ᐃᑲᔪᕐᓯᔭᐅᓂᖅ ᓴᓐᖏᔪᒻᒪᕆᒃᑯᑦ

ᐊᒥᓱᒻᒪᕇᑦ ᑲᓇᑕᒥ ᐊᒻᒪ ᓯᓚᕐᔪᐊᒥ ᑲᑐᔾᔨᖃᑎᒌᑦ ᐅᖃᖅᓯᒪᔪᑦ ᐃᑲᔪᕐᓯᓂᕐᒥᓂᒃ ᐸᕐᓇᒃᓯᒪᑦᓯᐊᕐᑐᓂᒃ ᐆᒪᔪᕐᓯᐅᕐᓂᕐᒧᑦ ᒥᐊᓂᕐᓯᒍᑎᓂᒃ.

ᓯᓚᕐᔪᐊᒥ ᑲᑐᔾᔨᖃᑎᒌᑦ ᓴᐳᒻᒥᓂᕐᒧᑦ ᓄᓇᕐᔪᐊᒥᒃ

ᓯᓚᕐᔪᐊᒥ ᑲᑐᔾᔨᖃᑎᒌᑦ ᓴᐱᒻᒥᓂᕐᒧᑦ ᓯᓚᕐᔪᐊᒥᒃ, ᐊᖏᓂᕐᐸᐅᕗᑦ ᐊᒻᒪ ᐃᒃᐱᒋᔭᐅᑦᓯᐊᕐᓱᑎᒃ ᓴᐳᒻᒥᓇᓱᐊᕐᓂᖓ ᑲᑐᔾᔨᖃᑎᒌᖑᓪᓗᑎᒃ ᓯᓚᕐᔪᐊᓕᒫᒥ (ᑲᑎᓪᓗᒋᑦ 82 ᓄᓇᓕᕐᔪᐊᑦ, 111 ᒐᕙᒪᒃᑯᑦ ᑎᒥᖁᑎᖏᑦ, ᐅᓄᕐᓂᓴᐃᓪᓗ 800,ᓂᑦ ᒐᕙᒪᒃᑯᑦ ᐊᓯᖏᑦ ᑲᑐᔾᔨᖃᑎᒌᑦ, ᐅᓄᕐᓂᕐᓴᐃᓪᓗ 800,ᓂᑦ ᒐᕙᒪᒃᑯᑦ ᐊᓯᖏᑦ ᑲᑐᔾᔨᖃᑎᒌᑦ, ᐊᒻᒪ 10,000 ᐅᖓᑖᓄᑦ ᖃᐅᔨᓴᕐᑎᒻᒪᕇᑦ) ᐃᑲᔪᕐᓯᔪᑦ ᐸᕐᓇᒃᑕᐅᓯᒪᑦᓯᐊᑐᐊᕐᐸᑦ ᐊᑐᕐᓂᖅ ᓇᑦᓯᓂᒃ ᐊᒻᒪ ᐊᓯᖏᓐᓂᒃ ᐆᒫᔪᓂᒃ, ᐊᒻᒪ ᐊᒥᓱᐊᓘᑐᐊᕐᐸᑕ ᓇᑦᓰᑦ.

“ᑲᑎᒪᔨᕐᔪᐊᑦ ᐊᒻᒪ ᐊᔭᐅᕆᔪᑦ ᑖᒃᑯᐊ ᓯᓚᕐᔪᐊᒥ ᑐᔾᔨᖃᑎᒌᑦ ᓴᐳᒻᒥᓂᕐᒧᑦ ᑲᑎᒪᔨᖏᑦ ᐊᑐᓕᕐᑕᐅᖁᔨᓪᓗᑎᒃ ᓴᖅᑭᑎᑦᓯᓇᓱᐊᖏᓪᓗᑎᒃ ᓄᑖᓂᒃ ᒪᓕᒐᒃᓴᓂᒃ ᓄᖅᑲᕐᑎᑦᓯᒍᑕᐅᓯᒪᔪᓂᒃ ᑲᓇᑕᐅᑉ ᐊᓯᐊᓄᑦ ᓂᐅᕕᐊᒃᓴᖃᕈᓐᓇᕐᓂᕐᒥᒃ ᓇᑦᓯᔭᓂᒃ ᐅᓄᕐᑐᐊᓘᒻᒪᑕ ᓇᑦᓰᑦ.” (ᐊᑐᓕᖁᔭᐅᓯᒪᔪᖅ ᐊᖏᕐᑕᐅᓯᒪᒧᖅ ᓯᓚᕐᔪᐊᒥ ᑲᑐᔾᔨᖃᑎᒌᑦ ᓴᐳᒻᒥᓂᕐᒧᑦ ᑲᑎᒪᕐᔪᐊᕐᓂᐊᓂ, ᓄᕕᐱᕆ 2004.)

ᓯᓚᕐᔪᐊᒥ ᐆᔪᓕᕆᔨᒃᑯᑦ – ᑲᓇᑕ

ᓯᓚᕐᔪᐊᒥ ᐆᒫᔪᓕᕆᓂᕐᒧᑦ ᑎᒥᐅᔪᖅ (ᑲᓇᑕ) ᓴᖅᑭᑎᑦᓯᓚᐅᕐᑐᑦ ᑎᑎᕋᕐᓯᑎᒪᔪᓂᒃ 2012,ᒍᑎᓪᓗᒍ ᓇᑦᓯᓕᕆᓂᐅᑉ ᒥᒃᓵᓄᑦ. ᓇᓗᓇᖏᑦᓯᐊᕐᑐᒃᑯᑦ ᐃᓕᑕᕆᔭᐅᓯᒪᕗᖅ ᐃᓕᖅᑯᓯᒃᑯᑦ ᐊᒻᒪ ᑮᓇᐅᔭᓕᐅᕋᓱᐊᕐᓂᒃᑯᑦ ᐱᒻᒪᕆᐅᓂᐊᓂᒃ ᐆᒪᔪᕐᓯᐅᕐᓂᐅᑉ ᐊᒻᒪ ᐅᖃᕐᓱᑎᒃ, ᐆᒪᔪᕐᓯᐅᕐᓂᖅ ᑲᒪᒋᔭᐅᑦᓯᐊᕐᓂᐊᑐᐊᕐᐸᑦ ᐊᒻᒪ ᐊᐅᓚᑕᐅᓂᖃᑦᓯᐊᕐᓗᓂ, ᐃᑲᔪᕐᓯᒐᔭᕐᑐᑦ ᐃᒫᒃ:

“… ᕿᓚᓗᒐᐃᑦ ᐅᓄᕐᓯᒋᐊᕐᓯᒪᔪᒻᒪᕆᐊᓗᐃᑦ 8 ᒥᓕᐊᓄᑦ. ᐅᓪᓗᒥ ᐊᑦᑕᓇᕈᑎᖃᖏᑦᑐᖅ ᐆᒪᔪᕋᓱᐊᕐᑕᐅᓂᖏᓐᓄᑦ ᐅᓪᓗᒥ. ᒥᐊᓂᕐᓯᓂᕐᒧᑦ ᐋᖅᑭᒃᓯᒪᔪᖃᖏᖅᑐᖅ ᓄᖅᑲᕐᑎᑦᓯᒋᐊᖅ ᖃᐃᕈᓕᓐᓂᐊᕐᓂᕐᒥᒃ ᐅᓪᓗᒥ, ᐊᒻᒪ ᖃᐅᔨᓴᐃᓐᓇᐅᔭᕐᓂᐊᕐᑕᕗᑦ ᖃᓄᖅ ᐊᒃᑐᕐᑕᐅᓂᖏᑦ ᐆᒪᔪᕐᓯᐅᓂᕐᒧᑦ ᐊᒻᒪ ᐊᓯᔾᔨᕐᐸᓪᓕᐊᓂᐊᓄᑦ ᐊᕙᑎᑦᑕ ᐊᕐᕌᒍᑕᒫᑦ.”

(http://www.sealsandsealing.net/resources/Seal%20Hunt%20Position%20Statement.pdf)

ᑲᓇᑕᒥ ᐆᒫᔪᓕᕆᓂᕐᒧᑦ ᑎᒥᐅᔪᖅ

“ᒥᐊᓂᕐᓯᒋᐊᖃᓂᖅ ᐃᓱᐃᖏᓕᐅᑕᐅᖏᓚᖅ ᓯᓈᓂ ᓇᑦᓯᓂᐊᕐᓂᕐᒧᑦ. ᑲᓇᑕᐅᑉ ᒐᕙᒪᒃᑯᖏᑦ ᖁᔭᓕᓚᐅᕐᑐᑦ ᐊᐅᓚᑦᓯᓂᕐᒧᑦ ᒪᓕᒐᖃᓂᖏᓐᓂᒃ ᖃᐃᕈᓕᓐᓂᐊᕐᓂᐅᑉ ᒥᒃᓵᓄᑦ.”

ᔮᒃ ᑲᐅᔅᑑ

1970,ᖏᓐᓂ, ᓴᐳᒻᒥᒐᓱᐊᕐᑎᒻᒪᕆᒃ ᐅᖃᓚᐅᕐᓯᒪᕗᖅ ᓱᒧᑦ ᕿᓚᓗᒐᕐᓂᐊᕈᓐᓇᕆᐊᖃᓂᕐᒧᑦ ᐊᖏᕐᒪᖔᕐᒥ:

“ᓱᓕᑦᓯᐊᕋᓱᐊᕆᐊᖃᖅᐳᒍᑦ. ᑐᕌᕆᐊᖃᕋᑦᑕ ᑲᒪᒋᔭᖃᕆᐊᖅ ᐊᑦᑕᓇᕐᑐᒥᓂᕋᕐᑕᐅᔪᓂᒃ ᐆᒪᔪᓂᒃ. ᖃᐃᕈᓕᓐᓂᐊᕐᓂᖅ ᐆᑯᓯᓂᐊᕐᓂᑐᑎᑑᕐᒪᑦ – ᑐᖁᑦᓯᒍᓯᖓ ᐊᑲᐅᖏᑦᑐᒻᒪᕆᐊᓗᒃ.