ᐊᐱᖅᑯᑕᐅᒡᒍᔪᑦ ᐊᒻᒪ ᑭᐅᔾᔪᑏᑦ

ᐋᒃᑲ – ᓇᑦᓰᑦ ᓇᓕᐊᑐᐃᓐᓇᐃᑦ ᐊᔾᔨᒌᖏᑦᑐᑦ ᓄᖑᓐᓂᐅᔭᕐᑐ ᒦᖏᑦᑐᑦ. ᑐᖔᓄᖔᖅ! ᖃᐃᕈᓖᑦ ᑲᓇᑕᐅᑉ ᑲᓇᓐᓇᖓᓂ ᐊᒥᓱᒻᒪᕆᐊᓗᐃᑦ ᐊᒻᒪ ᐊᒥᓱᕈᕐᐊᓪᓕᐊᑐᐃᓐᓇᕐᑐᑦ, ᐅᓪᓗᒥᓗ ᐅᓄᕐᓂᖃᕐᑐᑦ ᐅᖓᑖᓄᑦ 7.4 ᒥᓕᐊᓐᓄᑦ. ᐅᓄᕐᓂᖏᑦ ᓇᑦᓯᑐᐃᓐᓇᐃᑦ, ᐆᒪᔪᕐᑕᐅᕋᓱᐊᕐᐸᑦᑐᑦ ᑕᕆᐅᖓᓂ ᔅᐃᑦ ᓗᕆᓐᔅ, ᑕᐃᒪᖓᓂᑦ 1980,ᓂᑦ ᑲᔪᓯᒋᐊᕐᓯᒪᔪᑦ. ᐅᔾᔪᑎᐃᑦ, ᐅᓄᕐᒥᔪᑦ ᐅᑭᐅᕐᑕᕐᑐᒥ, 3 ᒥᓕᐊᓐ ᓴᓂᐊᓂ.

ᐅᑭᐅᕐᑕᕐᑐᒥ ᓇᑦᓯᐅᓂᕋᕐᑕᐅᒧᑦ, ᓇᑦᓯᕋᓱᑦᑕᐅᕙᑦᑐᖅ ᑲᓇᑕᐅᑉ ᐅᐊᓕᓐᓂᖓᓂ, ᑖᓐᓇᑐᐊᖅ ᑲᓇᑕᒥ ᓇᑦᓯᖅ “ᐊᑦᑕᓇᕐᑐᒥᓐᓂᕋᕐᑕᐅᔪᖅ” ᓯᓚᕐᐊᔪᐊᒥ ᑲᑐᔾᔨᖃᑎᒌᓄᑦ. ᐆᒪᔪᕐᑕᐅᒐᓱᐊᕐᐸᖏᑦᑐᖅ.

ᑲᓇᑕᒥ ᓴᑦᓯᓂᐊᕐᓂᖅ ᑲᒪᒋᔭᐅᕙᑦᑐᑦ ᑲᓇᑕᐅᑉ ᒐᕙᒪᖏᑕ ᐃᒪᕐᒥᐅᑕᓕᕆᔨᒃᑯᖏᓐᓄᑦ, ᒪᓕᑦᓱᒋᑦ ᐊᑦᑕᓇᖏᑦᑐᒦᓐᓂᖏᑦ ᐅᓄᕐᓂᖏᑕ. ᐅᓄᕐᓂᖏᑦ ᐆᒪᔪᕐᑕᐅᔪᓐᓇᕐᑐᑦ ᐋᖅᑭᒃᑕᐅᕙᑦᑐᑦ, ᒪᓕᑦᓱᒋᑦ ᑐᓐᖓᕕᖏᑦ – ᑮᓇᐅᔭᓕᐅᕋᓱᐊᓂᕐᒧᑦ ᐊᒻᒪ ᐱᕙᓪᓕᕈᑎᖃᓂᕐᒧᑦ ᓇᑦᓯᓯᐅᕐᓂᒃᑯᑦ. ᑲᓇᑕᐅᑉ ᒐᕙᒪᒃᑯᖏᑕ ᒥᐊᓂᕐᓯᔾᔪᑎᖏᑦ ᑲᔪᓯᑦᓯᐊᕐᓯᒪᔪᑦ ᓴᐳᒻᒥᓂᕐᒧᑦ ᓇᑦᓯᓂᒃ, ᐊᒻᒪ ᑕᑯᒃᓴᐅᕗᑦ ᐊᑖᓂ.

ᐋᒃᑲ. ᐆᒪᔪᕐᓯᐅᕐᑏᑦ, ᒐᕙᒪᒃᑯᓪᓗ ᒪᓕᒐᓕᐅᕐᑎᖏᑦ, ᐊᒻᒪ ᓂᐅᕕᕋᕐᑏᑦ ᐊᖏᖃᑎᒌᑦᓯᒪᔪᑦ ᐅᑯᓂᖓ: ᓈᑦᓯᓕᒫᑦ ᑐᖁᑕᐅᑦᓴᐅᑎᒋᒋᐊᓖᑦ, ᐃᓕᐊᕐᕆᑎᖏᓪᓗᒋᑦ, ᐊᒻᒪ ᑭᓯᐊᓂ ᑐᖁᑉᐸᑦ ᐱᓚᑦᑐᓕᕐᓗᒍ. ᓇᑦᓯᑦ ᑐᖁᑕᐅᕙᑦᑐᑦ, ᐃᓕᓐᓂᐊᑦᓯᐊᕐᓯᒪᔪᓄᑦ ᐊᒻᒪ ᑲᒪᑦᓯᐊᕐᑐᓂᒃ ᐆᒪᔪᓂᒃ.

ᐊᑐᕐᑕᐅᑦᓯᐊᕈᑎᒃ, ᐆᒪᔪᕐᓯᐅᕈᓯᖏᑦ ᑲᓇᑕᒥ ᓇᑦᓯᓯᐅᕐᑏᑦ ᐊᑐᑦᓯᐊᕐᑐᑦ ᐊᒻᒪ ᒪᓕᒍᑕᐅᓪᓗᑎᒃ ᐋᖅᑭᒃᓱᕐᑕᐅᓯᒪᔪᓂᒃ ᐆᒪᔪᓂᒃ ᓯᕐᓇᕐᑎᓄᑦ, ᐊᒻᒪ ᐃᓱᒪᒋᔭᐅᓯᒪᔪᓂᒃ ᐃᒻᒥᒃᑰᕐᓱᑎᒃ ᐅᓇᑕᕐᓯᒪᔪᓄᑦ ᑎᒥᐅᔪᓄᑦ, ᐊᑐᓕᖁᔭᐅᓯᒪᓪᓗᑎᒃ. ᖃᐅᔨᓴᕐᑕᐅᓯᒪᔪᑎᒍᑦ ᓇᑦᓯᓂᐊᕐᓂᒃᑯᑦ ᐊᑐᕐᑕᐅᓂᐊ 96 ᐳᕐᓯᓐ ᒪᓕᒋᐊᓖᑦ.

ᑕᒪᕐᒥᒃ ᓇᑦᓯᓂᐊᕐᑏᑦ ᐃᓕᓐᓂᐊᕆᐊᓖᑦ ᐃᓕᐊᕐᕆᑎᑦᓯᖏᓐᓂᒃᑯᑦ ᐆᒪᔪᕐᓯᐅᕈᓯᓂᒃ ᓯᕗᓂᐊᓂ ᓚᐃᓴᓐᓯᑖᕐᑎᑕᐅᓚᐅᕋᑎᒃ.

ᐋᒃᑲᑦᓯᐊᖅ. ᓂᐅᕕᐊᒃᓴᓕᐅᕐᓂᖅ ᓇᑦᓯᔭᕐᓂᒃ ᐊᒻᒪ ᕿᑐᒻᒪᒃᓵᓂᒃ ᐊᖏᓪᓕᕙᓪᓕᐊᔪᒻᒪᕆᒃ, ᖁᔭᓕᕙᕗᓪᓗ ᓴᓇᓐᖑᐊᕐᑏᑦ, ᐊᓐᓄᕌᓗᐅᕐᑏᑦ ᐊᒻᒪ ᐊᓯᖏᑦ ᐊᑎᔭᒃᓴᓕᐅᕐᑎᑦ. ᓇᑦᓯᔭᐃᑦ ᓂᐅᕕᐊᒃᓴᐅᕙᑦᑐᑦ, ᐊᒻᒪ ᐃᓚᓕᒫᖓ. ᓇᑦᓯᐅᑉ ᐅᕐᓱᖓ, ᐊᔪᕐᓇᖏᑦᓯᐊᒃᑐᖅ ᐊᑐᕆᐊᖅ, ᐱᕙᓪᓕᕈᑕᐅᒻᒪᑦ Omega-3 ᐅᕐᓱᐊ ᐊᒻᒪ ᐱᓗᐊᕐᑐᒥ ᐃᓚᒋᓕᐅᑎᓪᓗᒍ ᓂᕿᓄᑦ.

ᐊᒻᒪ ᓂᕿᖓ ᓂᕿᑦᓯᐊᕙᒻᒪᕆᐊᓗᒃ. ᓇᑦᓯᓯᐅᕐᑏᑦ ᐊᒻᒪ ᐃᓚᒌᑦ ᐊᒻᒪ ᓄᓇᓕᖓ, ᐊᑐᕈᓐᓇᕐᑐᑦ, ᐊᑐᕆᓐᓇᕐᑐᖅ ᐊᑭᑐᔪᐊᓘᖏᒻᒪᑦ, ᐱᐅᓪᓗᓂᓗ ᑎᒥᒧᑦ, ᐊᑐᐃᓐᓇᐅᓪᓗᓂ, ᐊᒻᒪ ᑲᔪᓯᖏᓐᓇᑦᓯᐊᕈᓐᓇᕐᑐᖅ ᑎᒥᒧᑦ ᓴᓐᖑᐅᔪᒍᑎᖏᑦ. ᐅᓄᕐᓯᕙᓪᓕᐊᒻᒪᑕ ᐃᒐᔩᑦ, ᑲᓇᑕᓕᒫᒥ, ᓴᑦᓯᐅᑉ ᓂᕿᖓ ᐊᑐᐃᓐᓇᐅᕗᖅ, ᒪᒪᕐᓱᓂ ᐊᒻᒪ ᖁᕕᐊᓱᒍᑕᕙᑦᑐᑦ ᑲᑎᓐᓂᒃᑯᑦ ᐊᒻᒪ ᓂᕿᒋᔭᐅᔪᓄᑦ ᐃᓚᒋᓕᐅᑎᓯᒪᓪᓗᓂ.

ᑲᓇᑕᐅᑉ ᒐᕙᒪᒃᑯᖏᑦ ᐃᓚᖓᓂᒃ ᐊᑭᓖᒋᐊᖃᑦᑕᓕᓚᐅᕐᓯᒪᔪᑦ ᓇᑦᓯᕋᓱᑦᑎᓂᒃ ᑲᑕᓚᐅᕐᑎᓪᓗᒍ ᓇᑦᓯᓂᐊᕐᓂᖅ 1983,ᒥ, ᑭᓯᐊᓂ ᑭᐅᕕᐊᒃᓴᓕᐅᕐᓂᕐᒧᑦ ᐊᒻᒪ ᐱᕙᓪᓕᐊᑎᑦᓯᓂᕐᒧᑦ, ᓂᕿᒧᓪᓗ (1995-99) ᑲᔪᖏᕐᓱᐃᒍᑎᒋᓪᓗᒍ ᖃᐃᕈᓕᓕᒫᒥᒃ ᐊᑐᕐᓂᕐᒧᑦ. ᑮᓇᐅᔭᓕᐅᕈᑎᖃᖁᓪᓗᒋᑦ ᓂᐅᕕᐊᒃᓴᓕᐅᕐᐸᑦᑐᑦ, ᐃᑲᔪᕐᓯᓂᖓᓗ ᓄᖅᑲᕐᑎᑕᐅᓪᓗᓂ 2001,ᒥ.

2015,ᒥ, ᑲᓇᑕᐅᑉ ᒐᕙᒪᒃᑯᖏᑦ ᑐᓴᕐᑎᑦᓯᓚᐅᕐᓯᒪᔪᑦ ᐃᒫᒃ $5.7 ᒥᓕᐊᓐ ᓇᓗᓇᐃᕐᑕᐅᓯᒪᓂᖏᓐᓂᒃ ᐊᒻᒪ ᓂᐅᕕᐊᒃᓴᓕᐅᕐᓂᕐᒧᑦ ᐃᑲᔪᕈᑕᐅᓗᑎᒃ ᓇᑦᓯᔭᕐᓂᒃ ᐊᑐᐃᓐᓇᐅᓂᐊᕐᑐᓂᒃ ᓄᓇᖃᖅᑳᕐᓯᒪᔪᑦ ᓄᓇᓕᖏᓐᓄᑦ ᒪᓕᓪᓗᑎᒃ ᑲᓇᑕᐅᑉ ᐊᑭᐊᓂ ᐊᑐᑐᖁᔭᐅᓯᒪᔪᓂᒃ, (ᐱᔅᓇᓯᓕᕆᓂᕐᒧᑦ ᐃᓕᓐᓂᐊᕐᓂᕐᒧᑦ ᐊᒻᒪ ᐋᖅᑭᒃᓱᐃᓂᕐᒧᑦ ᒪᓕᒃᑕᐅᔭᕆᐊᖃᕐᕐᑐᓂᒃ). ᑮᓇᐅᔭᐃᑦ ᑲᔪᖏᕐᓱᐃᒍᑎᑦᓴᐅᓪᓗᑎᒃ ᐊᒻᒪ ᐊᑲᐅᓯᒋᐊᕈᑎᒃᓴᐅᓪᓗᑎᒃ ᑲᓇᑕᓕᒫᒥ ᓇᑦᓯᔭᓕᕆᓂᕐᒧᑦ.

ᑲᓇᑕᓕᒫᒥ, ᑮᓇᐅᔭᓕᐅᕈᑕᐅᓇᓱᐊᕐᓂᐊ ᓇᑦᓯᑦ ᒥᒃᔪᐊᐱᒃ – ᑭᓯᐊᓂ ᐊᑐᕐᑕᐅᒧᖅ ᐊᒃᓱᒻᒪᕆᐊᓗᒃ ᐅᖓᑖᓄᑦ 6,000 ᑭᒃᑯᑐᐃᓐᓇᕐᓄᑦ ᐊᒻᒪ ᐃᓚᒌᓄᑦ ᓄᓇᓐᓂ ᓯᓈᓂ ᑕᐃᒪᖓᓕᒫᖅ ᐃᖅᑲᓇᐃᔭᒃᓴᖃᓂᕐᒧᑦ ᐃᑲᔪᕕᔾᔪᐊᕐᑐᖅ. ᐃᓚᖏᓐᓂ ᓄᓇᓕᓐᓂ, ᐅᖓᑖᓄᑦ 25% ᐆᒪᔪᕐᓯᐅᕐᐸᑦᑐᖅ ᐃᓛᓐᓂ, ᐊᒻᒪ ᓇᑦᓯᓯᐅᕐᐸᑦᑐᑦ ᐅᓄᕐᓂᖃᕈᓐᓇᕐᑐᑦ 25-35%,ᓄᑦ ᐊᕐᕌᒍᑦ ᐃᓗᐊᓂ ᑮᓇᐅᔭᓕᐅᕐᓂᒃᑯᑦ.

ᓄᓇᓖᑦ ᓂᕿᒋᔭᐅᒻᒪᑦ ᐊᓐᓇᐅᒪᐅᑎᒋᔭᐅᓪᓗᓂ, ᓇᓗᓇᕐᑐᖅ ᖃᓄᓪᓚᕆᖅ ᑮᓇᐅᔭᕐᑐᕐᓂᖏᑦ ᐆᒪᔪᕐᓯᐅᓂᕐᒧᑦ. ᐱᓗᐊᕐᑐᒥᒃ ᐊᑭᑐᔪᐊᓘᑎᓪᓗᒋᑦ ᓂᖀᑦ ᐅᑭᐅᕐᑕᕐᑐᒥ, ᐊᒻᒪ ᓇᓪᓕᐅᑯᒫᖃᕋᑎᒃ, ᓇᑦᓯᐅᑉ ᓂᕿᖓ ᐱᒻᒪᕆᐅᔪᖅ: ᐊᑕᐅᓯᖅ ᖃᐃᕈᓕᒃ ᐊᑭᖃᓪᓗᐊᕐᑐᖅ $200,ᓂᒃ ᓂᕿᖓ ᐃᓚᒌᓄᑦ.

ᓇᑦᓰᑦ ᐊᑭᖏᑦ ᐊᓯᔾᔨᕐᑕᕐᑐᑦ ᐊᕐᕌᒍᑕᒫᑦ, ᐊᑭᑐᓂᕐᐸᐅᓯᒪᓪᓗᓂ $34.1 ᒥᓕᐊᓄᑦ 2006,ᒥ. ᐅᓄᕈᓐᓇᐃᕆᐊᕈᑎᖃᓗᐊᓚᐅᒃᑐᑦ ᑲᓇᑕᐅᑉ ᐊᑭᐊᓂ ᓂᐅᕕᐊᒃᓴᐅᖁᔨᒍᓐᓇᐃᕐᓯᒪᑎᓪᓗᒋᑦ ᓇᑦᓯᔭᓂᒃ 2009,ᒥ, ᑭᓯᐊᓂ ᐅᓪᓗᒥ ᐅᑎᓕᕐᒥᔪᖅ, ᓄᑖᓂᒃ ᓂᐅᕕᐊᒃᓴᐅᓕᐅᕐᑐᖃᐸᓪᓕᐊᓕᕐᒪᑦ.

ᐃᖃᓪᓕᐊᓗᐊᕐᓂᖅ ᐸᓯᔭᒃᓴᐅᕗᖅ ᓄᖓᓗᐊᓕᓚᐅᕐᓂᖏᓐᓄᑦ ᑲᓇᑕᐅᑉ ᑲᓇᓐᓇᖓᓂ ᐆᒐᐃᑦ, ᑭᓯᐊᓂ ᐊᒥᓱᑦ ᐱᔾᔪᑕᐅᔪᑦ ᐅᓄᕈᓐᓇᐃᕐᓂᖏᓐᓄᑦ ᐊᒻᒪ ᓱᒃᑲᐃᑦᑐᒥᒃ ᐅᓄᕐᓯᕙᓪᓕᐊᓂᖏᓐᓄᑦ. ᐊᑕᐅᓯᖅ ᓇᑦᓯᖅ ᓂᕆᒍᓐᓇᕐᑐᖅ 1.5 ᑕᓐᔅᓂᒃ ᐊᕐᕌᒍᑕᒫᑦ, ᐊᒻᒪ ᖃᐅᔨᒪᔭᐅᓂᖃᕐᑐᖅ ᐃᓛᓐᓂᒃᑯᑦ, ᐊᑲᐅᖏᓕᐅᑕᐅᕙᓐᓂᖏᑦ ᐅᓄᕐᓯᕙᓪᓕᐊᒐᓱᐊᕐᓂᖏᓐᓄᑦ ᐆᒐᐃᑦ.

ᓇᓚᐅᒃᓵᕐᑕᐅᓯᒪᔪᑎᒍᑦ ᖃᐅᔨᓯᒪᕗᑦ ᖃᐃᕈᓖᑦ ᐊᒻᒪ ᓴᑦᓯᑐᐃᓐᓇᐃᑦ ᓂᕆᓲᑦ 350,000 ᑕᓐᔅᓂᒃ ᐆᒐᕐᓂᖅ ᐊᕐᕌᒍᒥ. ᐊᔾᔨᒌᖏᓐᓂᖏᑎᒋᔪᑦ, ᑲᓇᑕᒥ ᑲᑎᓪᓗᒋᑦ ᐊᕐᕌᒍᑕᒫᑦ ᑲᓇᓐᓇᖓᓂ ᑲᓇᑕᐅᑉ ᐆᒐᖃᓚᐅᕐᑐᖅ ᓴᓂᐊᓂ 16,000 ᑕᓐᔅᓂᒃ 2016,ᒥ.

ᐱᒻᒪᕆᐅᓄᖅ ᖃᐅᔨᒪᒋᐊᖅ ᑲᓇᑕᐅᑉ ᒐᕙᒪᒃᑯᖏᑦ ᐋᖅᑭᒃᓱᐃᓯᒪᒻᒪᑕ ᓂᐅᕕᐊᒃᓴᓕᐅᕐᓂᕐᒧᑦ ᓇᑦᓯᑕᐅᔪᓐᓇᕐᑐᑦ ᐅᓄᕐᓂᖏᓐᓂᒃ ᒪᓕᑦᓱᒋᑦ ᐊᑲᐅᓂᕐᐸᐅᒋᐊᕐᑐᑦ ᓴᐳᒻᒥᓂᕐᒧᑦ ᓇᑦᓯᑦ ᐅᓄᕐᓂᖏᓐᓂᒃ – ᓴᐳᒻᒥᒍᑕᐅᒐᑎᒃ ᐃᖃᓗᓐᓂᒃ. ᓈᒻᒪᓈᑦᓯᐊᕐᐸᑦ ᓇᔪᕐᑕᖓ, ᐃᖃᓗᐃᑦ ᐊᒻᒪ ᓇᑦᓯᑦ ᑲᑎᓐᖓᐃᓐᓇᕐᓂᐊᕐᑐᑦ ᓄᖑᓐᓂᐅᔭᖏᑦᑐᒃᑯᑦ.

ᓇᑦᓯᐊᑦ ᐱᐊᕋᐃᑦ ᒪᒃᑯᑦᑐᒻᒪᕆᐅᒧᑦ – ᖃᑯᕐᑐᓂᒃ ᒥᖅᑯᓖᑦ ᐊᓇᓇᒥᓃᖏᓐᓇᕐᑐᑦ ᓂᕆᒃᑲᑕᐅᓪᓗᑎᒃ ᐊᒻᒪ ᐅᖓᓪᓗᑎᒃ. ᒪᓕᒐᕐᓂᒃ ᓱᕋᐃᓄᖅ ᐆᒪᔪᕋᓱᒋᐊᖅ ᓇᑦᓯᐊᓂᒃ, ᐊᒻᒪ ᑕᐃᒪᖓᓂᑦ 1987,ᒥᑦ. ᐃᒪᕐᒥᐅᑕᓕᕆᓂᕐᒧᑦ ᒪᓕᒐᕐᓂᒃ ᓱᕋᐃᕗᖅ ᐆᒪᔪᕐᓯᐅᕆᐊᖅ, ᓂᐅᕕᐊᒃᓴᓕᐅᕆᐊᖅ, ᐅᕝᕙᓘᓐᓃᑦ ᑕᐅᖅᓯᕈᑎᖃᕆᐊᖅ ᖃᑯᕐᑐᓂᒃ ᓇᑦᓯᐊᓂᒃ. ᐊᒻᒪ, ᐱᕈᕇᑦᓯᒪᒧᑦ ᓇᑦᓯᑦ ᐆᒫᔪᕐᑕᐅᒐᓱᐊᕈᓐᓇᖏᑦᑐᑦ ᕿᑐᕐᖏᐅᑎᓪᓗᒋᑦ, ᐅᕝᕙᓘᓐᓃᑦ ᐱᐊᕋᕐᒥᓄᑦ ᐊᓐᓇᐅᒪᕕᐅᑎᓪᓗᒋᑦ.

ᓇᑦᓯᐊᖑᓚᐅᕐᓱᑎᒃ, ᒥᖅᑯᐃᔭᓚᐅᕐᓱᑎᓪᓗ ᖃᑯᕐᑐᒥᒃ, ᐳᐃᔾᔪᕋᓯᓲᑦ ᓂᕿᓯᐅᓯᓪᓗᑎᒃ, ᐊᒻᒪ ᐃᒻᒥᓂᕿᒍᓐᓇᓯᑦᓯᐊᕐᓱᑎᒃ. ᐊᓈᓇᒥᑐᑦ ᐃᒻᒥᓂᕿᒍᓐᓇᓯᑦᓯᐊᕐᓱᑎᒃ, ᐊᓈᓇᒥᑐᑦ ᓇᒧᑐᐃᓐᓇᕈᓐᓇᕐᓯᓪᓗᑎᒃ. ᐊᕐᓇᐃᑦ ᖃᓪᓗᓈᑐᑦ ᑕᐃᔭᐅᔪᑦ ᑲᐅᔅ, ᐊᒻᒪ ᐊᖑᑏᑦ ᐴᓪ.

ᐄᖕ. ᓴᑦᓯᓯᐅᕐᓂᖅ ᐱᒻᒪᕆᐊᓘᕗᖅ ᑲᓇᑕᒥ ᐅᓄᖏᓐᓄᑦ – ᐃᓕᖅᑯᓯᒃᑯᑦ ᐊᒻᒪ ᑮᓇᐅᔭᓕᐅᕋᓱᐊᕐᓂᒃᑯᑦ. ᐅᓄᕐᓂᖏᑦ ᓄᖑᓐᓂᐅᔭᖏᒻᒪᑕ, ᐊᒻᒪ ᐊᑐᓂᑦ ᐆᒪᔪᑦ ᐊᓄᕌᑦᓯᐊᔮᓗᓐᓂᒃ ᒥᕐᓱᒍᑕᐅᔪᓐᓇᕐᑐᑦ ᐊᔾᔨᒌᖏᑦᑐᓂᒃ ᐊᒻᒪ ᓂᕿᖃᑦᓯᐊᕈᑕᐅᓪᓗᓂ, ᓄᓇᓕᓐᓄᑦ ᓴᓐᖏᓕᕈᑕᐅᓪᓗᓂ ᑲᑎᑦᑕᕐᓂᒃᑯᑦ, ᐊᒻᒪ ᐊᓐᓇᐅᒪᐅᑎᒋᔭᐅᓪᓗᓂ ᓄᓇᕐᔪᐊᓕᒫᑲᓴᐃᑦ ᐅᖓᓯᑦᑐᓂ ᓄᓇᓕᖏᓐᓂ.

ᓇᑦᓰᑦ ᑮᓇᐅᔭᓕᐅᕈᑕᐅᕗᑦ, ᐃᒃᐱᒍᓱᑦᓯᐊᕐᓂᒃᑯᑦ ᐆᒪᔪᓂᒃ ᐊᒻᒪ ᐊᕙᑎᒥᒃ, ᐊᒻᒪ ᐃᒃᐱᒍᓱᒍᑕᐅᓪᓗᓂ ᐱᖅᑯᓯᐅᓯᒪᔪᓂᒃ ᓯᕗᓂᕐᒥᒃ ᐊᒻᒪ ᓂᐅᕕᐊᒃᓴᓕᐅᕐᓂᒃᑯᑦ ᓯᕗᓂᕐᒧᑦ.

This post is also available in: English French