ᐅᔾᔪᒃ

ᖃᐅᔨᓴᕐᓂᒃᑯᑦ ᐊᑎᖓ: Pusa hispida

ᐊᓯᖏᑦ ᐊᑎᐅᒡᒍᔪᑦ: ᔮᕐ ᓇᑦᓯᖅ; ᐃᓄᐱᐊᑦ ᑕᐃᔭᖓ ᓇᑦᓱᒃ, ᔪᑉᐱᑯᑦᒃ ᐃᓄᑦᑎᑕᑦ ᐱᐅᕆᒥᐅᑦ ᑕᐃᔭᖓ ᓂᒃᓂᒃ. ᐃᓄᐃᑦ ᐊᑎᖃᕐᑎᑕᖏᑦ ᐅᑯᓂᖓ ᒪᓕᑦᓱᒍ ᖃᓄᐃᑦᑐᓂᐊ ᓇᑦᓯᐅᑉ: ᓇᓱᒃ (ᖃᑯᕐᑐᖅ), ᓇᑦᓯᐊᕕᓂᖅ (ᓯᐊᕐᓇᖅ), ᓇᓕᓛᖅ (ᐊᕐᓇᖅ), ᐊᒻᒪ ᑎᒡᒐᖅ (ᐊᖑᑎ).

ᐊᔾᔨᐅᖏᓐᓂᖏᑦ: ᐅᔾᔪᐃᑦ ᐊᑎᖃᕐᑎᑕᐅᔪᑦ ᑐᓄᐊᒍᑦ ᑕᕐᓴᖃᓂᐊ ᐱᔾᔪᑎᒋᓪᓗᒍ ᐊᒻᒪ ᖃᑯᕐᓂᕐᓴᐅᓂᐊ ᑐᓂᐊᒍᑦ. ᑕᕐᓴᖏᑦ ᐊᔾᔨᒌᖏᑦᑑᔪᓐᓇᕐᑐᑦ ᓯᐊᕐᓴᐅᓗᑎᒃ ᑐᓄᐊᒍᑦ ᐊᒻᒪ ᖃᑯᓂᕐᓴᐅᓗᑎᒃ ᓈᖓᒍᑦ.

ᐊᖏᓂᖓ: ᒥᑭᓂᕐᐸᐅᖃᑕᐅᔪᑦ ᓇᑦᓯᓂᑦ ᐊᓯᖏᓐᓂᑦ, 1.5 ᒥᑐᓂᒃ ᑕᑭᓂᖃᑐᑦ ᐊᒻᒪ 50-70 ᑭᓚᒥᑐᕐᔅᓄᑦ ᐅᖁᒪᐃᓐᓂᖃᕐᓱᑎᒃ. ᐱᐊᕋᐃᑦ ᐅᖃᒪᐃᓐᓂᖃᕐᑐᑦ 4.5 ᑭᓗᑯᕌᒻᓂᒃ ᐃᓅᕋᑖᕐᓱᑎᒃ.

ᖃᓄᖅ ᐊᑯᓂᐅᑎᒋᔪᖅ ᐃᓅᒍᓐᓇᕐᓂᖏᑦ: 25-35 ᐊᕐᕌᒍᓄᑦ.

ᓂᕿᖏᑦ: ᖁᕕᕐᕈᓂᒃ ᐃᖃᓗᓐᓂᓪᓗ, ᖒᒐᕐᓂᒃ, ᐃᖃᓗᐊᕈᕐᓂᒃ, ᐅᕕᓗᕐᓂᒃ, ᐊᓯᖏᓐᓂᓪᓗ ᐱᕈᑐᓂᒃ.

ᓂᕆᔨᖏᑦ: ᓇᓄᐃᑦ, ᑎᕆᒐᓐᓂᐊᑦ ᐊᒻᒪ ᐊᐅᐸᕐᑐᑦ ᑎᕆᒐᓐᓂᐊᑦ, ᐊᐃᕖᑦ, ᕿᒻᒦᑦ, ᐊᒪᕈᐃᑦ, ᖃᕐᕖᑦ ᐊᒻᒪ ᑐᓗᒐᐃᑦ.

ᐅᓄᕐᓂᖏᑦ: ᓇᓚᐅᒃᓵᕐᑕᐅᓯᒪᓂᖏᑎᒍᑦ 3 ᒥᓕᐊᓐ ᓴᑦᓯᑦ.

ᓯᓚᕐᔪᐊᒥ ᐊᕙᑎᒥᒃ ᒥᐊᓂᕐᓯᓂᕐᒧᑦ ᑲᑐᔾᔨᖃᑎᒌᑦ: ᐃᓱᒫᓗᒍᑕᐃᖏᓐᓂᕐᐹᑦ; ᐅᓄᕐᓯᖏᑦ ᐊᓯᔾᔨᕐᑕᕐᑐᑦ: ᖃᐅᔨᒪᔭᐅᖏᖅᑐᑦ.

ᑳᔅᓱᕕᒃᑯᑦ ᖃᓄᐃᓕᖓᓂᐊ: ᐊᑦᑕᕐᓇᕐᑐᒦᖏᑦᑐᖅ

ᓇᒧᖓᕐᑕᕐᓂᖓ

ᐅᔾᔪᖃᐅᕐᐳᖅ ᓇᓂᓕᒫᖅ ᐅᑭᕐᑕᕐᑐᒥ ᐊᒻᒪ ᓯᓚᕐᔪᐊᑉ ᐃᒪᖏᓐᓂ. ᓅᑦᑕᓗᐊᖏᑦᑐᑦ ᑭᓯᐊᓂ ᓇᔪᒐᖃᐃᓐᓇᐅᔭᓲᑦ ᓯᑯᓕᓂᒃ ᐊᒻᒪ ᓯᑯᕐᔪᐊᓂᒃ. ᐅᑭᐅᒃᑯᑦ, ᐅᓄᕐᓂᓴᐃᑦ ᓯᓈᓃᑉᐸᑦᑐᑦ ᓯᑯᒥ ᐊᒻᒪ ᐱᒻᒪᕆᐅᔪᐃᑦ ᑮᓇᐅᔭᓕᐅᕈᑕᐅᓪᓗᑎᒃ ᐃᓄᓐᓄᑦ. ᐊᓛᔅᑲᒥ, ᐱᐅᕆᒻᒥᐅᑕᐃᑦ ᐃᒪᖓᓂ, ᕌᓯᐊᓪᓗ ᓄᓇᖏᓐᓂ ᓯᑳᒃᑲᒥ ᐊᒻᒪ ᑐᑦᑐᔭᕐᑐᐃᑦ ᐃᒪᖏᓐᓂ. ᐊᒻᒪ ᑕᑯᔭᐅᖃᑦᑕᕐᓯᒪᔪᑦ ᐃᓗᑎᓐ ᕿᑭᕐᑕᖏᓐᓂ.

ᓈᑦᓯᑦ ᓯᑯᒥᖏᓐᓇᐅᔭᓲᑦ. ᑭᓯᐊᓂ, ᐃᓚᖏᑦ ᓯᑯᖃᖏᑦᑐᓂᐱᓪᓚᐅᔭᓲᑦ Bering,ᒥ ᐊᒻᒪ ᓯᑲᒃᑲᒥ. ᓇᑦᓰᑦ ᑕᑯᔭᐅᕙᑦᑐᑦ ᓇᓂᑐᐃᓐᓇᖅ ᓯᓈᖏᓐᓂ ᐅᕝᕙᓘᓐᓃᑦ ᓯᑯᓂ ᐅᑭᐊᒃᓵᒥ ᐊᒻᒪ ᑕᑯᒃᓴᐅᕙᑦᓱᑎᒃ ᐅᐱᕐᖔᒥ ᓯᑯᒃᑯᑦ ᓱᕋᑦᑎᓕᕐᑎᓪᓗᒍ.

ᖃᓄᖅ ᐊᑯᓂᐅᑎᒋᔪᖅ ᐆᒪᒍᓐᓇᕐᓂᖏᑦ

ᐊᕐᓇᓗᑲᐃᑦ ᕿᑐᕐᖏᐅᒍᓐᓇᕐᑐᑦ ᑎᓯᒥᓂ ᐊᐳᒻᒥ ᓄᓇᐅᑉ ᓯᓈᓂ ᐅᕝᕙᓘᓐᓃᑦ ᓯᑯᒥ ᒪᕐᔨᒥ ᐅᕝᕙᓘᓐᓃᑦ ᐊᐃᕆᓕᐅᑎᓪᓗᒍ. ᓯᑳᑉᖄᖓᓂ ᐃᕐᓂᕙᑦᑐᑦ ᓯᓈᖏᓐᓂ ᐅᕝᕙᓘᓐᓃᑦ ᐊᐳᑎᖃᐅᕐᓂᖏᓐᓂ ᓴᐳᒻᒥᒍᑕᐅᑎᓪᓗᒍ ᐊᓯᖏᓐᓂᑦ ᐆᒪᔪᓂᑦ ᐊᒻᒪ ᓯᓚᕐᓗᒥᑦ. ᐱᐊᕋᖏᑦ ᐃᓅᕋᑖᕐᑐᑦ ᓴᕐᕙᐅᕙᑦᑐᑦ ᓯᑯᒃᑯᑦ ᐊᒻᒪ ᓂᕿᒋᔭᐅᑐᐃᓐᓇᕆᐊᖃᓯᓪᓗᑎᒃ ᓇᓄᕐᓄᑦ ᓂᕆᔨᒥᓄᑦ; ᐃᓚᖓᒍᑦ ᖃᐅᔨᓯᒪᔪᑦ ᐊᓈᓇᖏᑦ ᖃᐅᔨᒪᑦᓯᐊᕐᑐᑦ ᓇᓂ ᐃᕐᓂᒋᐊᖅ. ᐃᕐᓂᐊᖏᑦ ᐊᒫᒪᒍᓐᓇᕐᑐᑦ ᒪᕐᕉᓐᓄᑦ ᑕᖅᑭᓄᑦ. ᒥᕐᖁᖏᓪᓗ ᐊᓯᔾᔨᕐᐸᓪᓕᐊᓕᓲᑦ ᓯᑯ ᓱᕋᑦᑎᓕᕐᑎᓪᓗᒍ.

ᐊᖑᑏᑦ ᓴᐳᒻᒥᒍᒻᒪᐅᑐᐃᓐᓇᕆᐊᓖᑦ ᓇᔪᕐᑕᒥᓂᒃ ᕿᑐᕐᖏᐅᕐᓇᕐᑎᓪᓗᒍ. ᐊᕐᓇᐃᓪᓗ ᕿᑐᕐᖓᖏᐅᔪᓐᓴᕐᓱᑎᒃ ᑕᖅᑭᖅ ᐊᓂᒍᓚᐅᕐᑎᓪᓗᒍ ᐱᐊᕋᖅᑖᓚᐅᕐᓗᑎᒃ, ᐃᓪᓕᐊᖃᕈᓐᓇᖏᒃᑲᓗᐊᕐᓱᑎᒃ ᑭᓯᐊᓂ ᔪᓚᐃ ᕿᑎᐊᓂᑦᐊᒻᒪ ᐅᒍᓯᑎ ᐱᒋᐊᕐᓂᐊᓄᑦ. ᕿᑐᕐᖓᒃᓴᖃᕈᓐᓇᕐᑐᑦ ᑕᖅᑭᓂ 11,ᓂ. ᑕᒪᕐᒥᑲᓴᒃ ᐃᕐᓂᓲᑦ ᐊᕐᕌᒍᓂ 6,ᓂᑦ 8,ᓄᖅ. ᐊᖑᑏᑦ ᐊᕐᓇᓄᑦ ᐅᖓᓕᓲᑦ ᑕᐃᒫᑦᓴᐃᓐᓇᖅ ᐊᕐᕌᒍᖃᕐᓱᑎᒃ.

ᓇᑦᓯᑦ ᕿᑦᓱᑦᓱᑎᒃ ᐊᓪᓗᓕᐅᓲᑦ ᓯᑯᒃᑯᑦ; ᐊᑯᓂᐅᓂᕐᓴᒃᑯᑦ ᐃᓄᒍᓐᓇᕐᓯᕙᑦᑐᑦ ᓯᑯᑉ ᓯᓈᓂ ᐊᓯᒥᓂᑦ ᓇᑦᓯᓂᑦ.