ᓂᕿᖓ

ᓇᑦᓯᐅᑉ ᓯᖅᑯᖏᑦ ᐃᒐᓯᒪᔪᑦ ᐊᑐᐃᓐᓇᐅᔪᑦ ᓂᐅᕙᐅᓐᓚᒥ ᒪᒪᒥᔭᐅᓂᕐᐸᐅᓪᓗᑎᒃ, ᐊᒻᒪ ᐃᒐᓯᒪᔪᑦ ᐃᒐᒥ ᐅᕝᕙᓘᓐᓃᑦ ᒪᑐᐃᖓᔪᒥ ᐃᒐᓯᒪᑦᓯᐊᕐᑐᒻᒪᕆᐊᓗᐃᑦ. ᐃᓄᐃᑦ ᓂᕿᒋᖏᓐᓇᕐᓯᒪᔭᖓ ᐊᑯᓂᐊᓗᒃ ᓇᑦᓯᖅ ᐊᒻᒪ ᐊᒥᓱᓄᑦ ᐊᑐᕐᓱᒍ; ᓂᕿᖓ, ᐅᕐᓱᖓ ᐊᒻᒪ ᐃᕐᕋᕕᒋᑦ.

ᐅᖓᑖᓄᑦ ᖁᓕᑦ ᐊᕐᕌᒍᑦ, ᓇᑦᓯᐅᑉ ᓂᕿᖓ ᐊᒥᓱᐊᓗᓐᓄᑦ ᖁᕕᐊᒋᔭᐅᓯᒪᔪᖅ. ᓂᕆᕕᓐᓂ ᐊᑐᐃᓐᓇᐅᕙᓪᓕᐊᑐᐃᓐᓇᕐᑐᖅ ᑲᓇᑕᒥ, ᖃᓄᐃᒋᔭᐅᖏᕙᓪᓕᐊᑐᐃᓐᓇᕐᓱᓂᓗ, ᐱᓗᐊᕐᑐᒥ ᓄᓇᓕᓐᓂ ᐊᑐᐃᓐᓇᐅᑉᐸᑦ, ᐊᑦᑕᓇᖏᑦᑐᒃᑯᑦ ᓇᑦᓯᓯᐅᕐᓂᒃᑯᑦ.

ᓂᕿᓕᐅᕐᑏᑦ ᐊᔾᔨᒌᖏᑦᑐᓂᒃ ᑲᔪᓯᑎᑦᓯᓇᓱᐊᕐᓂᕐᓴᐅᓕᕐᑐᑦ ᓇᑦᓯᐅᑉ ᓂᕿᑦᓯᐊᕙᓗᐊᓂᒃ. ᓇᑦᓯᐅᑉ ᓂᕿᖓ ᓇᑲᑎᕐᓯᒪᑎᓪᓗᒍ ᓴᑦᑐᓄᑦ ᐊᒻᒪ ᓇᑦᓯᑦ ᐳᕐᑯᓕᐊᕆᔭᑦᓴᐅᑎᓪᓗᒋᑦ ᐊᑐᐃᓐᓇᐅᓕᕐᑐᑦ ᑯᐸᐃᒃᐱ, ᑲᓇᑕᐅᑉ ᑲᓇᓐᓇᖓᓂ ᐊᒻᒪ ᐊᓯᖏᓐᓂ ᓄᓇᓂ. ᓂᕆᕕᓐᓂ ᐊᑐᐃᓐᓇᖃᕐᑐᑦ ᓇᑦᓯᐅᑉ ᓂᕿᐊᓂᒃ ᐊᔾᔨᒌᖏᑎᓪᓗᒍ,, ᓂᕿᑐᐃᓐᓇᐅᓪᓗᓂ ᑰᑦᓯᖓᓂᑦ, ᐃᓚᓯᒪᓪᓗᓂ, ᐊᒻᒪ ᓵᑦᑑᔭᕐᓯᒪᓪᓗᓂ. ᑖᒃᑯᐊ ᑲᓇᑕᒥ ᓂᕿᓕᕆᔨᒃᑯᑦ ᓂᕿᓕᐅᕐᑎᐊ ᐃᐅᕆᒃ ᐸᐃᑦᒪᓐ ᐅᖃᐅᓯᖃᓚᐅᕐᑐᖅ ᓴᑦᓯᓕᕆᓂᕐᒥᒃ 2017,ᒥ Dine Out,ᖑᓂᕋᕐᑕᐅᑎᓪᓗᒍ, ᕙᓐᑯᕙᒥ.

ᓇᑦᓯᐅᑉ ᓂᕿᖓ ᐊᐅᐸᕐᑐᖅ ᐊᒻᒪ ᓂᕿᑦᓯᐊᕙᒃ. ᓂᕿᑐᐃᓐᓇᑦᓯᐊᖑᓪᓗᓂ – ᐅᕐᓱᖓ ᖃᖓᓃᑦᓱᓂ ᓂᕿᐊᑕ, ᑎᒥᓕᒫᖓᒎᖏᑦᑐᖅ.

ᖃᓄᖅ ᐃᒐᔭᐅᓂᖓ ᒪᓕᓪᓗᒍ, ᐊᔾᔨᖃᑲᓴᑦᑐᖅ ᑎᐱᖓ ᑎᖑᖓᓂᒃ ᐅᒥᒪᑉᐸᐃᑦ, ᑭᓯᐊᓂ ᑐᑦᑐᕙᐅᔮᕐᓂᕐᓴᐃᑦ ᓂᕿᖓ ᐊᒻᒪ ᐊᓯᖏᑕ, ᐃᒪᕐᓱᓐᓂᑦᓱᑎᒃ. ᐊᑲᐅᔪᐊᓗᒃ ᐃᓚᐅᕐᑐᕐᓗᒍ, ᐸᓚᐅᒑᖃᓗᒍ., ᐊᒻᒪ ᖃᓄᑐᐃᓐᓇᖅ ᐃᒐᓗᒍ.

ᓇᑦᓯᐅᑉ ᓂᕿᖓ ᑎᒥᒧᑦ ᓴᓐᖏᓂᐅᑎᖃᕐᔪᐊᕐᑐᖅ, ᐱᐅᓪᓗᓂᓗ ᓴᐅᓂᕐᓄᑦ, ᐊᐅᒻᒧᑦ, ᒪᒃᓂᓯᐊᒻ, ᐊᒻᒪ ᑎᒥᒧᑦ ᓴᓐᖏᐅᑎᓄᑦ ᕙᐃᑕᒪᓐ B12—ᐊᒻᒪ, ᓲᖃᐃᒻᒪ, ᑕᒪᕐᒥᑦᓯᐊᖅ 100% ᐃᓚᓯᒪᖏᑦᑐᖅ, ᐊᓯᔾᔨᕐᓯᒪᓇᓂ, ᐊᒻᒪ ᐃᓚᐅᖅᑐᕐᓯᒪᖏᑦᑐᖅ.

“ᑎᐱᖓ ᐃᒪᕐᓱᕐᓂᖅ ᑎᐱᑦᓯᐊᕆᑦᑐᐊᓗᓪᓗᓂ ᓂᕿᑎᑐ ᐊᓯᖏᑎᑐᑦ. ᐊᑲᐅᓂᕐᐹᖅ ᓄᑕᐅᓂᕐᐹᒥᒃ ᐊᑐᐃᓐᓇᖃᕆᐊᖅ ᐊᒻᒪ ᓂᕿᒋᔭᐅᓗᓂ ᓄᓇᓕᓐᓂᓄ, ᖃᖓᑐᐃᓐᓇᒃᑯᓪᓗ ᐊᒻᒪ ᐊᑐᐃᓐᓇᐅᒋᐊᓕᒃ.”

—ᓂᕿᓕᐅᕐᑎ ᑖᑦ ᐱᐅᕆ, Mallard Cottage, ᓴᐃᑦ ᔮᓐᔅ

“ᓂᕆᒍᓐᓇᕐᑕᕋ ᓂᕿᖓ ᓇᑦᓯᐅᑉ….ᑭᓇᑐᐃᓐᓇᖅ ᓂᕿᑐᐃᓐᓇᒥᒃ ᒪᒪᕐᓴᕐᑐᖅ ᓇᑦᓯᑐᕈᓐᓇᕐᑐᖅ.”

—ᓂᕿᓕᐅᕐᑎ ᐸᓄᐃᑦ ᓚᖕᓕᑦ, Au Cinquième Péché, ᒪᓐᑐᕆᐊᓪ

“ᐱᐅᔪᒻᒪᕆᐊᓗᒃ, ᒪᒪᕐᑐᐊᓗᒃ, ᑎᐱᖃᑦᑦᓯᐊᕐᑐᖅ ᐊᒻᒪ ᑎᒥᒧᑦ ᓴᓐᖏᓇᕐᑐᖃᑐᖅ ᐊᑐᐃᓐᓇᕆᔭᕗᑦ…ᐃᒐᓯᒪᖏᒃᑲᓗᐊᕈᓂ, ᐃᒐᓯᒪᒐᓗᐊᕈᓂᓗ ᖃᓄᑐᐃᓐᓇᖅ, ᒪᒪᕐᑐᒻᒪᕆᐊᓗᒃ.”

—ᓂᕿᓕᐅᕐᑎ ᔨᐅᕆᒥ ᓇᓕᔅ, ᕋᐃᒪ ᓂᕆᕕᐊᓂ, ᓴᐃᑦ ᔮᓐᔅ