ᓇᑦᓯᕐᐸᒃ ᓯᐊᕐᓇᖅ

ᖃᐅᔨᓴᕐᓂᒃᑯᑦ ᐊᑎᖓ: Halichoerus grypus

ᐊᑎᕆᒡᒍᔭᖓ: ᑲᓇᑕᐅᑉ ᐅᑭᐅᕐᑕᕐᑐᐊᓂ ᓇᑦᓯᕐᐸᑦ ᓯᐊᕐᓇᖅ

ᑕᐅᑦᑐᖏᑕ ᐅᔾᔨᐅᖏᓐᓂᖏᑦ: ᑲᔪᕈᔪᐃᑦ ᓯᐊᕐᓇᕈᔫᓪᓗᑎᒃ, ᐊᒻᒪ ᕿᕐᓂᕐᑕᖃᐅᕐᑐᑦ. ᐊᖑᑏᑦ ᕿᓯᖏᑦ ᕿᕐᓂᕐᓂᕐᓴᐃᑦ, ᑐᐃᖅᑯᕐᑐᓂᕐᓴᐅᓪᓗᑎᒃ, ᑕᑯᓯᔪᑖᑦ, ᐊᒻᒪ ᓱᕐᓗᖏᑦ ᐊᖏᔪᐊᓗᐃᑦ. ᐊᕐᓇᐃᑦ ᖃᑯᕐᓂᕐᓴᐅᓪᓗᑎᒃ, ᐊᒥᓐᓂᕐᓴᐃᑦ, ᐊᒻᒪ ᐊᒻᒪᓗᖏᓐᓂᕐᓴᐅᓪᓗᑎᒃ ᑕᐅᑦᑐᖏᑦ.

ᐊᖏᓂᖓ: ᐊᖑᑎᑦ ᐊᑐᓂᑦ 2.3 ᑎᑐᕐ ᐊᒻᒪ 350 ᑭᓗᑯᕌᓐᔅ; ᐊᖑᑏᑦ ᑕᑭᓂᖃᓲᑦ 1.6,ᓂᑦ 2.0,ᓄᑦ ᒥᑐᕐᔅ ᐊᒻᒪ 200 ᑭᓗᑯᕌᒻ. ᐱᐊᕋᖏᑦ ᐅᖃᒪᐃᓐᓂᖃᑐᑦ ᓴᓂᐊᓂ15 ᑭᓗᖁᕌᓐᒻᒪ ᐅᓅᕋᑖᕐᓱᑎᒃ.

ᖃᓄᖅ ᐊᑯᓂᐅᑎᒋᔪᖅ ᐆᒪᒍᓐᓇᕐᓂᖏᑦ: 20 ᐊᕐᕌᒍᓄᑦ ᐅᖓᑖᓄᓪᓘᓐᓃᑦ (ᐊᖑᑏᑦ); 30 ᐅᖓᑖᓄᓪᓗ ᐊᕐᓇᐃᑦ

ᓂᕿᒋᔭᖏᑦ: ᐃᖃᓗᒃ, ᐃᑎᓂᖃᕐᑐᒥᑦ 70 ᒥᑐᕐᓂᑦ ᐅᕝᕙᓘᓐᓃᑦ ᐅᖓᑖᓄᑦ, ᐊᒻᒪ ᐆᒐᕐᓂᒃ, ᐊᒻᒪ ᐊᔾᔨᒌᖏᑦᑐᓂᒃ ᐃᖃᓗᓐᓂᒃ, ᖃᓕᕋᓕᓐᓂᒃ, ᐅᕕᓗᕐᓂᒃ, ᐅᒪᔪᓂᓪᓗ ᐊᓯᖏᓐᓂᒃ ᓛᑉᔅᑐᒥᒃ ᐊᒻᒪ ᐋᑐᐳᔅᓂᒃ. ᓇᑦᓯᑦ ᐊᒻᒪ ᐆᒐᐃᑦ ᑲᑎᖓᓂᖏᑦ St. Lawrence,ᒥ ᖃᐅᔨᓴᕐᑕᐅᒻᒪᕆᑦᑐᑦ ᐱᔾᔪᑎᒋᓪᓗᒍ ᐊᒃᑐᕐᑕᐅᓯᒪᓕᕐᓂᖏᑦ ᓇᑦᓯᓄᑦ ᓂᕆᔨᓄᑦ ᐊᒻᒪ ᖁᐱᕐᕈᓄᑦ.

ᓂᕆᔨᖏᑦ: ᐋᕐᓗᐃᑦ ᐊᒻᒪ ᐃᖃᓗᔾᔪᐊᑦ.

ᐅᓄᕐᓂᖏᑦ: ᐅᓄᕐᑐᒻᒪᕆᐊᓗᐃᑦ, ᑕᐃᒪᖓᓂᑦ 1080,ᓂᑦ ᐅᓄᕐᓯᒋᐊᕐᓯᒪᔪᑦ. ᑲᑎᓪᓗᒋᑦ ᓇᓚᐅᒃᓵᕐᑕᐅᓯᒪᓂᖏᑎᒍᑦ 505,000 ᓇᑦᓯᑦ (2014).

ᓯᓚᕐᔪᐊᒥ ᐊᕙᑎᒥᒃ ᓴᐳᒻᒥᓂᕐᒧᑦ ᑲᑐᔾᔨᖃᑎᒌᑦ ᖃᓄᐃᓕᖓᓂᖓ: ᐃᓱᒪᒍᓗᑎᒋᖏᑕᖓ: ᐅᓄᕐᓯᕙᓪᓕᐊᑐᐃᓐᓇᕐᒪᑕ.

ᑲᓯᕗᐃᒃᑯᑦ ᖃᓄᐃᓕᖓᓂᐊ: ᐊᑦᑕᓇᕐᑐᒥᑦᑎᑕᐅᖏᑦᑐᖅ.

ᓇᓃᑦᑕᕐᓂᖏᑦ

Gᓇᑦᓯᑦ ᓯᐊᕐᓇᐃᑦ ᑕᒪᐃᓐᓃᑦᑐᑦ ᑲᓇᑕᐅᑉ ᐅᐊᓕᓂᐊᓂ, ᐅᓄᕐᑐᒻᒪᕆᐅᓪᓗᑎᒃ ᑲᓇᑕᒥ, ᐊᒻᒪ British Isles,ᒥ ᐊᒻᒪ Baltic Sea,ᒥ. ᐅᓄᕐᓂᖏᑦᑳᑖᒃᑯᓇᓂ ᐱᖓᓱᓂ ᓴᑦᓯᖃᓗᐊᐊᕐᑐᓂ ᐅᓄᕐᓯᒋᐊᕐᓯᒪᔪᑦ. . ᓴᓂᐊᓂ 40% ᓇᑦᓯᖃᕐᑐᖅ British Isles ᕿᑭᕐᑕᖏᓐᓂ, ᐅᓄᕐᓯᒋᐊᒃᑲᓐᓂᕐᓯᒪᓪᓗᑎᓪᓗ ᑕᐃᒪᖓᓂᑦ ᐅᓄᕐᓂᕐᐹᓄᑦ 1960,ᓂᑦ. ᑲᓇᑕᒥ ᓇᑦᓯᖃᕐᑐᖅ ᑖᒃᑯᓂᖑ Gulf of St. Lawrence,ᒥ ᑯᐸᐃᒃ ᐃᒪᖓᓂ, ᓂᐅ ᐳᕆᓐᓱᕕᒃᒥ, ᐳᕆᓐᔅ ᐃᑦᕗᑦ ᐊᐃᓚᓐᒥ, ᓅᕙ ᔅᑰᓴᒥ, ᐊᒻᒪ ᓂᐅᕙᐅᓐᓛᓐᒥ.

ᖃᓄᖅ ᐊᑯᓂᐅᑎᒋᔪᖅ ᐃᓅᔪᓐᓇᕐᓂᖏᑦ

ᐊᖑᑏᑦ ᐱᐊᕋᒃᓴᓕᐅᓕᕐᕈᓐᓴᕐᑐᑦ ᐊᕐᕌᒍᖃᓗᑎᒃ 10,ᓂᒃ ᐊᒻᒪ ᐊᕐᕋᒍᖃᓕᕋᒥᒃ 5,ᓂᒃ. ᓇᑦᓯᑦ ᓯᐊᕐᓇᐃᑦ ᐃᕐᓂᐅᓲᑦ ᐅᔭᕋᓪᓚᓂ ᓯᒡᒐᓂ. ᐊᕐᓇᐃᑦ ᐃᕐᓂᐅᕕᒻᒥᓄᑦ ᑎᑭᐅᕋᓲᑦ ᓯᕗᓪᓕᕐᒥ ᐊᒻᒪ ᐃᕐᓂᓕᕐᓱᑎᒃ ᐊᑕᐅᓯᕐᒥᒃ ᐊᑐᓂᑦ. ᕿᑐᕐᖏᐅᓲᑦ ᐅᑭᐊᒃᓵᒥ (ᓯᑎᐱᕆᒥᑦ ᓄᕕᐱᕆᒧᑦ) ᑲᓇᓐᓇᖓᓂ ᐅᑭᐅᕐᑕᕐᑑᑉ ᐊᒻᒪ ᐅᑭᐅᒥ (ᔭᓄᐊᕆᒥᑦ ᕕᕗᐊᕆᒧᑦ) ᐅᐊᓕᓂᐊᓂ ᑲᓇᑕᐅᑉ. ᐊᖑᑏᑦ ᓯᒡᔭᒧᐊᑐᐊᕋᒥᒃ ᖃᓂᑦᓴᕆᐊᕐᑐᕐᓱᑎᒃ ᐊᕐᓇᓂᒃ, ᐊᒻᒪ ᐃᓐᓇᐅᓂᕐᐹᖏᑦ ᐃᓂᓪᓚᖓᑦᓯᐊᓂᕐᐸᐅᓕᕐᓱᑎᒃ ᐊᕐᓵᕐᓯᒐᓱᒋᐊᖅ.

ᐱᐊᕋᒃᓴᖃᓲᑦ ᓇᑦᓰᑦ ᑕᖅᑭᓄᑦ 11.5ᓄᑦ, ᐱᖓᓱᓄᓪᓗ ᑕᖅᑭᓄᑦ ᒪᓐᓂᓕᐅᕐᓱᑎᒃ (ᑎᑭᓪᓗᒍ ᐃᓅᓂᖓᓄᑦ ᓯᑯᒧᐊᕈᓐᓇᕐᓯᓂᐊᓄᑦ). ᒪᕐᕉᒃ ᐱᓇᓱᐊᕈᓰᑦ ᐊᓂᒍᕐᑎᓪᓗᒋᒃ ᐊᒫᒪᑦᑎᑦᓯᒪᐅᕐᓱᑎᒃ, ᐊᕐᓇᐃᑦ ᐃᒻᒥᓂᕿᓕᓲᑦ. ᐱᐊᕋᖏᑦ ᐃᓅᓕᓲᑦ ᒥᖅᑯᖃᕐᓱᑎᒃ ᖃᑯᕐᑐᒥᒃ. ᑕᖅᑭᖅ ᐊᓂᒍᕐᒪᑦ ᒥᖅᑯᐃᔭᓲᑦ ᐊᒻᒪ ᐊᓯᔾᔨᕐᓱᑎᒃ ᐃᒻᒪᒍᓐᓇᖏᑦᑐᒧᑦ. ᑭᖑᓂᐊᒍᑦ ᐃᒻᒥᓂᕐᓯᓪᓗᑎᒃ ᓂᕿᓯᕐᐅᕐᓱᑎᒃ.