ᐃᖃᓗᐃᑦ ᐅᓄᕐᓂᖏᑦ

ᓇᑦᓰᑦ ᐸᓯᔭᑦᓴᑑᖏᓚᑦ ᐅᓄᕈᓐᓇᐃᕆᐊᓚᐅᕐᓯᒪᓂᖏᓐᓄᑦ ᐆᒐᐃᑦ ᐊᒻᒪ ᐊᓯᖏᑕ ᐃᒪᕐᒥᐅᑕᐃᑦ – ᐃᖃᓪᓕᐊᓗᐊᕐᓂᕐᓕ ᐊᒻᒪ ᑲᒪᒍᓯᖃᑦᓯᐊᖏᓐᓂᖅ ᒥᐊᓂᕐᓯᓂᒃᑯᑦ ᐊᑲᐅᖏᓕᐅᑕᐅᓛᖑᕗᑦ. ᑭᓯᐊᓂ ᓴᑦᓰᑦ ᐊᑲᐅᖏᓕᐅᑕᐅᕗᑦ, ᓂᕿᖃᓂᖏᓐᓄᑦ ᐃᖃᓗᓐᓂᒃ ᐅᓄᕐᓯᒋᐊᕈᓐᓇᐃᓪᓕᖅᑲᓂᖏᓐᓄᑦ. ᐃᓛᓐᓂᒃᑯᑦ ᓇᑦᓰᑦ ᐅᓄᕐᓯᒋᐊᕐᓯᒪᓗᐊᕐᐸᑦᑐᑦ ᐃᖃᓗᐃᑦ ᐅᓄᕐᓂᖏᑦ ᐊᑦᑕᓇᕐᑐᒥᓕᕐᓱᑎᒃ, ᐊᓪᓛᑦ ᓄᖑᓐᓂᐅᔭᕐᓂᕋᕐᑕᐅᓕᕐᓱᑎᒃ, (ᓂᐅᕙᐅᓐᓛᓐ ᐊᒻᒪ ᓚᐸᑐᐊᑉ ᐃᒪᖏᓐᓂ ᐆᒐᐃᑦ ᓇᓗᓇᐃᕐᑕᐅᓯᒪᔪᑦ “ᐊᑦᑕᓇᕐᑐᒥᓕᕐᓂᕋᕐᑕᐅᓪᓗᑎᒃ” ᓯᓚᕐᔪᐊᒥ ᐅᒪᔪᓂᒃ ᐊᑦᑕᓇᕐᑐᒥᓂᕋᕐᑕᐅᔪᓂᒃ ᐊᑖᒍᑦ) ᐊᕐᓱᕈᒋᐊᓪᓚᕈᑕᐅᓂᐊᕐᑎᓪᓗᒍ ᐊᑲᐅᖏᓕᐅᑕᐅᓂᐊ ᐃᒪᕐᒥᐅᑕᓕᕆᓂᕐᒧᑦ.

ᖃᐅᒪᔭᐅᕗᖅ ᓯᐊᕐᓇᐃᑦ ᓇᑦᓯᑦ, ᐱᓗᐊᕐᑐᒥᒃ, ᐅᓄᕐᓯᒍᓐᓇᐃᓪᓕᐅᑕᐅᕙᓐᓂᖏᑦ ᐆᒐᕐᓄᑦ ᓴᐃᑦ ᓗᕆᓐᓯᒥ ᐊᒻᒪ ᔪᐊᑦ ᐸᐃᒃᒥ( Gulf of St. Lawrence, ᐊᒻᒪGeorge’s Bank). ᐱᕈᕇᖅᓯᒪᔪᑦ ᓇᑦᓰᑦ ᓂᕆᒍᓐᓇᕐᑐᑦ 1.5 ᑕᓐᔅᓂᒃ ᐃᖃᓗᓐᓂᒃ – ᐆᒐᕐᓂᒃ, ᑲᕕᓯᓕᓐᓂᒃ, ᐊᔾᔨᒌᖏᑦᑐᓂᒃ ᐃᖃᓗᓐᓂᒃ, ᐃᕕᓗᕐᓂᒃ, ᐊᒻᒪ ᐊᓯᖏᓐᓂᒃ ᒥᑭᔪᐊᕈᕐᓂᒃ ᐆᒪᔪᓂᒃ. ᑲᑎᓪᓗᒋᑦ ᐃᖃᓗᑦᑕᐅᔪᓐᓇᕐᑐᑦ ᐅᓄᕐᓂᖏᑦ ᐋᖅᑭᒃᓱᐃᒍᑕᐅᔭᕆᐊᖃᒪᑕ ᓱᕐᕋᒍᑕᐅᓂᐊᖏᓪᓗᑎᒃ ᓇᑦᓯᕋᓱᓐᓂᒃᑯᑦ ᐃᓱᒪᒋᖃᓯᐅᑎᓗᒋᑦ ᐅᓄᕐᓯᒋᓚᒍᓐᓇᕐᓯᒋᐊᖃᓂᖏᑦ ᐊᓯᖏᑕ ᐃᖃᓗᐃᑦ ᐊᔾᔨᒌᖏᑦᑐᑦ ᐃᒪᕐᒥᐅᑕᐃᓪᓗ. ᐊᕐᓱᕈᕈᑎᖃᕐᑐᒃᓴᐅᕗᑦ ᕿᓂᕆᐊᖅ ᓂᐅᕕᐊᒃᓴᓕᐅᕈᑎᒃᓴᓂᒃ ᓇᑦᓯᔭᕐᓂᒃ ᐊᒻᒪ ᓴᓇᓯᒪᔪᓂᒃ ᑲᔪᓯᖏᓐᓇᖁᓪᓗᒍ, ᐃᒃᐱᒋᔭᐅᑦᓯᐊᖁᓪᓗᒋᑦ ᐊᑲᐅᓂᕐᐹᒃᑯᑦ ᐊᒻᒪ ᐊᑕᖏᕐᓗᒋᑦ ᐊᑐᕐᑕᐅᔭᕆᐊᖃᓂᖏᓐᓂᒃ ᐆᒪᔪᕐᑕᐅᔪᑦ.

ᐊᒻᒪ ᐃᓚᒋᔭᐅᑎᓪᓗᒍ ᒥᐊᓂᕐᓯᒍᑎᖃᑦᓯᐊᕐᑯᑦ ᓇᑦᓯᓯᐅᕐᐸᓐᓂᕐᒥᒃ, ᑲᓇᑕᐅᑉ ᒐᕙᒪᖏᑦ ᐊᕐᓱᕈᕈᑎᖃᖅᓯᒪᓕᕐᑐᑦ ᐃᑲᔪᕆᐊᖅ ᐅᓄᕐᓯᑎᑦᓯᒋᐊᕋᓱᐊᕐᓂᕐᒧᑦ ᐃᖃᓗᓐᓂᒃ, ᐃᒫᒃ ᐊᑐᓕᕐᑕᐅᑎᑦᓯᓂᒃᑯᑦ ᐊᓯᔾᔨᕆᐊᕐᓯᒪᔪᓂᒃ ᐃᖃᓪᓕᐊᕈᑎᓂᒃ ᐊᒻᒪ ᒪᒃᑯᓐᓂᕐᓴᓂᒃ ᐆᒐᖃᑦᑕᕐᓂᒃᑯᑦ, ᐊᐅᓚᑕᐅᓂᖃᒻᒪᕆᑦᑎᓪᓗᒋᑦ ᖃᖓᒃᑯᑦ ᐊᒻᒪ ᓇᓂ ᐃᖃᓗᒐᓱᒋᐊᖅ, ᐊᒻᒪ ᐋᖅᑭᒃᓱᐃᓂᒃᑯᑦ ᖃᑦᓯᓂᒃ ᐃᖃᓗᒍᓐᓇᕐᓂᕐᒧᑦ, ᐊᒻᒪ ᐅᓄᕐᓯᑎᑦᓯᒋᐊᕐᓂᕐᒧᑦ ᐅᐊᑦᓯᔨᓂᒃ ᐃᒪᕐᔪᐊᓂ ᐊᒻᒪ ᑕᓚᑦᑕᕐᕖᑦ ᓴᓂᐊᓂ ᖃᐅᔨᓴᐃᓐᓇᕐᓂᒃᑯᑦ.

ᓇᑦᓯᓂᐊᕐᓂᖅ ᓈᒻᒪᑐᐃᓐᓇᕐᑐᓂᒃ ᓴᐳᒻᒥᐅᑕᐅᒻᒪᑦ ᓇᑦᓯᓄᑦ, ᑭᓯᐊᓂᓗ ᐃᑲᔪᕆᓪᓗᓂ ᐊᒥᓱᓄᑦ ᐱᒻᒪᕆᐅᓂᖏᓐᓄᑦ ᓂᕿᒋᔭᐅᓪᓚᕆᒧᑦ ᐃᓕᖅᑯᓯᑎᒍᑦ ᐊᒻᒪ ᑮᓇᐅᔭᓕᐅᕋᓱᐊᕈᑕᐅᓪᓗᑎᒃ ᖃᓂᒃᑑᑎᓄᑦ ᓄᓇᓕᓐᓄᑦ.

ᑲᒪᑦᓯᐊᕐᓂᒃᑯᑦ ᓇᑦᓯᓂᐊᕐᓂᕐᒥᒃ, ᐱᒻᒪᕆᐅᕗᖅ ᑕᒪᐃᓐᓂᒃ ᐋᖅᑭᐅᒪᑎᑦᓯᓇᓱᐊᕐᓂᖅ ᐊᕙᑎᒥᐅᑕᓂᒃ, ᐊᒻᒪ ᑲᒪᒋᓂᖃᑦᓯᐊᕐᓗᒋᑦ.

“ᐊᕐᕌᒍᑦ 60 ᐅᖓᑖᓄᑦ ᐊᓂᒍᕐᓯᒪᓕᕐᐳᑦ ᐊᕙᑎᐅᑉ ᐸᕝᕕᓴᑦᑕᐅᓯᒪᓕᕐᓂᖓ ᐃᖃᓪᓗᐊᕐᓂᒃᑯᑦ ᐊᐅᓚᐅᑎᓕᕐᔪᐊᑎᒍᑦ, ᐃᖃᓪᓕᐊᓗᐊᕐᓂᒃᑯᑦ ᐃᑎᔪᓂ, ᐃᒃᐱᒍᓱᑦᓯᐊᖏᓐᓂᒃᑯᑦ ᒥᐊᓂᕐᓯᒍᑕᐅᒋᐊᖃᕐᑐᓂᒃ. ᐅᓪᓗᒥ ᑲᔪᓯᒋᐊᕆᐊᖃᓕᕐᑐᒍᑦ ᒥᐊᓂᕐᓯᓂᒃᑯᑦ, ᑐᓴᐅᒪᑎᑦᓯᓂᒃᑯᑦ ᐊᒻᒪ ᐃᒃᐱᒍᓱᑦᓯᐊᕐᓗᓂ ᒥᐊᓂᕐᓯᒍᓯᖃᓂᒃᑯᑦ ᐃᒪᕐᒥᐅᑎᓂᒃ ᐊᑐᕆᐊᖅ.”

—ᑲᑎᒪᔨ, ᑕᕆᓐ ᑭᖕ, ᒥᓂᔅᑕᐅᔪᖅ ᐃᒪᕐᒥᐅᑕᐅᓕᕆᓂᕐᒧᑦ ᐊᒻᒪ ᐱᕈᖅᑐᓕᕆᓂᕐᒧᑦ ᓂᐅᕙᐅᓐᓚᒥ ᐊᒻᒪ ᓛᐸᑐᐊᒥ (2012)