ᑲᓇᑕᐅᑉ ᑲᓇᓐᓇᖓᓂ

ᐱᐅᓯᖁᖃᕆᓪᓗᒍ ᓇᑦᓯᓯᐅᕐᓂᖅ

ᓯᕗᓪᓖᐅᓚᐅᕐᓯᒪᔪᑦ ᑲᓇᑕᐅᑉ ᐊᑭᐊᓂᑦ ᑎᑭᐅᖃᓚᐅᕐᓯᒪᔪᑦ ᓂᐅᕙᐅᓐᓛᒥ ᓇᑦᓯᓯᐅᕐᓯᒪᒻᒪᑕ. ᓇᑦᓯᓯᐅᕐᓂᖅ ᐱᒻᒪᕆᐅᔪᖅ ᓂᕿᒋᓪᓗᒍ ᓄᓇᖃᕐᑐᓄᑦ ᑕᐅᕙᓂ ᐊᒻᒪ ᐊᔾᔨᒌᖏᑦᑐᓂᒃ ᓂᕿᖃᖏᓗᐊᓚᐅᕐᒪᑕ, ᐊᒻᒪ ᐊᕐᕌᒍᑐᖃᓂ ᓇᑦᓯᓯᐅᕐᓂᒃᑯᑦ ᑭᓯᐊᓂ ᐊᓐᓇᐅᒪᓯᒪᔪᑦ – ᐅᕙᒍᑦ ᐊᕐᓱᕈᕈᓐᓇᕐᑐᒍᑦ ᓄᓇᖃᕆᐊᖅ ᕿᑭᕐᑕᒥ ᑕᐃᒪᖓᓕᒫᖅ.

ᕿᑎᖏᓐᓂ 1700 ᓇᑦᓯᕕᓃᑦ ᐊᐅᓚᕐᑎᑕᐅᕙᓚᐅᕐᑐᑦ ᐃᖏᓚᓐᒧᑦ ᐊᒻᒪ ᓂᐅᕐᕈᑎᓕᐊᖑᓪᓗᓂ ᓂᕿᖓ, ᕿᒥᖓ, ᐊᒻᒪ ᐅᕐᓱᖓ. ᓇᑦᓯᐅᑉ ᐅᕐᓱᖓ ᐊᑐᕐᑕᐅᓕᕐᓱᓂ ᐃᑯᒻᒪᖅᑯᑎᓄᑦ, ᐃᒐᒍᑕᐅᓪᓗᓂ, ᐊᒻᒪ ᐃᓚᒋᓕᐅᑎᔭᐅᓪᓗᓂ ᐅᐊᓴᐅᑎᒧᑦ ᐅᕝᕙᐅᑎᒧᑦ. 1793,ᒥ, ᓯᕗᓪᓕᕐᐹᒥ ᐅᒥᐊᒃᑯᑦ ᑎᑭᑦᑐᑦ ᑎᑭᓚᐅᕐᓯᒪᔪᑦ ᓯᑯᓕᒻᒪᕆᐊᓗᒻᒧᑦ. ᐃᖏᕐᕋᑦᓯᐊᕐᑐᐊᓗᓚᐅᕐᓯᒪᒐᒥᒃ ᐊᒥᓱᒻᒪᕇᑦ ᐅᒥᐊᑦ ᑐᖏᓕᕇᓚᐅᕐᓯᒪᔪᑦ, ᐊᒻᒪ ᓇᑦᓯᓯᐅᕐᓂᖅ ᐱᒻᒪᕆᐅᑎᓕᕐᓱᓂᐅᒃ ᑮᓇᐅᔭᓕᐅᕈᑎᒋᓪᓗᒍ ᐊᐅᔭᐅᓂᖓᓂ ᐆᒐᕐᓂᐊᕐᓂᒃᑯᑦ.

ᐱᓇᓱᐊᕐᓂᖓ ᐊᕐᓱᕈᕐᓇᓚᐅᕐᓯᒪᔪᖅ ᐊᒻᒪ ᓇᖏᐊᕐᓇᕐᑐᒃᑰᕐᓱᑎᒃ. ᓇ12,ᓂ ᐃᑲᕐᕋᓂ ᐅᕝᕙᓘᓐᓃᑦ ᐅᖓᑖᓄᑦ ᓯᑯᒦᓚᐅᕐᓯᒪᔪᑦ ᓯᓚᕐᓗᒥ, ᓇᑦᓯᓯᐅᕐᓱᑎᒃ ᐅᒥᐊᕐᔪᐊᕐᒧᐊᕐᓂᐊᕐᓱᑎᒃ.

1860 ᐊᑐᓕᕐᑎᓪᓗᒍ, ᐅᒥᐊᑦ ᐆᒪᔪᕐᓯᐅᓕᓚᐅᕐᓯᒪᒻᒥᔪᑦ ᐊᔾᔭᕐᑐᕐᓱᑎᒃ ᐅᓯᐅᑎᓂᒃ ᐊᒻᒪ ᐅᓂᐊᒐᕐᒥᓂᒃ ᓯᑯᒃᑯᑦ. ᐊᕐᓱᕈᒋᐊᓪᓚᓕᓚᐅᕐᓯᒪᔪᑦ ᐆᒪᔪᕐᓯᐅᕐᑐᑦ ᑐᐊᕕᕆᐊᖃᓕᕐᓱᑎᒃ ᓯᑯᒃᑯᑦ ᐊᒻᒪ ᓯᓚᕐᓗᒥ. ᐅᓄᕐᓂᖃᕐᑐᑦ 500,000 ᓇᑦᓯᕐᑕᐅᕙᑦᓱᑎᒃ ᐊᕐᕌᒍᑕᒫᑦ.

ᓄᓐᖑᖏᓐᓂ 1800 ᐊᕐᕌᒍᑦ, ᓇᑦᓯᓂᐊᕐᓂᕐᒧᑦ ᑐᓪᓕᕆᔭᐅᓚᐅᕐᓯᒪᕗᖅ ᐆᒐᕐᓂᐊᕐᓂᖅ ᑮᓇᐅᔭᓕᐅᕈᑎᒋᓪᓗᒍ – ᐊᒻᒪ ᐅᑭᐅᒃᑯᑦ ᐱᒻᒪᕆᐅᒪᐅᕐᒪᑦ ᐃᖃᓪᓕᐊᕆᐊᖅ. ᓯᕗᓪᓕᕐᓂ ᐊᕐᕌᒍᓂ, ᓇᑦᓯᓂᐊᓗᐊᓚᐅᕐᓯᒪᔪᑦ: ᓇᑦᓯᓂᐊᕐ ᑏᑦ ᑲᑉᑕᒻᖏᑦ ᖁᕕᐊᓱᖃᑎᒌᓚᐅᕐᓯᒪᔪᑦ ᓱᑲᓕᐅᔾᔨᓪᓗᑎᒃ ᑕᑕᐃᒋᐊᖅ ᐃᖃᓗᓐᓂᒃ. ᑕᒪᓐᓇ ᓴᓚᑦᓴᐅᑎᒐᓱᐊᕐᓂᖅ ᐊᑐᕐᑕᐅᓚᐅᕐᓯᒪᔪᖅ, ᖁᕕᐊᓇᓗᐊᖏᒃᑲᓗᐊᕐᑎᓪᓗᒍ, ᐊᑦᑕᓇᕐᓱᓂᓗ ᐊᑐᕆᐊᖅ.

ᓇᒃᓯᓂᐊᓗᐊᕈᓐᓇᐃᕋᓗᐊᕐᒪᑕ ᐊᕐᕌᒍᑦ ᓇᑉᐸᖏᓐᓂ 100, ᐊᕐᕌᒍᖏᓐᓂ 1950,ᓂ ᐊᒻᒪ 1960,ᓂ ᓇᑦᓯᓚᐅᕐᓯᒪᔪᑦ 290,000,ᓂᒃ ᓂᐅᕙᐅᓐᓛᓐ ᐃᒪᖏᓐᓂ. ᓇᑦᓰᑦ ᐅᓄᕈᓐᓇᐃᕆᐊᕐᓯᒪᔪᒻᒪᕆᐅᓚᐅᕐᓯᒪᔪᑦ ᐊᒻᒪ, 1971,ᒥ ᑲᓇᑕᐅᑉ ᒐᕙᒪᒃᑯᖏᑦ ᐋᖅᑭᒃᓯᓚᐅᕐᓯᒪᔪᑦ ᓯᕗᓪᓕᕐᐹᒥ ᐅᓄᕐᓂᖏᓐᓂᒃ ᓇᑦᓯᕐᑕᐅᒍᓐᓇᕐᑐᑦ. ᓲᕐᓗ ᐊᕐᕌᒍᓂᐊᓕᕐᒥᔪᓄᑦ, ᓴᓂᐊᓂ 160,000,ᓂ ᓇᑦᓯᕈᓐᓇᕐᓯᓗᑐᒃ ᐊᕐᕌᒍᑦ ᑕᒫᑦ.

ᐃᓕᖅᑯᓯᖅ

ᓄᓇᖃᖅᑳᖅᓯᒪᔪᑎᑐᑦ ᐊᑯᓂᐊᓗᒃ ᐃᓕᖅᑯᓯᕆᖏᒃᑲᓗᐊᕐᓱᓂᐅᒃ, ᓯᕗᓪᓕᕐᒥ ᑎᑭᐅᖅᑲᕐᓂᑯᐃᑦ ᓂᐅᕙᐅᓐᓛᒧᑦ ᐊᓐᓇᐅᒪᒍᑎᖃᓚᐅᕐᑐᑦ ᓇᑦᓯᓂᐊᕐᓂᕐᒥᒃ, ᓯᕗᓪᓕᕐᒥ ᓂᕿᒋᓪᓗᒍ ᐃᓚᖃᐅᕐᓱᒍ ᐊᓯᖏᓐᓂᒃ, ᐊᒻᒪ ᑮᓇᐅᔭᓕᐅᕈᑎᒋᓪᓗᒍ, ᐊᒻᒪ ᐃᓚᐅᑎᑦᓱᒍ ᐆᒐᕐᓂᐊᕐᓂᒃᑯᑦ.

ᐊᒥᓱᒻᒪᕇᑦ ᓄᓇᓖᑦ, ᐱᓗᐊᕐᑐᒥ ᓯᓈᓂᕐᒥᐅᑦ ᐊᒻᒪ ᑲᖏᕐᓱᖏᓐᓂᒥᐅᑦ ᓂᐅᕙᐅᓐᓛᒥ, ᓇᑦᓯᓂᐊᓲᑦ ᐊᕐᕌᒍᓕᒫᑉ ᐃᓗᐊᓂ, ᐊᑐᕐᓱᓂᒋᑦ ᓴᓇᖑᐊᕐᓂᒃᑯᑦ, ᐃᓕᓐᓂᐊᕐᓂᒃᑯᑦ, ᐊᒻᒪ ᓂᕿᖃᓂᒃᑯᑦ.

ᐊᔪᒐᐃᖏᑦᑐᕐᓘᓐᓃᑦ, ᑕᐃᑦᓱᒪᓂ, ᐅᓄᕈᓐᓇᐃᕐᓯᒋᐊᕐᓂᖅ ᓇᑦᓯᕈᓐᓇᕐᓂᕐᒥᒃ ᐊᒃᑐᐃᓂᖃᓪᓚᕆᓚᐅᕐᑐᖅ ᐊᑲᐅᖏᑦᑐᒃᑯᑦ ᓄᓇᓕᓐᓂᒃ ᓯᓈᓂ, ᐱᓗᐊᕐᑐᒥᒃ ᐅᓄᕆᓐᓇᐃᕆᐊᕐᑎᓪᓗᒋᑦ ᐃᖃᓗᒍᓐᓇᕐᑕᖏᑦ ᐱᒻᒪᕆᐅᔪᑦ. ᓇᑦᓯᓂᒃ ᓂᕿᖃᓂᖓ ᐊᒻᒪ ᐊᓐᓇᐅᒪᐅᑎᖃᓂᖓᓂᒃ ᐊᕐᓵᕐᑕᐅᓪᓗᑎᒃ, ᑭᓯᐊᓂ ᐱᖅᑯᓯᖏᑦ ᐊᒻᒪ ᐱᓕᕆᔾᔪᓯᖏᑦ ᓇᑦᓯᓕᕆᓂᕐᒧᑦ, ᖃᐅᔨᒪᓂᖏᑦ ᐊᒻᒪ ᐃᒃᐱᒍᓱᒻᒪᕆᓐᓂᖏᑦ ᐊᕙᑎᒥᒃ ᐊᑐᕐᑕᐅᒍᓐᓇᐃᕐᐊᓪᓕᐊᔪᖅ. ᑕᒪᓐᓇ ᐊᒥᓱᓂᒃ ᐱᔾᔪᑎᓕᒃ.

ᐊᑲᐅᓂᕐᓴᒃᑯᑦ, ᓂᐅᕕᐊᒃᓴᓕᐅᕐᓂᖅ, ᐱᓕᕆᖃᑎᖃᓂᒃᑯᑦ ᑲᓇᑕᐅᑉ ᐊᕕᒃᑐᕐᓯᒪᓂᐊᒍᑦ ᒐᕙᒪᓂᒃ ᐊᒻᒪ ᑲᓇᑕᐅᑉ ᒐᕙᒪᖏᓐᓂᒃ, ᐱᓇᓱᐊᖃᑎᖃᕐᑐᑦ ᓇᓂᓯᓇᓱᐊᕐᓂᕐᒧᑦ ᓄᑖᓂᒃ ᓂᐅᕕᕐᕕᒃᓴᓂᒃ ᓇᑦᓯᔭᕐᓂᒃ. ᓄᓇᓕᓐᓂ ᐱᓯᑎᐊᓗᓐᓂᒃ ᐊᓐᓄᕌᓕᐅᕐᑎᖃᕐᒪᑦ ᐊᒻᒪ ᒥᕐᓱᒃᑲᖃᒪᑦ ᓄᓇᓂ ᐊᕕᒃᑐᕐᓯᒪᔪᓂ ᓴᓇᔪᓂᒃ ᑲᒥᓐᓂᒃ, ᐊᓐᓄᕌᓂᒃ, ᐊᒻᒪ ᐊᓯᖏᓐᓂᒃ ᐊᑎᒐᑦᓴᓂᒃ ᓇᑦᓯᕋᔭᓐᓂᒃ ᐊᒻᒪ ᐊᑐᕈᑕᐅᕙᓪᓕᐊᓪᓗᑎᒃ ᒥᖅᑯᓕᓐᓂᒃ. ᓂᕆᕕᓐᓂᓗ ᓴᑦᓯᕕᓂᕐᓂᒃ ᓂᕆᒐᒃᓴᖃᑐᑦ. ᐅᕐᓱᖓᓗ ᐃᓕᑕᕆᔭᐅᓯᒪᓂᖃᕐᑐᖅ ᑎᒥᒧᑦ ᐱᐅᓂᖃᓂᖓᓂᒃ. ᓄᑖᓂᒃ ᐊᕐᓱᕈᕈᑎᖃᕐᑐᑦ ᐅᐱᒍᓱᒍᑎᒃᓴᓂᒃ ᓂᐅᕙᐅᓐᓛᒥ ᐊᒻᒪ ᓛᐸᑐᐊᒥ ᓇᑦᓯᓕᕆᓂᒃᑯᑦ ᐃᓕᖅᑯᓯᖃᕆᐊᖅ.

ᐅᓪᓗᒥ ᓇᑦᓯᓂᐊᕐᓂᖅ

ᐅᓪᓗᒥ ᑲᓇᑕᐅᑉ ᑲᓇᓐᓇᖓᓂ 6,000,ᖑᕗᑦ ᓇᑦᓯᓂᐊᕐᐸᑦᑐᑦ. ᐃᓕᖅᑯᓯᖃᕐᓯᒪᔪᑦ ᐊᕐᓱᕈᕐᓇᕐᑐᒥᒃ ᐊᕙᑎᒥᒃ ᐊᒻᒪ ᐃᓛᓐᓂᒃᑯᑦ ᓇᖏᐊᕐᓇᕐᑐᒃᑰᕐᐸᑦᓱᑎᒃ ᐃᖅᑲᓇᐃᔭᕐᕕᒋᔭᒥᓂ ᐃᓅᒐᓱᐊᕈᑎᒋᓪᓗᒍ. ᓇᑦᓯᓯᐅᕐᑏᑦ ᐊᒻᒪ ᐃᓚᖏᑦ ᐊᓐᓇᐅᒪᐅᑎᖃᓯᒪᔪᑦ ᑕᐃᒪᖓᓂᐊᓗᒃ ᓇᑦᓯᓯᐅᕐᓂᒃᑯᑦ ᓂᕿᒋᖏᓐᓇᕐᓱᒍ; ᑲᑎᑦᑕᐅᑎᒋᓪᓗᒍᓗ ᓂᕆᓂᒃᑯᑦ, ᓄᓂᕙᓐᓂᒃᑯᑦ ᐸᐅᕐᖓᓂᒃ, ᐆᒪᔪᕐᓯᐅᕐᓱᑎᓪᓗ ᐊᔾᔨᒌᖏᑦᑐᓂᒃ ᑎᒻᒥᐊᓂᒃ, ᐊᒻᒪ ᐃᖃᓪᓕᐊᕐᓱᑎᒃ ᐊᒻᒪ ᐊᓯᖏᓐᓂᒃ ᓂᕿᓯᐅᕐᓱᑎᒃ. ᑕᒪᓐᓇ ᐃᓕᖅᑯᓯᕆᓪᓗᒍ ᑮᓇᐅᔭᓕᐅᕈᑎᒋᒋᐊᖅ ᓱᖏᐅᓯᒪᔭᖓ, ᐅᕐᓱᕈᕈᑎᒋᓪᓗᒍ ᐊᒻᒪ ᐃᒃᐱᒋᑦᓯᐊᕐᓱᒍ.

ᐅᓪᓗᒥ, ᑕᒪᕐᒥᒃ ᓇᑦᓯᓯᐅᕐᐸᑦᑐᑦ ᓚᐃᓴᓐᓯᖃᕐᑐᑦ, ᐃᓕᓐᓂᐊᕐᓯᒪᓪᓗᑎᒃ ᐊᒻᒪ ᐆᒪᔪᕐᓯᐅᕈᓐᓴᕐᑐᑦ ᐃᒻᒥᒃᑯᑦ ᒥᑭᔪᓂᒃ ᐅᒥᐊᖃᓗᑎᒃ, ᑕᒪᒃᑯᐊ ᐊᖏᔫᑎᑦ ᐊᑐᕐᑕᐅᔪᓐᓇᖏᒻᒪᑕ ᓇᑦᓯᓯᐅᕐᓂᒃᑯᑦ. ᑕᒪᕐᒥᒃ ᓇᑦᓯᓯᐅᕐᓲᑦ ᐃᓕᓐᓂᐊᕆᐊᖃᓲᑦᐆᒪᔪᓕᕆᑦᓯᐊᕐᓂᕐᒧᑦ ᐊᒻᒪ ᐃᒃᐱᒍᓱᑦᓯᐊᕆᐊᖃᓂᕐᒧᑦ. ᑕᒪᕐᒥᑲᓴᑦᓯᐊᖅ ᓇᑦᓯᓯᐅᕐᑏᑦ ᐃᓛᓐᓪᓂᒃᑯᑦ ᓇᑦᓯᓯᐅᕐᐸᑦᑐᑦ ᑮᓇᐅᓕᐅᕋᓱᐊᕐᓱᑎᒃ ᐃᖃᓪᓕᐊᕐᓂᖅ ᑲᑕᑦᓯᒪᓂᐊᓂ ᓲᕐᓗ ᐆᒐᓂᒃ.

2006,ᒥ, ᐅᓄᕐᓂᕐᐸᐅᓚᐅᕐᑐᑦ ᕿᓚᓗᒐᐃᑦ ᐊᑭᖃᓪᓗᐊᕐᓱᑎᒃ $30 ᒥᓕᐊᓂᒃ. ᐅᓄᕐᓂᖏᒃ ᐊᒃᓱᐊᓗᒃ ᐊᓯᔾᔨᕐᓯᒪᓕᕐᑐᑦ ᑲᑕᒋᐊᕐᓯᒪᓪᓗᑎᒃ, ᐱᔾᔪᑕᐅᓪᓗᑎᒃ ᓇᑦᓯᕋᓱᐊᕐᓂᕐᒥᒃ ᐊᑭᕋᕐᑐᕐᑏᑦ ᑐᑭᓯᐊᓂᕐᓗᓐᓂᖏᑦ ᐊᒻᒪ ᐊᑭᕋᕐᑐᕈᑕᐅᔪᑦ ᐊᐅᓪᓚᕐᑎᑦᓯᖃᑦᑕᖁᔨᖏᓐᓂᕐᒧᑦ ᓇᑦᓯᔭᕐᓂᒃ ᑲᓇᑕᐅᑉ ᐊᓯᐊᓄᑦ, ᐊᒻᒪ ᐊᓯᐅᔨᒍᑕᐅᒻᒪᕆᑦᓱᑎᒃ ᓯᓈᓂᕐᒥᐅᓄᑦ ᓄᓇᓕᓐᓄᑦ ᐊᖏᔪᓂᒃ, ᐊᖏᔪᖏᑦᑐᑯᑮᓇᐅᔭᓕᐅᕈᓐᓇᓯᓪᓗᑎᒃ ᑲᔪᓯᒍᑎᒃ ᐊᒻᒪ ᑲᔪᓯᖏᑐᐃᓐᓇᕆᐊᖃᖅᓱᑎᒃ, ᐊᒻᒪ ᐃᖅᑲᓇᐃᔮᒃᓴᒧᑦ ᐊᕐᓱᕈᑎᖃᓕᕈᓐᓇᕐᓱᑎᒃ, ᐱᓗᐊᕐᑐᒥ ᐊᕐᕌᒎᑉ ᐃᓚᖏᓐᓂ.

Discover more about sealing culture in the North.

“ᓇᑦᓯᓂᐊᕐᓂᖅ ᑖᓐᓇᑑᖏᑦᑐᒐᓗᐊᖅ ᓄᓇᓕᓐᓄᑦ ᒪᑭᑕᒍᑕᐅᓗᓂ, ᑭᓯᐊᓂ ᐊᒃᓱᐊᓗᒃ ᐊᓯᐅᔨᒍᑕᐅᕗᖅ ᖃᐅᔨᒪᓂᕐᒥᒃ ᐊᒻᒪ ᑭᓇᐅᓂᕐᒥᒃ ᐱᒻᒪᕆᐊᓗᒻᒥᒃ ᐊᓐᓇᐅᒪᒍᑎᖃᓂᒃᑯᑦ ᓇᑦᓯᓯᐅᕈᓐᓇᕐᓂᒃᑯᑦ ᓄᓇᓖᑦ ᓯᓇᓕᖏᓐᓂ ᓂᐅᕙᐅᓐᓛᒥ.”

—ᓂᑯᓕᔅ ᓯᓪᕼᐃᓐ, “ᐱᓇᓐᓇᕐᓂᖃᓂᖅ ᓄᓇᖃᖅᑳᖅᓯᒪᔫᖏᓪᓗᓂ: ᓇᑦᓯᓂᐊᕐᓂᖅ ᓂᐅᕙᐅᓐᓛᓐᒥ” (2014)