ᑲᒪᑦᓯᐊᕐᓂᕐᒧᑦ ᑐᓐᖓᕖᑦ

ᑮᓇᐅᔭᓕᐅᕋᓱᐊᕈᑎᖃᓂᕐᒧᑦ ᓇᑦᓯᓂᐊᓂᖅ ᑲᒪᒋᔭᐅᓂᖃᒪᑦ ᓴᐳᒻᒥᒍᑎᓂᒃ ᑐᓐᖓᕕᒃᓴᓂᒃ ᐊᒻᒪ “ᐃᒃᐱᒍᓱᑦᔫᓯᒍᑎᓂᒃ” ᐱᓕᕆᓪᔪᓯᓂᒃ ᐊᑐᕐᓗᑎᒃ:

ᐃᒃᐱᒋᓱᑦᓯᐊᕐᓂᕐᓴᐅᓗᓂ ᐱᓕᕆᒍᓯᑎᒍᑦ ᐊᑐᕆᐊᓖᑦ ᓇᓗᐃᖅᓯᒪᑦᓯᐊᖏᑦᑐᓂᒃ, ᑲᔪᓯᖏᓐᓇᕈᓐᓇᖏᑦᑐᓂᒃ, ᐅᕝᕙᓘᓐᓃᑦ ᖃᐅᔨᓴᕐᓯᒪᓂᒃᑯᑦ ᑐᑭᓯᒋᐊᕐᕕᒃᓴᖃᖏᓗᐊᕐᓂᒃᑯᑦ, ᑐᕌᒐᒃᓴᖃᓗᑎᓪᓗ ᓱᕐᕋᕐᓯᒪᖏᑦᑐᓂᒃ ᖃᐅᔨᓴᕐᑕᐅᓯᒪᓂᖏᑎᒍᑦ. (http://www.dfo-mpo.gc.ca/fm-gp/seal-phoque/managing-seal-harvest-eng.htm)

ᓇᑦᓰᑦ ᐅᓄᕐᓂᖏᑦ ᕿᒥᕐᕈᔭᐅᕙᑦᑐᑦ ᐱᓕᕆᖃᑎᒌᓐᓂᖏᑎᒍᑦ ᑲᓇᑕᐅᑉ ᐃᒪᕐᒥᐅᑕᓕᕆᔨᖏᑕ ᖃᐅᔨᓴᕐᑎᒻᒪᕆᖏᑦ, ᐊᒻᒪ ᖃᐅᔨᓴᕐᑎᒻᒪᕇᑦ, ᐊᒻᒪ ᒐᕙᒪᑦ ᐊᓯᖏᑦ ᑲᑐᔾᔨᖃᑎᒌᑦ ᐊᒻᒪ, ᐃᓛᓐᓂᒃᑯᑦ, ᐆᒪᔪᕐᓂᐊᕐᑏᑦ ᐊᒻᒪ/ᐅᕝᕙᓘᓐᓃᑦ ᑮᓇᐅᔭᓕᐅᕋᓱᐊᕐᑏᑦ. ᓇᐃᓴᐃᕙᑦᑐᑦ ᐊᕐᕌᕐᒍᑦ ᐊᒥᓲᖏᑦᑐᑦ ᐊᕐᕌᒍᑕᒫᑦ ᐊᓂᒍᑐᐊᕐᒪᑕ; ᐊᒻᒪ ᖃᐅᔨᓴᕐᐸᑦᑐᑦ ᓇᑦᓯᓂᒃ ᐱᕕᒃᓴᖃᕈᑕᐅᑎᓪᓗᒍ ᑲᓇᑕᒥ ᐃᒪᕐᒥᐅᑕᓕᕆᔨᒃᑯᓐᓄᑦ ᓄᐊᑦᓯᒋᐊᖅ ᑐᑭᓯᒋᐊᕐᕕᒃᓴᓂᒃ ᐆᒪᔪᕐᓯᐅᕐᑎᓂᑦ ᑲᑎᕐᓱᐃᓪᓗᑎᒃ ᑐᑭᓯᒋᐊᕐᕕᒃᓴᓂᒃ ᓇᑦᓯᑦ ᓯᒃᓵᓄᑦ ᓯᓚᕐᔪᐊᒥ; ᐊᒻᒪ ᖃᖓᑕᓲᒃᑯᑦ ᕿᑐᕐᖏᐅᕕᐅᔪᓂᒃ ᕿᒥᕐᕈᕙᑦᑐᑦ ᐅᕝᕙᓘᓐᓃᑦ ᕿᑐᖏᐅᕕᐅᓂᐊ ᐱᐊᓂᓚᐅᕐᖏᓐᓂᓕᒫᖓᓂ.

ᓯᓚᐅᑉ ᐊᓯᔾᔨᕐᐸᓪᓕᐊᓂᖓ ᐊᒃᑐᐃᓯᒪᓕᕇᖅᑐᖅ ᓇᑦᓯᑦ ᐱᖅᑯᓯᖏᓐᓂᒃ ᓯᑯᒥ – ᓯᑯᖃᖏᓐᓂᕐᓴᐅᓕᕐᒪᑦ, ᓇᖏᐊᕐᓇᕐᓂᕐᓴᐅᓕᕐᓱᓂᓗ, ᐊᒻᒪ ᓯᑯᓲᖑᓕᕐᓱᓂ ᑭᖑᕙᓯᑦᑐᒥᒃ ᐊᒻᒪ ᐊᐅᑦᓴᕋᓐᓂᕐᓴᐅᑐᐃᓐᓇᕆᐊᖃᓂᖏᓐᓄᑦ. ᓯᑰᑉ ᐊᓯᔾᔨᕐᐸᓪᓕᐊᓂᖓ ᐊᒃᓱᐊᓗᒃ ᐊᒃᑐᐃᓂᖃᓂᐊᕐᑐᖅ ᓇᑦᓯᑦ ᕿᑐᕐᖏᐅᕐᐸᓐᓂᖏᓐᓄᑦ ᓯᑯᒥ ᐅᕝᕙᓘᓐᓃᑦ ᐱᖃᓗᔭᒥ.

ᑕᐃᒪᖓᓂᑦ 2007,ᒥᑦ, ᑲᓇᑕᐅᑉ ᒐᕙᒪᒃᑯᖏᑦ ᖃᐅᔨᓴᖃᑦᑕᕐᓯᒪᔪᑦ ᓇᑦᓯᑦ ᐅᓄᕐᓂᖏᓐᓂᒃ ᐆᒪᔪᕐᑕᐅᔪᓐᓇᕐᑐᑦ ᐊᑐᕐᓱᑎᒃ ᓄᑖᓂᒃ ᐊᒻᒪ ᓱᖅᑯᐃᕐᓯᒪᓗᐊᖏᑦᑐᓂᒃ ᐊᑐᕐᓱᑎᒃ ᐅᓄᕐᓂᖏᑕ ᒥᒃᓵᓄᑦ ᓇᑦᓰᑦ. ᑲᓇᑕᐅᑉ ᒐᕙᒪᖏᑦ ᐅᖃᕐᓯᒪᔪᑦ ᓯᑰᑉ ᐊᑲᐅᖏᓕᐅᕈᑕᐅᕙᓪᓕᐊᓂᖏᑦ ᐃᓱᒪᒃᓴᕐᓯᐅᖃᓯᐅᑎᔭᐅᒐᔭᕐᓗᑎᒃ ᐃᓱᒪᓕᐅᕈᑎᖃᓯᒃᐸᑕ ᓇᑦᓯᕈᓐᓇᕐᓂᕐᒥᒃ ᖃᑦᓯᓂᒃ ᒥᒃᓵᓄᑦ.