ᓇᑦᓯᓂᐊᕐᓂᐅᑉ ᐱᖅᑯᓯᐊᓂᐊ

ᐅᖃᐅᓯᖃᕋᓱᐊᕐᓂᖅ ᐅᓪᓗᒥ ᓇᑦᓯᓯᐅᕐᓂᐅᑉ ᒥᒃᓵᓄᑦ ᐃᓚᐃᓐᓇᓪᓚᕆᑉᐳᖅ ᐃᓚᐅᑎᑕᐅᑎᓐᓇᒋᑦ ᑲᓇᑕᒥ ᐊᔾᔨᒌᖏᑦᑐᑎᒍᑦ ᐊᑐᐃᓐᓇᕐᓂᕐᒥᒃ ᐃᓕᖅᑯᓯᒃᑯᑦ, ᑕᐃᒪᖓᓂᖅ, ᐊᒻᒪ ᓇᓃᓐᓂᖏᑎᒍᑦ.

ᐃᓄᐃᑦ ᑕᐃᒪᖓᓂᐊᓗᒃ ᓇᑦᓯᓯᐅᖃᑦᑕᓯᒪᔪᑦ ᐊᕐᕌᒍᑦ 4,000 ᐅᖓᑖᓄᑦ. ᓇᑦᓰᑦ ᐱᒻᒪᕆᐅᑎᑕᐅᓯᒪᓂᕐᐹᑦ ᐆᒪᔪᓕᒫᓂᑦ ᓄᓇᒥ – ᐊᑕᖏᑦᓯᐊᕐᓱᒍ ᐆᒪᔪᖅ ᐊᑐᕐᑕᐅᕙᑦᑐᖅ ᐊᓐᓇᐅᒪᐅᑕᐅᓪᓗᓂ: ᕿᓯᖓ ᐅᖅᑯᒍᑕᐅᓪᓗᓂ, ᐃᒻᒪᒍᓐᓇᖏᑦᑐᓂᒃ ᐊᓐᓄᕌᖃᕈᑕᐅᓪᓗᓂ, ᑲᒥᖃᕈᑕᐅᓪᓗᓂ, ᐊᒻᒪ ᑐᐱᖃᕈᑕᐅᓪᓗᓂ; ᕿᓯᖓ ᐊᒻᒪ ᐃᕙᓗᖏᑦ ᐊᒃᓱᓈᕆᔭᐅᓪᓗᑎᒃ; ᐅᕐᓱᖓᓗ ᐅᖅᑳᓴᐅᑕᐅᓪᓗᓂ ᖃᐅᒪᒍᑕᐅᓪᓗᓂᓗ; ᐊᒻᒪ ᓂᕿᖃᕈᑕᐅᓪᓗᓂ ᑕᒪᐃᓐᓄᑦ.

ᑲᓇᑕᐅᑉ ᑲᓇᓐᓇᖓᓂ ᐊᑯᓂᐅᖏᓐᓂᕐᓴᖅ ᐆᒪᔪᕐᓯᐅᖃᑦᑕᕐᓯᒪᔪᑦ ᐊᕐᕌᒍᓂ 500,ᓂ – ᑭᓯᐊᓂ ᐊᑐᕐᑕᐅᓯᒪᒻᒥᔪᖅ ᑭᖑᕚᕇᓄᑦ, ᐊᒻᒪ ᐊᑐᕐᑕᐅᒻᒪᕆᑦᑐᖅ ᐃᓕᖅᑯᓯᑎᒍᑦ ᐊᒻᒪ ᑮᓇᐅᔭᓕᐅᕈᑎᒋᓪᓗᓂᐅᒃ ᐊᒥᓱᒃ ᓯᓈᓂ ᓄᓇᖃᐅᕐᑐᑦ. ᓇᑦᓯᐅᑉ ᓂᕿᖓ ᒪᒪᕆᔭᐅᒻᒪᕆᑦᑐᑦ, ᐅᕐᓱᐊᓗ ᖃᐅᔨᓴᕐᑕᐅᓯᒪᓂᒃᑯᑦ ᐱᕙᓪᓕᕈᑕᐅᔪᓐᓇᕐᑐᖅ ᑎᒥᒃᑯᑦ, ᕿᓯᖓᓗ ᓂᐅᕕᐊᒃᓴᓕᐊᖑᔪᓐᓇᕐᓱᓂ, ᐊᒻᒪ ᐊᑐᕐᑕᐅᔪᓐᓇᕐᑐᖅ ᖃᓄᓕᒫᖅ.

ᑭᓯᐊᓂ ᓇᑦᓯᑦ ᐊᑐᕐᑕᐅᔪᓐᓇᕆᕗᑦ ᐊᓐᓇᐅᒪᓂᑐᐃᓐᓇᐅᖏᑦᑐᒧᑦ: ᐆᒪᔪᕐᓯᐅᕈᓐᓇᕐᓂᖅ ᓄᓇᖃᖅᑳᕐᓯᒪᔪᓄᑦ ᐊᑐᕐᑕᐅᒻᒪᕆᒻᒪᑦ ᓯᓈᓂᕐᒥᐅᓄᑦ ᐃᓕᖅᑯᓯᕆᓪᓗᒍ, ᑲᑎᓐᖓᐅᑎᒋᓪᓗᒍ, ᐊᒻᒪ ᐃᓕᓴᐃᒍᑎᒋᓪᓗᒍ ᐊᒻᒪ ᐱᒻᒪᕆᐅᑎᑕᐅᔪᑦ ᑕᐃᒪᖓᓂᑦ ᑭᖑᔮᕇᓄᑦ ᐊᑐᓕᕐᑕᐅᖃᑦᑕᕐᓯᒪᔪᑦ. ᐊᑦᑐᐊᒻᒪᕆᓐᓂᐅᔪᖅ ᓄᓇᒧᑦ, ᓄᓇᒥᐅᑕᓄᑦ, ᐊᒻᒪ ᐊᓯᖏᓐᓄᑦ ᓄᓇᒥ. ᑕᐃᒪᖓᓂᑦ, ᓇᑦᓯᓂᐊᕐᓂᖅ ᐱᒻᒪᕆᐅᓯᒪᔪᖅ ᓂᐅᕕᐊᑦᓴᓕᐅᕐᓂᕐᒧᑦ, ᐱᒻᒪᕆᐅᓪᓗᓂᓗ ᐊᓐᓇᐅᒪᒋᐊᖃᓂᖏᓐᓄᑦ ᓄᓇᓕᐅᔪᑦ.

ᐃᓕᖅᑯᓯᖃᖃᕈᑕᐅᔪᖅ ᓇᑦᓯᓂᐊᕈᓐᓇᕐᓂᖅ, ᐊᒻᒪ ᐱᒻᒪᕆᐅᓪᓗᓂ ᑮᓇᐅᔭᓕᐅᕈᑕᐅᒋᐊᖅ, ᐊᓐᓇᐅᒪᒍᑕᐅᒋᐊᕐᓗ ᓄᓇᓕᓐᓄᑦ ᐃᓕᖅᑯᓯᒥᑎᒍᑦ ᐊᒻᒪ ᑮᓇᐅᔭᓕᐅᖁᓐᓇᕐᓂᒃᑯᑦ, ᐊᒻᒪ ᑐᑭᓯᐊᔭᐅᔭᕆᐊᓕᒃ ᐊᒻᒪ ᐃᒃᐱᒋᔭᐅᑦᓯᐊᕐᓗᓂ.