ᒥᐊᓂᕐᓯᕕᐅᔪᖅ/ᓴᐳᒻᒥᕕᐅᔪᖅ

ᑲᓇᑕᒥ ᓇᑦᓰᑦ ᐅᓄᕐᓂᖏᑦ ᐊᒥᓱᒻᒪᕆᐊᓗᐃᑦ ᐊᒻᒪ ᐅᓄᕐᓯᕙᓪᓕᐊᑐᐃᓐᓇᕐᑐᑦ. ᕿᓚᓗᒐᐃᑦ, ᐅᓄᕐᓯᒋᐊᕐᓯᒪᓂᖃᕐᑐᑦ, 7.5 ᒥᓕᐊᓄᑦ ᑲᓇᑕᐅᑉ ᐃᒪᖏᓐᓂ, ᐅᓄᕐᓯᒋᐊᕐᓂᖃᕐᓱᑎᒃ ᑕᓪᓕᒪᕕᑦᓱᒍ 1970,ᖏᓐᓂ. ᓇᑦᓯᑐᐃᓐᓇᐃᑦ ᐅᓄᕐᓯᒋᐊᕐᓯᒪᔪᑦ 30,ᕕᑦᓱᒋᑦ ᑕᐃᒪᖓᓂᑦ 1950,ᖏᓐᓂᑦ, ᐅᓄᕐᓂᖃᓚᐅᕐᓯᒪᓪᓗᑎᒃ 13,000,ᓂᑦ ᐅᓄᕐᓯᒋᐊᕐᓯᒪᓪᓗᑎᒃ ᐅᖓᑖᓄᑦ 500,000.

ᓴᐳᒻᒥᑦᓯᐊᕐᓂᖅ ᐱᔾᔪᑕᐅᒧᖅ ᐅᓄᕐᓯᒋᐊᕐᓂᖏᓐᓄᑦ: ᐱᕈᕇᖅᓯᒪᔪᖅ ᓇᑦᓯᖅ ᓂᕆᒨᒍᕗᖅ ᐊᑯᓐᓂᖏᓐᓂ 1 ᐊᒻᒪ 5 ᑕᓐᔅ ᐃᖃᓗᓐᓂᒃ ᐊᕐᕌᒍᑕᒫᑦ. ᐊᑦᑕᓇᕐᑐᒦᓐᓂᖏᓐᓂ ᐆᒐᐃᑦ ᐊᒻᒪ ᐊᓯᖏᑦ ᐆᒪᔪᐊᕈᐃᑦ, ᓂᕿᒋᔭᐅᓗᐊᕐᓂᖏᓐᓄᑦ ᐊᑦᑕᓇᕐᑐᒥᓯᒍᓐᓇᒥᔪᑦ ᐅᓄᕐᓯᒋᐊᕋᓱᐊᕐᓂᕐᒧᑦ.

ᐃᒃᐱᒋᑦᓯᐊᕐᓗᒋᑦ ᐊᐅᓚᑦᓯᓂᒃᑯᑦ ᓴᑦᓯᕋᓱᐊᕐᐸᑦᑐᑦ ᐱᒻᒪᕆᐅᑎᑕᒻᒪᕆᒋᒻᒪᐅᒃ ᐋᖅᑭᐅᒪᑎᑦᓯᓯᐊᕐᓂᕐᒧᑦ ᐊᕙᑎᒥᐅᑕᓂᒃ ᐅᒪᔪᓂᓪᓗ – ᐱᕕᒃᓴᖃᖅᑎᑦᓯᓂᒃᑯᑦ ᐃᖃᓗᐃᑦ ᐅᓄᕐᓯᒋᐊᕈᓐᓇᕐᓯᓂᖏᓐᓄᑦ, ᐃᖅᑲᓇᐃᔭᕐᑎᑦᓯᓂᒃᑯᑦ ᐊᒻᒪ ᑲᔪᓯᑦᓯᐊᕐᑐᒃᑯᑦ ᓂᕿᖃᕈᓐᓇᕐᓂᒃᑯᑦ ᐆᒪᔪᓂᒃ ᐃᒪᕐᒥᐅᑕᓂᒃ ᓄᓇᖃᖅᑳᖅᓯᒪᔪᑦ ᓯᓇᓂᕐᒥᐅᑦ ᐊᒻᒪ ᓄᓇᓖᑦ, ᐊᒻᒪ ᓇᑦᓯᑦ ᐅᓄᕈᓐᓇᐃᕐᐸᓪᓕᐊᖁᓇᒋᑦ ᐊᒻᒪ ᐃᒪᕐᒥᐅᑕᐃᑦ ᑕᐃᒪᖓᑦ ᐊᑦᑕᓇᕐᑐᒥᖁᓇᒋᑦ ᐃᒃᐱᒋᔭᐅᑦᓯᐊᕐᓂᖏᑎᒍᑦ.

  • ᐅᖓᑖᓄᑦ 8 ᒥᓕᐊᓂᒃ ᓇᑦᓯᖃᕐᑐᖅ ᓴᓂᐊᓂ ᐊᒻᒪ ᑲᓇᑕᐅᑉ ᒪᖁᑎᖏᓐᓂ
  • ᐱᕈᕇᖅᓯᒪᔪᑦ ᓇᑦᓰᑦ ᓂᕆᕙᑦᑐᑦ ᐃᓱᓕᑦᓱᒍ 1.5 ᑕᓐᔅᓂᒃ ᐃᖃᓗᓐᓂᒃ ᐊᕐᕌᒍᒍᑕᒫᑦ
  • ᓇᑦᓯᓂᒃ ᒥᐊᓂᕆᔭᖃᑦᓯᐊᕐᓂᒃᑯᑦ ᐆᒪᔪᕐᓯᐅᕐᓂᖅ ᑕᕝᕙ ᐱᒻᒪᕆᐅᑎᑕᐅᔪᖅ ᐃᒪᕐᒥᐅᑕᓕᕆᓂᕐᒧᑦ ᐊᒻᒪ ᓴᐳᒻᒥᓂᕐᒧᑦ ᐆᒪᔪᓕᒫᑦᓯᐊᓂᒃ

“ᑕᐃᒪ ᐅᔾᔨᕆᑦᓯᐊᕆᐊᕈᕕᑦ, ᓇᖏᕈᕕᓪᓘᓐᓃᑦ ᒪᓂᖅᑲᖓᓂ ᓄᓇᓖᑦ ᐊᒻᒪ ᐃᒪᕐᒥ ᐆᒪᔪᑦ ᓄᓇᓪᓚᕆᐊᓗᐊᓂ, ᑕᒪᓐᓇᓗ ᓂᐱᖃᕈᑕᐅᕐᔪᐊᕐᑐᖅ ᐆᒪᔪᕐᓯᐅᕐᑎᓄᑦ ᓱᕐᕋᒃᑕᐅᖁᓇᒍ ᓄᓇᓂ ᐊᒻᒪ ᐆᒪᔪᑦ.”

—ᐃᖃᓗᓐᓂ ᑕᕐᕆᔭᒐᒃᓴᓕᐅᕐᑎ ᐊᓕᑎᐊ ᐊᕐᓇᖁᖅ-ᐳᕆᓪ