ᐃᒃᐱᒍᓱᑦᓯᐊᕐᓂᖅ

ᓇᑦᓯᓂᐊᕐᓂᖅ ᑕᐃᒪᖓᓂᐊᓗᒃ ᐱᖅᑯᓯᐅᓯᒪᔪᖅ ᐊᒻᒪ ᐱᒻᒪᕆᐅᓪᓗᓂ ᐃᓕᖅᑯᓯᖓᓄᑦ, ᐱᓗᐊᕐᑐᒥᒃ ᑲᓇᑕᐅᑉ ᓄᓇᖃᖅᑳᖅᓯᒪᔪᖁᑎᖏᓐᓄᑦ ᐅᖓᓯᑦᑐᒥᐅᓄᑦ, ᐊᒻᒪ ᓯᓈᓂ ᓄᓇᖃᐅᕐᑐᓄᑦ. ᐆᒪᔪᕐᓯᐅᐸᑦᓯᒪᔪᑦ ᐃᓕᖅᑯᓯᒃᑯ ᑕᐃᒪᖓᓂᑦ – ᓄᓇᒧᑦ ᐊᑦᑐᐊᓪᓚᕆᑦᑐᑦ ᐃᒃᐱᒍᓱᒃᓯᐊᕐᓱᑎᒃ ᐆᒪᔪᓂᒃ – ᐱᕕᒃᓴᖃᐃᓐᓇᓐᖁᓪᓗᒋᑦ ᐊᑐᐃᓐᓇᖃᕆᐊᖅ ᓄᓇᒥᐅᑕᓂᒃ ᐊᓪᓚᑦ ᐱᓂᕐᓴᐅᑦᓗᑎᒃ ᐆᒪᔪᕐᓯᐅᑎᑐᐃᓐᓇᓂᒃ.

ᐆᒪᔪᕐᓯᐅᕐᑎᒻᒪᕇᑦ ᐃᒃᐱᒍᓱᑦᓯᐊᕐᐳᑦ ᐊᕙᑎᒥᒃ; ᖃᐅᔨᒪᑦᓯᐊᕐᑐᑦ ᐊᕙᑎᖓᑕ ᐊᒃᑐᕐᑕᐅᓕᕐᓂᐊᓂᒃ ᐊᑲᐅᖏᑦᑐᓄᑦ ᓄᓇᖃᐅᕐᑐᓄᑦ. ᓯᕗᓪᓕᕐᐸᐅᔪᓐᓇᕐᑐᑦ ᓇᓗᓇᐃᕐᓯᓗᑎᒃ ᐊᓯᕐᔨᕐᑐᖃᓕᕐᐸᑦ ᐱᖅᑯᓯᕆᔭᖏᓐᓂᒃ ᐅᕝᕙᓘᓐᓃᑦ ᐊᓯᖏᑎᒍᑦ. ᑐᓴᐅᒪᐅᑎᑦᓯᐊᖏᑉᐸᑕ ᐆᒪᔪᕐᓯᐅᕐᑏᑦ, ᖃᐅᔨᓴᕐᑏᓪᓗ, ᐊᒻᒪ ᒐᕙᒪᒃᑯᑦ ᒪᑐᐃᖓᔪᒃᑯᑦ, ᐱᔾᔪᑕᐅᔪᑦ ᑲᒪᒋᔭᐅᔪᓐᓇᕐᐳᑦ ᐊᑲᐅᖏᓕᐅᑕᐅᓪᓚᕆᓚᐅᕐᑎᓐᓇᒋᑦ ᐱᐅᓯᑐᖃᖓᓄᑦ ᐅᑎᕈᓐᓇᐃᓪᓕᓪᓗᑎᒃ. ᖃᐅᔨᓴᕐᓂᒃᑯᑦ ᓇᑦᓯᓂᒃ ᐊᒻᒪ ᐅᓄᕐᓂᖏᓐᓂᒃ, ᑕᒪᕐᒥᒃ ᐊᑐᕐᓗᑎᒃ ᖃᐅᔨᓴᕐᓂᒃᑯᑦ ᐊᒻᒪ ᑐᓴᐅᒪᑎᑦᓯᓯᐊᕐᓂᒃᑯᑦ ᖃᔨᔭᐅᔪᑦ ᒥᒃᓵᓄᑦ, ᐊᑲᐅᓈᕋᔭᖅᑰᕐᒪᑦ ᑐᓴᐅᒪᑎᑦᓯᓂᕐᒧᑦ ᐊᕙᑎᐅᑉ ᖃᓄᐃᓕᕐᓂᖓᓂᒃ ᐊᒻᒪ ᐊᓯᔾᔨᕐᐸᓪᓕᐊᓂᐊᓂᒃ ᐊᕙᑎᑦᑕ.

ᐃᓕᓐᓂᐊᕐᓯᒪᔪᑦ ᓇᑦᓯᓯᐅᕆᐊᖅ ᐊᒻᒪ ᐃᑲᔪᕈᓐᓇᕐᒥᔪᑦ ᖃᐅᔨᓴᕐᓂᒃᑯᑦ ᐆᒪᔪᕐᓯᐅᒋᐊᖃᕋᑎᒃ ᐅᒪᔪᕐᓯᐅᕐᑐᓂᒃ, ᐊᑲᐅᓈᖏᑦᑐᓂᒃ ᐆᒪᔪᕐᓯᐅᕈᑎᓕᓐᓂᒃ, ᐊᒻᒪ ᓱᕈᕐᐸᓪᓕᐊᒍᑕᐅᑐᐃᓐᓇᕆᐊᓕᓐᓂᒃ. ᐊᓯᔾᔨᕐᑕᐅᔪᓐᓇᖏᑦᑐᓂᒃ ᖃᐅᔨᒪᔨᖃᓂᒃᑯᑦ ᓄᓇᖃᕐᑐᓂᒃ ᐆᒪᔪᓕᓐᓂ ᐊᕙᑎᑦᑎᓐᓂ ᐃᑲᔪᕐᓂᖃᒻᒪᕆᕈᓐᓇᕐᒪᑦ ᑐᖄᖓᔪᓄᑦ ᑭᕗᔮᒃᓴᑎᓐᓄᑦ.

“ᑐᕌᒐᖃᕐᐳᒍᑦ ᐊᑲᐅᓂᕐᐸᐅᒋᐊᕐᑐᓂᒃ ᐊᑯᓂᓂᑕᓂᒃ ᐊᒻᒪ ᐊᑲᓂᖏᓐᓂᒃ ᓄᑖᓂᒃ ᐊᑐᕐᓱᑕ…ᐊᑲᐅᓂᕐᐸᐅᔪᖅ ᓇᓗᓇᐃᕈᑕᐅᓗᓂ ᐊᑯᓂᐅᔪᒃᑯᑦ ᐊᕙᑎᒥᒃ ᓴᐳᒻᒥᓂᕐᒧᑦ ᐊᒻᒪ ᐊᑐᕐᑕᐅᓗᐊᕐᑕᐃᓕᑎᑦᓯᓂᕐᒧᑦ ᐅᑭᐅᕐᑕᕐᑐᒥ ᐃᓄᖃᕐᑎᑕᐅᒃᐸᑦ ᓄᓇᒥ, ᐆᒫᔪᕐᓯᐅᑎᓂᒃ, ᐃᖃᓪᓕᐊᕐᑎᓂᒃ, ᒥᑭᒋᐊᕐᓂᐊᕐᑎᓂᒃ, ᐊᒻᒪ ᑲᑎᕐᓱᐃᔨᓂᒃ - ᓄᓇᒋᔭᑦᑎᓂᒃ ᑲᒪᑦᓯᐊᕐᑐᓂᒃ.”

-ᐊᖅᑲᓗᒃ ᓕᖏ, ᐃᓄᐃᑦ ᓯᓚᕐᔪᐊᒥ ᑲᑐᔾᔨᖃᑎᒌᖏᓐᓄᑦ ᐊᖓᔪᖅᑳᖅ