ᖃᐃᕈᓕᒃ

ᖃᐅᔨᓴᓂᕐᑯᑦ ᐊᑎᖓ: Pagophilus groenlandicus

ᓇᑦᓯᖃᐅᒡᒍᔪᖅ ᐅᑯᓂᖓ: ᐊᑯᑭᑦᑐᓂ ᓇᑦᓰᑦ ᐊᑯᑭᑦᑐᓂ, ᓵᑐᓪ ᓴᑦᓯᖅ, ᐊᒻᒪ ᑐᓄᕐᐸᓖᑦ ᓇᑦᓯᑦ

ᑎᒥᖓᑕ ᐊᔾᔨᐅᖏᑦᑑᓂᖓ: ᑕᑯᔪᑯᑖᓂᒃ ᖁᖓᓯᖃᕐᑐᑦ ᑐᓄᒃᑯᑦ ᕿᕐᓂᕐᓱᑎᒃ ᐊᖑᑎᑦ ᕿᓚᓗᒐᑦ. ᐊᖑᑏᑦ ᓇᑦᓰᑦ ᑐᑯᔪᕐᑑᔮᓲᑦ ᒥᒃᑯᖏᑦ ᖃᐅᓯᓕᑐᐊᕋᒥ, ᐊᒻᒪ ᓯᐊᕐᓇᐅᓪᓗᑎᒃ ᐸᓂᕐᑐᒥᓕᑐᐊᕋᒥᒃ, ᕿᕐᓂᕐᓂᕐᓴᐅᓪᓗᑎᒃ ᓂᐊᖁᐊᒍᑦ. ᐊᕐᓇᐃᑦ ᓂᐊᖁᖏᑦ ᖃᑯᕐᓂᕐᓴᐃᑦ ᐊᒻᒪ ᓂᐊᖁᑯᑖᖃᓐᓂᕐᓴᐅᓪᓗᑎᒃ. ᐱᐊᕋᕐᑖᓴᖏᖅ ᖃᑯᕐᑐᑦ ᐊᒻᒪ ᒥᖅᑯᖏᑦ ᐊᓯᔾᔨᓲᑦ ᐱᓇᓱᐊᕐᕈᓯᕐᒥ.

ᐊᖏᓂᖓ: ᑕᑭᑎᒋᓂᐊ 1.6 ᒥᑐᕐᔅ (ᐊᕐᓇᐃᑦ ᒥᒃᓂᕐᓴᐅᒡᒍᔪᑦ ᐊᖑᑎᓂᑦ); 130-150 ᑭᓗᑯᕌᒻᔅ.

ᐆᒪᓂᖏᑦ: 25-40 ᐊᕐᕌᒍᓄᑦ

ᓂᕿᖏᑦ: ᒪᒃᑯᑦᑐᑦ ᖃᐃᕈᓖᑦ ᓂᕿᖃᓂᕐᓴᐃᑦ ᑭᖑᓐᓂᒃ ᐊᒻᒪ ᐱᕈᖅᑐᓂᒃ. ᐱᕈᕇᖅᓯᒪᔪᑦ ᓂᕿᖃᐅᕐᑦ ᐱᕈᕐᑐᓂᒃ, ᐆᒐᕐᓂᒃ, ᑲᕕᓯᓕᓐᓂᒃ, ᐅᕕᓗᕐᓂᒃ, ᐊᑯᑭᑦᑐᑦ ᑲᕕᓯᓕᖏᓐᓂᒃ, ᐊᔾᔨᒌᖏᑦᑐᓂᒃ ᐃᖃᓗᓐᓂᒃ, ᑭᖑᓐᓂᒃ, ᐊᒻᒪ ᑭᖑᐊᕈᕐᓂᒃ.

 

ᓂᕆᔨᖏᑦ: ᐋᕐᓗᐃᑦ, ᓇᓄᐃᑦ, ᐃᖃᓗᔾᔪᐊᑦ ᐊᒻᒪ ᐊᐃᕕᖅ.

ᐅᓄᕐᓂᖏᑦ: ᐊᒥᓱᒻᒪᕆᐊᓗᐃᑦ, ᓇᓚᐅᒃᓵᕐᑕᐅᓯᒪᓂᖃᕐᑐᑦ 7.4 ᒥᓕᐊᓐᓄᑦ (ᐱᖓᓲᔪᕐᑐᕐᓱᒋᑦ ᐅᓄᕐᓂᖏᑦ ᐅᓄᕐᓯᒋᐊᕐᓯᒪᓂᖃᕐᑐᑦ ᑕᐃᒪᖓᓂᑦ 1970ᓂᑦ).

ᓯᓚᕐᔪᐊᒥ ᐊᕙᑎᒥᒃ ᒥᐊᓂᕐᓯᓂᕐᒧᑦ ᑲᑐᔾᔨᖃᑎᒌᑦ ᖃᓄᐃᓕᖓᓂᖏᑦ ᐅᓪᓗᒥ: ᐃᓱᒫᓗᒍᑎᖃᖏᑦᑐᑦ ᐅᓄᕐᓂᖏᓐᓐᒃ; ᐅᓄᕐᓂᖏᑦ ᑲᑉᐱᐊᓇᕐᑐᒦᖏᑦᑐᑦ ᐊᓯᔾᔨᕐᑕᕐᓱᑎᒃ: ᐅᓄᕐᓯᕙᓪᓕᐊᔪᑦ.

ᓇᒧᓐᖓᕐᑕᕐᓂᖏᑦ

ᐅᑭᐅᕐᑕᕐᑐᒥ, ᐅᑎᕐᑕᐸᑦᑐᑦ ᐅᑭᐅᕐᑕᕐᑐᒧᑦ ᐊᒻᒪ ᐅᖅᑯᓂᕐᓴᓂᒃ ᐃᒪᖃᕐᑐᓄᑦ. ᐅᓄᕐᓂᕐᐸᐅᔪᑦ ᑲᓇᑕᐅᑉ ᐅᐊᓕᓂᐊᓂ, ᓂᐅᕙᐅᓐᓛᓐᒥ ᐊᒻᒪ ᓛᐸᑐᐊᕐᒥ. ᐊᐅᕙᒥ ᑲᓇᑕᐅᑉ ᐅᑭᐅᕐᑕᕐᑐᐊᓂᑉᐸᑦᑐᑦ ᐊᒻᒪ ᐊᑯᑭᑦᑐᑦ ᓯᓈᖏᑕ ᐅᐊᓕᓂᐊᓂ. ᐅᑭᐊᓵᖅ ᐱᒋᐊᓕᓵᕐᑎᓪᓗᒍ ᓅᑉᐸᑦᑐᑦ ᑲᑎᐅᕐᐸᑦᑐᑦ ᓯᑯᒥ ᒪᓕᑦᓱᑎᒃ ᐃᓐᓇᐅᓂᕐᓴᓂᒃ ᐆᒪᔪᓂᒃ. ᓄᕕᐱᕆ ᓄᓐᖑᐊᓂ ᓚᐳᑐᐊᑉ ᓯᓇᓄᐊᕐᐸᑦᑐᑦ. ᐊᕕᒃᑐᕐᓱᑎᒃ ᑕᐃᑲᓂ: ᓇᑉᐸᖏᓐᓂᑦ ᐅᓄᕐᓂᕐᓴᐃᑦ Gulf of St. Lawrence,ᒧᐊᓲᑦ ᖃᓂᒋᔮᓄᑦ Magdalen Islands, ᐊᒻᒪ ᐃᓚᖏᑦ, ᒪᒃᑯᓐᓂᑦᓴᐃᑦ ᓂᐅᕙᐅᓐᓚᒧᐊᕐᓱᑎᒃ ᑕᐃᔭᐅᔪᒧᑦFront.

ᖃᓄᖅ ᐊᑯᓂᐅᑎᒋᔪᖅ ᐆᒪᓂᖏᑦ

ᐊᕐᓇᐃᑦ ᐃᕐᓂᐅᓲᑦ ᐊᑕᐅᓯᕕᑦᓱᑎᒃ ᓯᑯᒥ ᓄᓐᖑᐊᓂ ᕕᕗᐊᕆ ᐅᕝᕙᓘᓐᓃᑦ ᒫᕐᔨᒥ. ᓇᑦᓯᐊᕕᓃᑦ ᐊᒫᒪᓲᑦ ᐅᓪᓗᓂ 10-12,ᓂ, ᐊᒻᒪ ᖁᐃᑦᑎᕙᓪᓕᐊᓪᓗᑎᒃ ᓱᒃᑲᔪᐊᓗᒻᒥᒃ, ᐊᒻᒪ ᓱᓕ ᐃᒪᕐᒧᐊᕈᓐᓇᕋᑎᒃ. ᐊᓈᓇᒥᓃᖏᓐᓇᓚᐅᕐᓱᑎᒃ, ᓇᑦᓯᐊᑦ ᒥᖅᑯᐃᔭᓲᑦ ᖃᑯᕐᑐᒥᒃ ᐊᒻᒪ ᑕᐃᔭᐅᓂᖃᕐᓱᓂᑦ “ᒥᖅᑯᐃᔭᕐᓂᖅ.

ᐅᕙᓂ Front, ᓇᑦᓯᐊᑦ ᓅᑉᐸᓪᓕᐊᓕᓲᑦ ᓯᑯᓕᓐᓄᑦ ᐊᒻᒪ ᓂᕆᓕᕐᓱᑎᒃ ᐱᕈᕐᑐᓂᒃ ᖁᐱᕐᕈᐊᕈᕐᓂᒃ ᐱᕈᖅᑐᓂᒃ. ᐃᐱᓪᒥ ᐱᕈᕇᖅᐸᐸᑦᑐᑦ ᐊᒻᒪ ᐊᖑᑏᑦ ᐊᐅᓚᐅᕋᕐᓱᑎᒃ ᓱᑯᓕᓐᓄ ᒥᖅᑯᐃᔭᕆᐊᖅᑐᕐᑐᑦ. ᐊᕐᓇᐃᑦ ᒥᖅᑯᐃᔭᓲᑦ ᒪᕐᕉᒃ ᐱᓇᓱᐊᕈᓰᒃ ᑭᖑᓂᐊᓂ. ᐊᐅᔭᒥ ᓅᒋᐊᓯᕙᑦᑐᑦ ᐅᑭᐅᕐᑕᕐᑑᑉ ᐃᒪᖏᓐᓄᑦ. ᑭᖑᓂᐊᒍᑦ ᒥᖅᑯᐃᔭᓚᐅᕐᓱᑎᒃ. ᐱᕈᖅᕇᖅᓯᒪᔪᑦ ᓇᑦᓰᑦ, ᐊᒻᒪ ᐊᓯᖏᑦ ᓴᑦᓯᑦ ᐱᕈᐊᓂᒃᓯᒪᔪᑦ, ᐊᑯᑭᑦᑐᑦ ᐃᒪᖏᓐᓃᑉᐸᑦᑐᑦ ᐅᐊᓕᓂᖓᓂ ᐊᒻᒪ ᐊᒥᓱᐊᓗᐃᑦ ᑲᓇᑕᐅᑉ ᐅᑭᐅᕐᑕᕐᑐᐊᑕ ᐃᒪᖓᓃᑦᓱᑎᒃ.

This post is also available in: English French