ᐅᓄᕐᓂᖏᑦ

ᑲᑎᓪᓗᒋᑦ, ᑲᓇᑕᒥ ᓇᑦᓰᑦ ᐊᑦᑕᓇᕐᑐᒦᖏᑦᓯᐊᕐᑐᑦ, ᐊᒻᒪ ᐅᓄᕐᓯᕙᓪᓕᐊᑐᐃᓐᓇᕐᑐᑦ. ᐊᓪᓛᑦ, ᖃᐃᕈᓖᑦ ᐊᒻᒪ ᓇᑦᓯᑐᐃᓐᓇᐃᑦ ᐅᓄᓗᐊᕐᓂᖏᓐᓄᑦ ᐃᓱᒫᓗᒍᑎᒋᔭᐅᔪᑦ ᐊᓯᖏᓐᓂᒃ ᓂᕿᖃᓂᖏᓐᓄᑦ, ᐊᒻᒪ ᐸᕐᓇᒃᑕᐅᓯᒪᔪᒃᑯᑦ ᐊᐅᓚᑕᐅᓂᖃᑦᓯᐊᖏᑉᐸᑕ, ᐆᒪᔪᕐᓂᐊᕐᓂᑯᓪᓗ ᑲᒪᒋᔭᐅᓂᖃᑦᓯᐊᖏᑉᐸᑕ, ᓇᑦᓯᑦ ᑭᓯᒥ ᐊᐅᓚᑕᐅᓂᖃᕋᔭᕐᒪᑕ ᐊᕙᑎᒥᓄᑦ: ᐱᕐᓕᕋᕐᓂᒃᑯᑦ ᐊᒻᒪ ᖃᓂᒪᖃᓂᒃᑯᑦ.

ᓄᑕᐅᓂᕐᐹᑦ ᓇᓚᐅᒃᓵᕐᑕᐅᓯᒪᔪᑦ ᓇᓗᓇᐃᕐᓯᕗᑦ ᓇᑦᓯᑦ ᐅᓄᕐᓂᖏᓐᓂᒃ ᑲᓇᑕᒥ ᐅᑯᓂᖓ:

  • ᕿᓚᓗᒐᐃᑦ: 7.4 ᒥᓕᐊᖏᓐᓂᑦᑐᑦ
  • ᓇᑦᓯᑦ ᓯᐊᕐᓇᐃᑦ: 505,000 ᓇᑦᓰᑦ (2014)
  • ᐅᔾᔪᐃᑦ: 593,000 ᐅᔾᔪᐃᑦ (2005)
  • ᓇᑦᓯᑐᐃᓐᓇᐃᑦ: 1.5 ᒥᓕᐊᓐ
  • ᓇᑦᓯᑦ (ᓴᐳᒻᒥᔭᐅᔪᑦ): 25,000 ᑲᓇᑕᐅᑉ ᐅᐊᓕᓂᐊᓂ; 100,000 ᐳᕐᑎᔅ ᑯᓚᒻᐱᐊᒥ
  • ᐅᔾᔪᐃᑦ: ᖃᐅᔨᒪᔭᐅᖏᑦᑐᑦ
  • ᐅᑭᐅᕐᑕᕐᑐᒥ ᓇᑦᓯᑦ (ᓴᐳᒻᒥᔭᐅᔪᑦ): 1.29 ᒥᓕᐊᓐ (ᓯᓚᕐᔪᐊᒥ)

ᑕᐃᒪ ᓂᕿᖃᓗᐊᕐᑐᑦ ᓇᑦᓯᓂᒃ ᐃᖃᓗᔾᔪᐊᑦ, ᐋᕐᓗᐃᑦ, ᐊᒻᒪ ᓇᓄᐃᑦ. ᑎᒻᒥᐊᒐᓴᐃᑦ, ᐊᒪᕈᐃᑦ, ᐊᒻᒪ ᐊᓯᖏᑦ ᒥᑭᔫᑏᑦ ᐆᒪᔪᑦ ᓂᕿᖏᑦ. ᑲᓇᑕᐅᑉ ᐊᕕᒃᑐᕐᓯᒪᓂᖏᓂ ᐊᒥᓱᓂ, ᓇᑦᓰᑦ ᐊᑦᑕᓇᕐᑐᒦᖏᑦᑐᑦ ᓂᕿᒋᔭᐅᓂᒃᑯᑦ ᐊᓯᖏᓐᓄᑦ ᐆᒪᔪᓄᑦ. ᐊᓪᓛᑦ ᑭᒃᑯᑐᐃᓐᓇᐃᑦ ᐃᓅᔪᑦ ᐊᑦᑕᕐᓇᕈᑕᐅᒍᓐᓇᐃᕐᑐᑦ – ᑕᐃᑦᓱᒪᓂᑐᑦ ᓇᑦᓯᕋᓱᓗᐊᕐᑎᓪᓗᒋᑦ ᐅᓄᕈᓐᓇᐃᓗᐊᕐᑕᐅᓚᐅᕐᓯᒪᑎᓪᓗᒋᑦ. ᐅᓪᓗᒥᓕ ᐊᑦᑕᓇᖏᑦᑐᒥᓐᓂᒃᑯᑦ ᐆᒪᔪᕐᓯᐅᕐᓂᖅ, ᐊᐅᓚᑕᐅᑦᓯᐊᓂᐊᓗ ᐊᒻᒪ ᑲᒪᒋᔭᐅᑦᓯᐊᕐᓂᐊ ᐊᑐᕐᑕᐅᔪᑦ.

ᐊᕐᕌᒍᓯᒪᔪᓂ, ᑲᑎᓪᓗᒋᑦ ᐃᖃᓗᑦᑕᐅᔪᓐᓇᕐᑐᑦ ᐃᓱᒪᓕᐅᕈᑕᐅᖃᑦᑕᕐᓯᒪᔪᑦ ᖃᐅᔨᓴᕐᑎᒻᒪᕆᓐᓄᑦ ᐊᒻᒪ ᐋᖅᑭᒃᓱᕐᑕᐅᓪᓗᑎᒃ ᒐᕙᒪᒃᑯᓐᓄᑦ ᑭᓯᐊᓂ ᑲᔪᓯᑦᓯᐊᕐᓇᑎᒃ, ᐱᔾᔪᑎᖃᓗᐊᕐᓱᑎᒃ ᓄᓇᓕᓐᓂ ᐊᒻᒪ ᓯᓚᔪᐊᒥ ᓂᐅᕕᕋᕐᑕᐅᔪᒪᒍᓐᓇᐃᓚᐅᕐᓂᖏᑦ ᓇᑦᓯᔭᐃᑦ.

“ᓇᓗᓇᐃᕈᑎᑕᖃᖅᐳᖅ ᑲᓇᑕᐅᑉ ᑲᓇᓐᓇᖓᓂ ᕿᓚᓗᒐᐃᑦ ᐅᓄᕐᓂᖏᑦ ᑎᑭᐅᒪᑐᐃᓐᓇᕆᐊᖃᓕᕐᒪᑕ ᐱᖅᑯᓯᑐᖃᕕᓂᕐᒥᓄᑦ, ᑕᐃᒪᐃᒻᒪᑦ ᐅᓄᕐᓂᖏᑦ ᕿᓚᓗᒐᕐᑕᐅᔪᓐᓇᕐᑐᑦ ᐃᓱᓕᓯᒪᕗᑦ ‘ᐅᒪᔪᕐᑕᐅᔪᓐᓇᕐᑐᑦ.”

-ᒐᕙᒪᒃᑯᑦ ᑲᓇᑕᒥ
(http://www.dfo-mpo.gc.ca/fm-gp/seal-phoque/species/harp-eng.html)