ᐃᓕᓐᓂᐊᕐᕐᓂᖅ ᐊᒻᒪ ᖃᐅᔨᓴᕐᓂᖅ

ᐅᖃᖃᑦᑕᕐᓯᒪᕗᑦ ᑲᓇᑕᒥ ᓴᑦᓯᓯᐅᕐᓂᖅ ᖃᐅᔨᓴᕐᑕᐅᓂᕐᐹᖅ ᐊᒻᒪ ᒪᓕᒐᑎᒍᒍᑦ ᐆᒪᔪᕐᓯᐅᕐᓂᖓ ᐊᐅᓚᑕᐅᓂᕐᐹᖅ ᓯᓚᕐᔪᐊᒥ. ᐊᑭᕋᕐᑐᕐᑏᑦ ᐊᖑᓇᓱᐊᕐᓂᕐᒥᒃ, ᓇᑦᓯᖁᔨᖏᑦᑐᑦ ᑎᒥᐅᔪᑦ ᐊᒻᒪ ᑐᓴᒐᒃᓴᓕᕆᔨᑦ ᑕᐅᒪᖓᓂᑦ 1970,ᓂᑦ ᓯᓚᕐᔪᐊᒥ ᐊᕐᓱᕈᕈᑎᖃᕐᓯᒪᔪᑦ ᐊᖑᓇᓱᑉᐸᓐᓂᕐᒥᒃ ᐊᒻᒪ ᐊᖑᓇᓱᒍᓯᖏᓐᓂᒃ.

ᑕᒪᒃᑯᐊ ᐊᑲᐅᖏᓕᐅᕈᑕᐅᒻᒪᕆᖃᑦᑕᕐᓯᒪᔪᑦ ᓇᑦᓯᓯᐅᕐᓂᕐᒧᑦ, ᐊᒻᒪ ᐊᒥᓱᑦ ᓄᓇᓖᑦ, ᐅᖓᓯᑦᑐᒥᐅᑦ ᐊᒻᒪ ᓯᓈᓂ ᓄᓇᖃᐅᕐᑐᑦ, ᐃᓚᒌᓪᓗ, ᐊᒻᒪ ᑭᒃᑯᑐᐃᓐᓇᐃᑦ ᐊᒃᑐᕐᑕᐅᓪᓗᑎᒃ ᐊᒻᒪ ᐃᓅᒐᓱᐊᕈᓯᖏᓐᓂᒃ ᐊᕐᓵᕐᑕᐅᓯᒪᔪᑦ.

ᐅᓪᓗᒥ ᐆᒪᔪᕐᓯᐅᑎᑦ ᐊᑐᕐᓯᒪᓪᓚᕆᖏᒻᒪᑕ ᐃᓕᓐᓂᐊᕐᓯᒪᓂᕐᒥᒃ ᐱᒋᐅᕐᓴᕐᓂᒃᑯᑦ ᐊᖑᓇᓱᓐᓂᒃᑯᑦ, ᑭᓯᐊᓂ ᒪᓕᒋᐊᖃᒥᔪᑦ ᒪᓕᒐᕐᓂᒃ ᐃᓕᓐᓂᐊᕆᐊᖃᕐᓱᑎᒃ ᐃᓕᐊᕐᕆᑎᑦᓯᑦᑕᐃᓕᓂᕐᒧᑦ ᓇᑦᓯᓂᐊᕐᓗᑎᒃ. ᐃᓕᓐᓂᐊᕐᓯᒪᕇᒋᐊᖃᕐᑐᑦ ᓄᓇᐅᓕᕐᑎᑦᓯᓚᐅᖏᓐᓂᕐᒥᓂ ᓇᑦᓯᓯᐅᕈᓐᓇᕐᓂᕐᒧᑦ ᓚᐃᓴᓐᓯᒥᓂᒃ.

ᐊᑲᐅᓈᕆᐊᕐᑐᓂᒃ/ᑎᒥᒧᑦ ᐱᐅᔪᓂᒃ/ᑲᒪᑦᓯᐊᕐᓂᕐᒧᑦ ᐃᓕᓐᓂᐊᖁᔭᐅᕗᑦ ᓂᐅᕕᐊᒃᓴᓂᒃ ᓇᑦᓯᓯᐅᕐᑏᑦ. ᑖᒃᑯᐊ ᐃᓕᓐᓂᐊᕈᑎᒃᓴᐃᑦ, ᐋᖅᑭᒃᓱᕐᑕᐅᓯᒪᒧᑦ ᐱᓕᕆᖃᑎᒋᓪᓗᒋᑦ ᑲᓇᑕᒥ ᓂᕿᓕᕆᓂᕐᒥᒃ ᖃᐅᔨᓴᕐᓂᕐᒧᑦ ᑎᒥᐅᔪᑦ, ᐃᒃᐱᒋᔭᖃᕐᓱᑎᒃ ᓂᕿᓕᕆᓂᕐᒧᑦ ᑲᒪᑦᓯᐊᕆᐊᖃᓂᕐᒧᑦ ᐊᐅᓪᓚᕐᑎᑕᐅᔪᐊᒃᓴᓂᒃ ᑲᓇᑕᐅᑉ ᐊᓯᐊᓄᑦ ᓇᓗᓇᐃᒃᑯᑎᖃᓗᑎᒃ ᓇᑦᓯᓂᒃ ᓂᕿᓕᕆᓂᕐᒧᑦ ᐊᒻᒪ ᐅᕐᓱᓕᕆᓂᕐᒧᑦ. ᓇᑦᓯᓕᕆᔨᐅᔪᑦ ᓂᕿᒥᒃ ᓂᐅᕙᐅᓐᓚᒥ ᐊᒻᒪ ᓚᐸᑐᐊᒥ ᐱᓂᐊᕐᓂᖃᕐᑐᑦ ᓂᐅᕕᕆᐊᖅ ᓇᑦᓯᓂᒃ ᓇᑦᓯᓂᐊᕐᑎᓂᑦ ᑭᓯᐊᓂ ᐊᑐᕐᑐᓂᒃ ᐃᓕᐊᕐᕆᑎᑦᓯᑕᐃᓕᓂᕐᒧᑦ/ᖃᓄᐃᖏᑦᑐᓂᒃ/ᓇᑦᓯᓕᕆᓂᕐᒧᑦ ᐃᓕᓐᓂᐊᕐᓯᒪᔪᓂᑦ.

ᐃᒪᕐᒥᐅᑕᓕᕆᔨᒃᑯᑦ ᐊᑐᐃᓐᓇᖃᕐᑐᑦ ᖃᐅᔨᓴᐅᔭᐃᓐᓇᕆᐊᖅ ᓇᑦᓯᓂᐊᕐᓇᕐᑎᓪᓗᒍ 24/7,ᓂ ᑕᐃᒪᖓ. ᑲᓇᑕᓂ ᐸᓖᓰᑦ, ᑯᐸᐃᒻᒥ ᐸᓖᓯᑦ, ᐊᒻᒪ ᐃᒪᕐᒥ ᖃᐅᔨᓴᕐᑎᑦ ᐊᒻᒪ ᖃᐅᔨᓴᐃᓐᓇᐅᔭᕐᒥᔪᑦ ᐆᒪᔪᕐᓯᐅᕐᑐᓂᒃ ᐊᒻᒪ ᐊᑐᕐᑕᐅᒋᐊᖃᓂᖏᓐᓂᒃ ᐃᒪᕐᒥᐅᑕᓕᕆᓂᕐᒧᑦ ᒪᓕᒐᕐᓂᒃ.

ᑕᐃᒪᖓᓂᑦ 2009,ᒥ ᐋᖅᑭᒋᐊᕐᑕᐅᖃᑦᑕᕐᓯᒪᔪᑦ ᐃᒪᕐᒥᐅᑕᓕᕆᓂᕐᒧᑦ ᒪᓕᒐᐃᑦ, ᐊᒻᒪ ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ ᐊᑐᓕᕐᑕᐅᑎᑦᓯᓯᒪᔪᑦ ᖃᐅᔨᓴᕆᐊᒥᒃ ᐊᒻᒪ ᐊᕐᓱᕈᕈᑎᖃᕆᐊᓪᓚᓐᓂᕐᒥᒃ. ᒐᕙᒪᒃᑯᑦ ᐅᖃᕐᓯᒪᔪᑦ “ᐊᕐᓱᕈᕈᑎᖃᕆᐊᓪᓚᑦᓯᒪᓂᕋᓕᕐᓱᑎᒃ ᓇᓗᓇᐃᔭᐃᕐᓯᒪᔪᓂᑦ ᐃᖅᑲᓇᐃᔭᑦᓯᐊᕐᓂᕐᒧᑦ ᐊᒻᒪ ᐱᓂᐊᕐᓂᖃᓂᕐᒧᑦ ᐆᒪᔪᕐᓯᐅᕐᓂᒃᑯᑦ ᐃᓕᐊᕐᕆᑎᑦᓯᑕᐃᓕᓂᕐᒧᑦ ᐆᒪᔪᓂᒃ ᑲᓇᑕᒥ.” 3,000,ᖑᔪᑦ ᐃᖃᓗᓕᕆᓂᕐᒥᒃ ᖃᐅᔨᓴᕐᑎᑦ ᐊᑐᕐᑕᐅᓯᒪᓕᕐᑐᑦ 2009 ᐊᒻᒪ 2014 ᐊᑯᓐᓂᖏᓐᓂ, ᓇᑦᓯᓂᐊᕐᓂᕐᒧᑦ ᓂᐅᕕᕋᕐᑎᑦ 96%,ᒥ ᒪᓕᓐᓂᖃᕐᑐᑦ ᒪᓕᒐᕐᓂᒃ. ᑲᓇᑕᒥ ᓇᑦᓯᓂᐊᕐᑏᑦ ᐊᒥᓱᐊᓗᐃᑦ ᐅᐱᒋᔭᖃᕐᑐᑦ ᑕᒪᑐᒥᖓ.

Learn More About The Harvest

This post is also available in: English French