ᓇᑦᓯᔭᐃᑦ

ᑕᐃᒪᖓᓂᑐᖃᖅ, ᑲᖅᓯᑦ ᐊᑐᕐᑕᐅᕙᑦᓯᒪᔪᑦ ᐊᓐᓄᕌᕆᔭᐅᓪᓗᑎᒃ ᑐᐱᕆᔭᐅᓪᓗᑎᒃ ᓂᕿᒋᔭᐅᓪᓗᑎᒃ ᐅᒻᒪ ᐅᖅᑰᓴᐅᑕᐅᓪᓗᓂ. ᐅᓪᓗᒥ, ᐊᓯᔾᔨᕐᓯᒪᓕᕐᑐᖅ ᐊᑐᕐᑕᐅᓂᖓ, ᑭᓯᐊᓂ ᑕᐃᒫᑦᓴᐃᓐᓇᖅ ᐱᔾᔪᑎᖃᕋᓗᐊᕐᓱᑎᒃ – ᐊᑕᖏᑦᓯᐊᕐᓱᒍ ᓇᑦᓯᖅ ᓂᐅᕕᐊᒃᓴᓕᐅᖑᔪᓐᓇᕐᑐᖅ, ᓂᐅᕕᐊᕆᔭᐅᓗᓂ, ᐊᒻᒪ ᐊᑐᕐᑕᐅᓗᓂ ᖃᓄᑐᐃᓐᓇᖅ ᐊᔾᔨᒌᖏᑦᑐᓄᑦ ᓂᐅᕕᐊᒃᓴᓕᐅᕐᑎᓄᑦ.

ᓇᑦᓰᑦ ᕿᓯᖓ -ᒥᖅᑯᓕᒃ, ᐃᒻᒪᒍᓐᓇᕋᓂ, ᐊᒻᒪ ᐱᐅᔪᒻᒪᕆᐊᓗᒃ – ᐅᓪᓗᒥ ᓱᓕ ᐊᑐᕐᑕᐅᕙᑦᑐᖅ ᐃᓄᑦᑐᑦ ᓴᓇᐅᒐᕆᔭᐅᓪᓗᓂ ᐊᒻᒪ ᐊᓐᓄᕌᓕᐊᕆᔭᐅᓪᓗᓂ. ᑭᓯᐊᓂ ᓄᑖᓂᒃ ᓴᓇᔪᖃᕐᐸᓕᕐᒥᔪᖅ ᓴᓇᓐᖑᐊᕐᑎᓂᒃ, ᐊᓐᓄᕌᓕᐊᕆᔭᐅᓪᓗᓂᓗ ᓂᐅᕕᐊᒃᓴᓂᒃ. ᓇᑦᓯᔭᒥᒃ ᓴᓇᒍᓐᓇᕐᒥᒧᑦ ᖃᓄᑐᐃᓐᓇᖅ ᐊᑐᕋᒃᓴᓂᒃ ᐊᒻᒪ ᓇᑦᓯᑦ ᕿᓯᖏᑦ ᑲᒥᓕᐊᕆᔭᑐᐃᓐᓇᕈᓐᓇᐃᕐᑐᑦ ᐊᑐᕐᑕᐅᒋᐊᖃᓪᓚᕆᑦᑎᓪᓗᒋᑦ ᑭᓯᐊᓂ ᐃᓄᒋᐊᑦᑐᓂ ᐊᑐᕐᑕᐅᔪᓐᓇᕐᓯᔪᑦ, ᐃᓄᐃᑦ ᓄᓇᖏᓐᓂ ᒥᑭᓂᕐᓴᓂ ᓯᓈᓂᕐᒥᐅᓂ ᓲᕐᓗ.

ᓲᕐᓗ, ᓇᑦᓯᐅᑉ ᓂᕿᖓ ᓱᓕ ᐊᓐᓇᐅᒪᒍᑕᐅᔪᖅ ᐊᒻᒪ ᓂᐅᕕᐊᒃᓴᐅᔪᓐᓇᕐᓱᓂ ᓄᓇᓕᓐᓂ, ᐊᒻᒪᓗ ᓂᕆᕕᓐᓂ ᐊᑐᐃᓐᓇᐅᓕᕐᒥᔪᑦ ᕙᓐᑯᕙᒥ ᐊᒻᒪ ᓴᐃᑦ ᔮᓐᒥ. ᓴᑦᓯᐅᑉ ᐅᕐᓱᖓ, ᐊᑐᕐᑕᐅᕙᓚᐅᕐᑐᖅ ᐅᐊᕈᑎᒋᔭᐅᑎᓪᓗᒍ ᓯᓚᕆᓴᐅᑎᓄᑦ ᕿᓯᓐᓄᑦ ᐊᒻᒪ ᐅᐊᓴᐅᑎᒧᑦ ᐃᓚᒋᓕᐅᑎᓪᓗᒍ, ᐅᓪᓗᒥ ᐊᑐᕐᑕᐅᓂᕐᐸᐅᓕᕐᒥᔪᖅ ᖃᓄᐃᖏᑦᓯᐊᕋᓱᐊᕐᓂᕐᒧᑦ ᐊᑲᐅᓂᖃᒪᑦ ᐅᕐᓱᖓ ᑕᐃᔭᐅᔪᒥᒃ Omega-3 ᐅᖅᓱᖅ.

Learn More About Seal Products

“ᑲᓇᑕᒥ ᐊᓐᓇᐅᒪᒍᑕᐅᑦᓯᐊᕈᓐᓇᕐᓂᕐᐹᖅ. ᐊᔾᔨᐅᓇᓂ…(ᓇᑦᓯᖅ) ᐊᔾᔨᒌᖏᑦᑐᓂᒃ ᐃᓱᒪᖃᕈᑕᐅᕙᑦᑐᖅ, ᑭᓯᐊᓂ ᐱᒻᒪᕆᐅᔪᕆᕙᕋ ᐃᓚᒋᔭᐅᔪᕆᓪᓗᒍ ᑲᓇᑕᒥ ᓂᕿᖃᕈᓯᑐᖃᖓᓄᑦ ᐊᒻᒪ ᑲᓇᑕᒥ ᓂᕿᓕᕆᓂᕐᒧᑦ ᐅᓂᒃᑳᓄᑦ ᐊᒻᒪ ᐅᖃᐅᓯᕆᔭᐅᔪᑦᓴᐅᔪᖅ ᐊᑑᑎᖃᑦᓯᐊᕐᓂᖓ.”

—ᐃᐅᕆᒃ ᐸᐃᑦᒪᓐ, ᓂᕿᓕᐅᕐᑎᑦ ᐊᖓᔪᖅᑳᖓ ᐊᒻᒪ ᐊᖓᔪᖅᑳᖅ ᓂᕿᓕᕆᓂᕐᒧᑦ ᑲᓇᑕᒥ, ᕙᓐᑯᕙᕐ