᑦ” ᐅᓄᕈᓐᓇᐃᕐᐸᓪᓕᐊᓂᐊᕐᓂᖏᓐᓂᒃ”).

ᓯᓚᕐᔪᐊᒥ ᐊᕙᑎᒥᒃ ᒥᐊᓂᕐᓯᓂᕐᒧᑦ ᑲᑐᔾᔨᖃᑎᒌᑦ: ᐃᓱᒫᓗᒍᑕᐃᖏᓐᓂᕐᐹᑦ; ᐅᓄᕐᓂᖏᑦ ᐊᓯᔾᔨᕐᑕᕐᑐᑦ: ᖃᐅᔨᒪᔭᐅᖏᑦᑐᑦ.

ᓇᒧᓐᖓᕐᑕᕐᓂᖏᑦ

ᐅᔾᔪᐃᑦ ᐅᑭᐅᕐᑕᕐᑐᒥᐅᑕᐅᕗᑦᐊᒻᒪ ᐊᓯᐊᓂ. ᑲᓇᑕᒥ ᕼᐊᑦᓴᓐ ᐸᐃᒥᑦᑐᑦ, ᐊᒻᒪ ᓚᐸᑐᐊᒥ ᓂᐅᕙᐅᓐᓛᒧᑦ. ᐊᒻᒪ ᑕᑯᔭᐅᔪᖃᖃᑦᑕᕐᓯᒪᒻᒥᔪᑦ Gulf of St. Lawrence,ᒥ ᐊᒻᒪ ᐊᓯᖏᓐᓂ.

ᐊᓄᖅ ᐊᑯᓂᐅᑎᒋᔪᖅ ᐃᓅᒍᓐᓇᕐᓂᐊ

ᐱᐊᕋᖏᑦ ᐃᓅᓕᕐᐸᑦᑐᑦ ᓯᑯᓂ ᓴᕐᕙᐅᔪᓂ, ᐃᒃᑲᓐᓂᒃᑯᑦ, ᒪᐃᒥ (ᑲᓇᑕᐅᑉ ᐅᑭᐅᕐᑕᕐᑐᖓᓂ; ᐊᓯᖏᓐᓂ ᕿᓚᒥᐅᓂᕐᓴᒃᑯᑦ). ᐱᐊᕋᖏᑦ ᐳᐃᔪᕋᓕᓲᑦ ᐃᓅᕋᑖᑦᓯᐊᕐᓱᑎᒃ ᐃᑲᕐᕋᑐᐃᓐᓇᕐᓂ; ᐊᒫᒪ ᐃᒻᒥᓂᕿᒍᓐᓇᕐᓯᕙᓪᓕᐊᓪᓗᑎᒃ, ᐅᓪᓗᓂ 24,ᓂ, ᐃᒪᕐᒥᑲᑕᑐᐃᓐᓇᓕᕐᓱᑎᒃ ᑭᖑᓂᐊᒍᑦ. ᐱᐊᕋᖏᑦ, ᐊᖏᔫᓪᓗᑎᒃ ᐄᓄᓕᕐᐸᑦᑐᑦ, ᐊᖏᓪᓕᕙᓪᓕᐊᓂᖃᕐᑐᑦ ᓱᒃᑲᑎᒋᔪᒥᒃ 3.3 ᑭᓗᑯᕌᒻᓂᒃ ᐅᓪᓗᑕᒫᑦ ᐅᖁᒪᐃᓪᓕᒋᐊᕐᓱᑎᒃ ᐱᖓᓱᓂᑦ ᑎᓴᒪᓄᑦ ᐱᓇᓱᐊᕈᓯᕐᓄᑦ.