ᓇᑦᓯᑦ ᓇᓴᓖᑦ

ᖃᐅᓴᕐᓂᒃᑯᑦ ᐊᑎᖓ: Cystophora cristata

ᐊᓯᖓ ᑕᐃᔭᐅᔪᓯᐊ: ᓇᑦᓯᑦ ᑕᕐᓴᓕᒃ

ᐊᔾᔨᐅᖏᓐᓂᖓ ᑎᒥᖓᑕ: ᒪᒃᑯᑦᑐᑦ ᓇᓴᓖᑦ ᓇᑦᓰᑦ ᑐᖑᔪᕈᔪᕐᑐᑦ ᕿᓯᖏᑦ ᐊᒻᒪ ᒥᖅᑯᖏᑦ ᐊᓯᔾᔨᓲᒍᓪᓗᑎᒃ ᑕᖅᑭᓂ 15,ᓂ. ᐃᓐᓇᐃᑦ ᕿᕐᓂᕐᓂᓴᐃᑦ ᑎᒥᒥᒍᑦ, ᐊᒻᒪ ᑐᖑᔪᕈᔪᑦᑐᑦ ᓯᐊᕐᓇᕈᔫᓪᓗᑎᒃ ᓴᓂᕋᒥᒍᑦ ᐊᒻᒪ ᓴᕝᕕᒥᒍᑦ, ᕿᕐᓂᕐᓛᓪᓗᑎᒃ ᑎᒥᓕᒫᒃᑯᑦ.

ᐊᖏᓂᖏᑦ: ᐊᖑᑏᑦ ᑕᑭᓂᖃᕈᓐᓇᕐᑐᑦ 2.6 ᒥᑐᕐᓂᒃ ᐅᖁᒪᐃᓐᓂᖃᓗᑎᒃ 300 ᐊᒻᒪ 400 ᑭᓗᑯᖄᒻ ᐊᑯᓐᓂᖏᓐᓂ. ᑕᑭᓂᖃᕈᓐᓇᕐᑐᑦ 2.3 ᒥᑐᕐᔅᓂᒃ ᐊᒻᒪ ᐅᖁᒪᐃᓐᓂᖃᓗᑎᒃ 160 ᐊᒻᒪ 250 ᑭᓗᑯᕌᒻᓂᒃ. ᐱᐊᕋᖏᑦ ᐅᖁᒪᐃᓐᓂᖃᕈᓐᓇᕐᑐᑦ 10,ᓂᑦ 15,ᓄᑦ ᑭᓗᑯᕌᒻ ᐃᓅᓕᕐᓱᑎᒃ.

ᖃᓄᖅ ᐊᑯᓂᐅᑎᒋᔪᖅ ᐆᒪᒍᓐᓇᕐᓂᖏᑦ: 30-35 ᐊᕐᕌᒍᓄᑦ

ᓂᕿᒋᔭᖏᑦ: ᐊᔾᔨᒌᖏᑦᑐᒻᒪᕆᐊᓗᐃᑦ: ᔅᑯᐃᑦ, ᐊᑯᑭᑦᑐᒥ ᖃᓕᕋᓖᑦ, ᐊᐅᐸᕐᑐᑦ ᐃᖃᓗᑎᑦ ᐆᒐᑦ, ᑲᓇᑕᐅᑉ ᐅᐊᓕᓂᐊᓂ ᐃᖃᓗᑎᑦ, ᐊᓯᖏᓪᓗ ᐊᒥᓱᑎᑦ ᐆᒪᔪᑦ, ᐅᐱᓗᐃᓪᓗ ᐊᒻᒪ ᐊᒻᒨᒪᔪᑦ ᑭᖑᐃᓪᓗ.

ᓂᕆᔨᖏᑦ: ᐋᕐᓗᐃᑦ, ᓇᓄᐃᑦ ᐊᑯᑭᑦᑐᓂ ᐃᖃᓗᔾᔪᐊᑦ.

ᐅᓄᕐᓂᖏᑦ: ᑲᓇᑕᒥ, ᓇᓚᐅᒃᓵᕐᑕᐅᓯᒪᓂᖏᑎᒍᑦ 2005,ᒥ ᐅᓄᕐᓂᖃᓚᐅᕐᓯᒪᔪᑦ 593,500,ᓄᑦ. ᑕᐃᒪᖓᓂᑦ ᐱᐊᓂᑦᑕᐅᓯᒪᓕᕐᑐᑦᑦ ᖃᐅᔨᓴᕐᑕᐅᔪᑦ, ᑕᐃᒪᐃᒻᒪᓗ ᐅᓪᓗᒥ ᐅᓄᕐᓂᖏᑦ ᐊᔾᔨᒋᖏᒻᒪᕆᓕᕐᑕᖑᑦ (ᐅᓄᕐᓯᒋᐊᕐᓯᒪᓂᖏᑦ1980,ᓂᑦ 1990ᓄᑦ).

ᓯᓚᕐᔪᐊᒥ ᐊᕙᑎᒥᒃ ᓴᐳᒻᒥᓂᕐᒧᑦ ᑲᑐᔾᔨᖃᑎᒌᑦ ᖃᓄᐃᓕᖓᓂᖓ: ᐅᓄᕐᓂᖏᑦ ᐅᓪᓗᒥ. ᖃᐅᔨᒪᔭᐅᖏᑦᑐᑦ.

ᑲᓯᕗᐃᒃᑯᑦ ᖃᓄᐃᓕᖓᓂᐊ: ᐊᑦᑕᓇᕐᑐᒦᖏᑦᑐᑦ

ᓇᓃᑦᑕᕐᓂᖏᑦ

ᓇᓴᓖᑦ ᓴᑦᓰᑦ ᓅᑦᑕᕐᐳᑦ, ᑭᓯᐊᓂᓗ ᑕᐃᒪᐃᑦᑐᓂᒃ ᓇᑦᓯᖃᕐᑐᑦ ᑲᓇᑕᐅᑉ ᐃᓚᖓᓂ ᐊᒻᒪ ᐅᐊᓕᓂᐊᓂ. ᐃᓄᑑᒍᔪᑦ, ᐊᒻᒪ ᐃᖏᕐᕋᓲᑦ ᐅᖓᓱᑦᑐᒧᑦ ᑲᓇᑕᐅᑉ ᐅᐊᓕᓂᐊᓄᑦ ᓂᕆᔭᕐᑐᕐᓱᑎᒃ ᐊᒻᒪ ᕿᑐᕐᖏᐅᕆᐊᕐᑐᕐᓱᑎᒃ. ᓅᑦᑕᓲᑦ ᑕᐃᕕᔅ ᔅᑕᕆᑦᒧᑦ ᐊᐅᔭᒥ ᐊᒻᒪ ᐃᕐᓂᔭᕐᑐᕐᓱᑎᒃ ᐅᑭᐅᒃᑯᑦ. ᑎᓴᒪᐅᓗᐊᕐᑐᓂᒃ ᐃᕐᓂᕕᖃᓱᑦ ᓯᓈᓂ ᓂᐅᕙᐅᓐᓛᓐ ᐊᒻᒪ ᓛᐸᑐᐊᑉ, ᑲᓇᓐᓇᖓᓂᓗ ᐊᑯᑭᑦᑐᑦ, ᐊᒻᒪ Gulf of St. Lawrence (ᐱᓗᐊᕐᑐᒥMagdalen Islands), ᐊᒻᒪ ᑕᐃᕕᔅ ᔅᑐᕇᑦᒥ.

ᑕᒪᒃᑯᐊ ᓇᑦᓰᑦ ᖃᐅᔨᒪᔭᐅᔪᑦ ᐅᖓᓯᑦᑐᐊᓗᒻᒧᐊᕐᑕᕐᓂᖏᑦ, ᐅᐊᓕᓂᐊᓂᓗ ᐊᓛᔅᑲᐅᑉ ᐊᒻᒪ Canary Islands,ᓄᑦ ᐊᒻᒪ Guadeloupe,ᒧᑦ Caribbean,ᒥ.

ᖃᓄᖅ ᐊᑯᓕᐅᑎᒋᔪᖅ ᐆᒪᒍᓐᓇᕐᓂᖏᑦ

ᐊᕐᓇᐃᑦ ᐱᕈᖅᐸᓪᓕᐊᓲᑦ 3 ᐊᒻᒪ 6 ᑕᖅᑭᑦ ᐊᑯᓐᓂᖏᓐᓂ, ᐊᖑᑎᑦ ᐊᑯᓐᓂᖏᓐᓂ 5 ᐊᒻᒪ 7. ᐱᐊᕋᐃᖏᑦ ᐃᓅᓕᓲᑦ ᕿᑎᐊᓂ ᒪᕐᔨ ᐊᒻᒪ ᐊᐃᕆᓕ ᐅᕐᓱᖃᑦᓴᐅᑎᒋᓪᓗᑎᒃ – ᐊᒫᒪᒋᐊᖃᑎᓪᓗᒋᑦ 4ᓂᑦ 8,ᓄᑦ ᐅᓪᓗᓄᑦ, ᐆᒪᔪᓕᒫᓂᑦ ᓇᐃᓐᓂᕐᐹᒥᒃ ᐊᒫᒪᑦᑐᑦ. ᑕᕝᕙᓂᓐᓂᕐᒥᓂ, ᐱᐊᕋᖏᐃᑦ ᐊᖏᓪᓕᒋᐊᓪᓚᕆᒨᑦ 24 ᑭᓗᑯᕌᓂᑦ 47 ᑭᓗᑯᕌᓄᑦ. ᐊᒻᒪ ᑭᖑᓂᐊᒍᑦ ᐊᓈᓇᒥᓂᒃ ᕿᒪᐃᓪᓗᑎᒃ. .

ᐃᕐᓂᐅᕇᕋᒥᒃ, ᐊᕐᓇᐃᑦ ᐃᒃᐱᒋᔭᖃᓲᑦ ᐱᐊᕋᕐᒥᓂᒃ ᓯᑯᒥᑦᑐᓂᒃ ᐊᖑᑎᓂᒃ ᐱᖃᑎᖃᕐᓱᑎᒃ, ᐊᕙᓗᓯᓯᒪᓪᓗᑎᒃ ᓴᐳᒻᒥᓂᒃᑯᑦ. ᐊᖑᑏᑦ ᐊᑖᑕᖏᑦ ᐱᐊᕋᖏᑕ, ᑭᓯᐊᓂ ᐊᓯᖏᑦ ᐱᐊᕋᐃᑦ ᓄᓕᐊᕈᓐᓇᕐᒥᔪᑦ ᐱᐊᕋᖏᑦ ᑕᒫᓂᖅᑭᓕᕐᑎᓪᓗᒋᑦ. ᐊᕐᓴᐃᑦ ᐃᓪᓕᐊᖃᕈᓐᓇᕐᑐᑦ 3-4 ᑕᖅᑭᓂ (ᐃᓪᓕᐊᕆᓕᕐᓗ) ᐃᓅᓕᕐᓂᖓᓄᑦ ᓯᑯᒦᒍᒥ.

This post is also available in: English French