ᒪᓕᒐᐃᑦ

ᐱᖅᑯᓯᖅ ᐱᖓᓲᓕᖓᔪᓂᒃ ᐊᑐᕐᓗᓂ ᑐᖁᑦᓯᓂᕐᒧᑦ ᓇᑦᓯᓂᒃ, ᓇᓗᓇᐃᔭᕐᑕᐅᓯᒪᔪᖅ ᐱᖅᑯᓯᖓ, ᐃᓚᒋᓕᐅᑎᔭᐅᓯᒪᔪᖅ ᒪᓕᒋᐊᖃᕐᑐᓄᑦ ᒪᓕᒐᕐᓂ ᑲᓇᑕᒥ ᖃᐃᕈᓕᓐᓂᐊᕐᓂᕐᒧᑦ ᐅᐱᕐᖔᖓᓂ 2009, ᑕᕝᕙᓂᑦᓴᐃᓐᓇᕐᓗ ᐅᑭᐅᕐᒥ ᐊᑐᓕᕐᑕᐅᓪᓗᑎᒃ ᐃᒪᕐᒥᐅᑕᓕᕆᓂᕐᒧᑦ ᒪᓕᒐᕐᓄᑦ ᑲᓇᑕᐅᑉ ᒐᕙᒪᒃᑯᖏᓐᓂ.

ᑖᓐᓇ ᐱᓕᕆᔾᔪᓯᖅ ᐋᖅᑭᒃᑕᐅᓚᐅᕐᓯᒪᔪᖅ ᒪᓕᑦᓱᒋᑦ ᐊᑐᓕᖁᔭᐅᓯᒪᔪᑦ ᐃᒻᒥᒃᑯᑦ ᐅᓇᕐᑐᕐᓴᓕᕆᓂᕐᒧᑦ ᐃᑲᔪᕐᑎᓄᑦ ᑎᒥᐅᔪᓄᑦ, ᐊᒻᒪ ᐃᓚᐅᑎᓪᓗᒋᑦ ᐅᓇᑕᕆᐊᖃᑦᑕᕐᓯᒪᔪᕕᓃᑦ ᑲᓇᑕᒥᑦ, ᐊᒥᐊᓕᑲᒥᑦ, ᕗᕌᓐᓯᒥᑦ, ᑯᐃᓐ ᓄᓇᖓᓂᑦ, ᐊᒻᒪ ᐊᓯᖏᓐᓂ. ᐊᒻᒪ ᑲᑎᒪᑎᑦᓯᖃᑦᑕᕐᓯᒪᔪᑦ ᓂᐅᕕᕋᕐᑎᑦᓯᔨᓂᒃ ᐊᒻᒪ ᑲᓇᑕᐅᑉ ᐅᑭᐅᕐᑕᕐᑐᓪᓗ ᐊᕕᒃᑐᕐᓯᒪᓂᖏᑎᒍᑦ ᒐᕙᒪᓂᒃ.

ᓇᑦᓯᓂᐊᕐᑎᑦ ᑐᕌᖅᑎᑎᑦᓯᐊᕆᐊᖃᒃᑐᑦ ᐆᒪᔪᕋᓱᐊᕐᑕᒥᓂᒃ. ᓱᕋᑦᓯᕗᖅ ᒪᓕᒐᕐᓂᖅ ᑐᖁᑦᓯᒋᐊᖅ ᓇᑦᓯᑐᐃᓐᓇᓂᒃ (ᖃᐃᕈᓕᓐᓂᒃ ᐅᕝᕙᓘᓐᓃᑦ ᓄᑕᕋᖏᓐᓂᒃ) ᐅᕝᕙᓘᓐᓃᑦ ᐅᔾᔪᓂᒃ (ᐱᐊᕋᖏᓐᓂᓪᓗ). ᐃᓪᓚᐅᖑᕋᑖᕐᓂᑯᑦ ᖃᑯᑦᑐᑦ ᐅᕝᕙᓘᓐᓃᑦ ᐅᔾᔪᕋᓛᑦ, ᓱᓕ ᐊᒫᒪᑦᑐᑦ ᐊᓈᓇᒥᓂᑦ ᐊᒻᒪ ᓴᐳᒻᒥᔭᐅᓪᓗᑎᒃ. ᐊᒫᒪᒍᓐᓇᐃᑐᐊᕋᒥᒃ ᐊᓈᓇᒥᓂᑦ – ᐆᒪᔪᓂᒃ ᓂᕿᖃᓕᓲᑦ, ᐅᓪᓗᑦ ᐊᒥᓲᖏᑦᑐᓪᓗ ᓈᒻᒪᑕ ᐅᕝᕙᓘᓐᓃᑦ ᐱᓇᓱᐊᕈᓰᑦ ᐃᓅᓚᐅᕐᑎᓪᓗᒋᑦ – ᐃᒻᒥᓂᕿᒍᓐᓇᕐᓯᓲᑦ ᓂᕿᓯᐅᓯᓪᓗᑎᒃ. ᒪᒃᑯᑦᑐᒻᒪᕆᐅᓪᓗᑎᒃ ᓇᑦᓰᑦ ᐊᒥᖏᑦ ᐊᓯᔾᔨᕐᐸᓪᓕᐊᓕᓲᑦ, ᖃᑯᕐᓯᓪᓗᑎᒃ, ᐊᒻᒪ ᐳᐃᔾᔪᕈᓐᓇᕐᓯᓪᓗᑎᒃ ᓂᕿᓯᐅᕐᓱᑎᒃ ᐃᒻᒥᓂᒃ. ᑭᓯᐊᓂ ᐃᒻᒥᓂᕿᒍᓐᓇᓕᕐᑐᑦ ᓇᑦᓯᕋᓱᑦᑕᐅᔪᓐᓇᕐᓱᑎᒃ.

ᓇᑦᓯᑐᐃᑦ ᐆᒪᔪᕐᑕᐅᓇᓱᐊᕈᓐᓇᖏᑦᑐᑦ ᐊᕐᕌᒍᖃᓚᐅᖏᓐᓂᖏᓐᓂ 2-3,ᓂᒃ, ᐊᒻᒪ ᐊᓯᔾᔨᓚ ᐅᕐᑎᓪᓗᒋ5 ᕿᓯᖓᑕ ᑕᕐᓴᖓ.

ᐱᕈᕇᖅᓯᒪᔪᑦ ᐅᑭᓪᓛᓯᒪᔪᑦ ᐅᕝᕙᓘᓐᓃᑦ ᓂᕕᐅᕐᑐᑦ ᐆᒪᔪᕐᑕᐅᔭᕆᐊᖃᖏᑦᑐᑦ. ᑐᖁᑕᐅᔭᕆᐊᖃᖏᒻᒪᑕ ᐱᐊᕋᒃᓴᖃᓕᕐᑐᑦ ᐃᓪᓕᐊᖃᓕᕐᑐᑦ ᐅᕝᕙᓘᓐᓃᑦ ᐊᒫᒪᑦᑎᑦᓯᔪᑦ.

ᑕᒪᕐᒥᒃ ᐆᒪᔪᕐᓯᐅᑎᑦ ᓚᐃᓴᓐᓯᖃᕐᑐᑦ, ᐃᒻᒥᓄᐊᖓᔪᒥᒃ ᐅᕝᕙᓘᓐᓃᑦ ᓂᐅᕕᐊᕐᒃᓴᓕᐅᕐᓂᕐᒧᑦ. ᐃᒻᒥᓄᐊᖓᔪᑦ ᓚᐃᓴᓐᓰᑦ, ᐊᔪᖏᒍᑕᐅᕙᑦᑐᑦ ᐆᒫᔪᕐᓯᐅᕐᑎᒧᑦ 6ᓄᑦ ᓇᑦᓯᕈᓐᓇᕆᐊᖅ, ᐊᑐᐃᓐᓇᐅᓪᓗᑎᓪᓗ ᐃᓄᐃᓐᓄᑦ ᓴᓂᐊᓂ ᓇᑦᓯᖃᑐᓄᑦ ᓄᓇᓕᓐᓄᑦ.

ᑲᓇᑕᒥ ᒐᕙᒪᒃᑯᑦ ᐃᒪᕐᒥᐅᑕᓕᕆᔨᒃᑯᖏᑦ ᑐᓴᕐᑎᑦᓯᓚᐅᓯᒪᔪᑦ 2014,ᒥ ᐊᑲᐅᖏᑐᓂᒃ ᐆᒪᔪᕐᓯᐅᕈᑎᖃᖃᑦᑕᑦᑐᓂᒃ ᐃᓴᐃᒋᐊᖃᓂᕐᒧᑦ ᓚᐃᓴᓯᓕᓐᓄᑦ ᓇᑦᓯᓯᐅᕐᓂᕐᒧᑦ. ᓂᐅᕕᐊᒃᓴᓂᒃ ᓇᑦᓯᓯᐅᕐᑏᑦ ᐃᓕᓐᓂᐊᕇᖅᓯᒪᖏᒻᒪᑕ ᐃᓚᖏᑦ ᐃᓛᓐᓂᒃᑯᑦ ᓄᑕᐅᓕᕐᑎᑦᓯᒋᐊᓪᓚᒋᐊᖃᓲᑦ ᑕᐃᒪᐃᒋᐊᖃᓕᑐᐊᕋᒥᒃ.

Learn More About The Harvest