ᓇᑦᓯᖅ

ᓇᑦᓯᑦ ᓇᔪᕈᓐᓇᕐᑐᑦ ᐃᒪᕐᒥᒃ ᐊᒻᒪ ᐃᒪᕐᒥᒃ ᐃᒪᕐᔪᐊᒥᐅᑕᐅᓪᓗᑎᒃ: ᑕᑭᔪᑯᑖᑦ, ᐳᐃᔾᔪᕋᒃᐃᑦ, ᐃᑎᔪᐊᓗᒻᒧᑦ ᐊᖃᐅᒪᒃᑲᐃᑦ, ᐊᒻᒪ ᐊᑯᓂᐊᓗᒃ ᐃᒪᕐᒦᓲᑦ ᐳᐃᓚᐅᕋᑎᒃ – ᐃᓚᖏᑦ ᐳᐃᓲᑦ ᑭᓯᐊᓂ ᐃᑲᕐᕋ ᐊᓂᒍᕐᒪᑦ.

ᐊᒻᒪ ᑎᒥᖓ ᓈᒻᒪᑦᓯᐊᕐᑐᖅ ᓄᓇᒥᑲᐃᓐᓇᕈᓐᓇᕆᐊᖅ ᐅᕝᕙᓘᓐᓃᑦ ᓯᑯᒥ, ᐃᕐᓂᓱᒍᓪᓗᑎᒃ ᐊᒻᒪ ᓅᑦᑕᕐᓱᑎᒃ.

ᒪᕐᕈᐃᖑᕗᑦ ᓇᑦᓯᑦ ᐊᔾᔨᒌᖏᑦᑐᑦ: ᓯᐅᑎᖃᖏᑦᑐᑦ (“ᓇᑦᓯᑐᐃᓐᓇᑦ”) ᐊᒻᒪ ᓯᐅᑎᓕᑦ. ᐱᖓᓲᔪᕐᑐᑦ ᓇᑦᓰᑦ ᐊᔾᔨᒌᖏᑦᑐᑦ ᑲᓇᑕᐅᑉ ᐃᒪᖏᓐᓂ ᓯᐅᑎᖃᖏᑦᑐᑦ: ᖃᐃᕈᓖᑦ, ᓯᓇᓂ ᓇᑦᓯᑦ, ᐅᔾᔪᐃᑦ, ᓯᐊᕐᓇᐃᑦ, ᓇᓴᓖᓪᓗ. ᐅᑭᐅᕐᑕᕐᑐᒥ ᓇᑦᓯᑦ, ᐅᐊᓕᓂᐊᓂ ᑲᓇᑕᐅᑉ, ᓯᐅᑎᖃᕐᑐᑦ.

ᑕᒪᕐᒥᒃ ᓇᑦᓯᑦ ᑕᐅᑐᑦᓯᐊᕐᑐᐊᓗᐃᑦ (ᐃᒪᕐᒥ ᐊᒻᒪ ᓯᓚᒥ), ᐸᐱᕈᖏᑦ ᓰᖅᑯᖏᓪᓗ ᑕᑭᔪᐃᑦ, ᐊᒻᒪ ᕿᖓᖏᑦ ᐊᓂᕐᑎᕆᓇᑦᓯᐊᕐᑐᑦ. ᓇᑦᓰᑦ ᓯᐅᑎᓖᑦ, ᓯᖅᑯᖃᑦᓯᐊᕐᒥᔪᑦ ᐊᐅᓚᒍᑎᑦᓯᐊᒥᓂᒃ – ᓇᑦᓯᑐᐃᓐᓇᐃᑦ ᐃᖏᕐᕋᑯᑖᑐᐃᓐᓇᕈᓐᓇᕐᑐᑦ ᓯᖅᑯᓂ ᐊᑐᕐᓗᒋᒃ.

ᓈᑦᓯᑦ ᓂᕆᕙᑦᑐᑦ ᐃᒪᕐᒥᑦ, ᐊᔾᔨᒌᖏᑦᑐᓂᒃ ᐃᖃᓗᓐᓂᒃ, ᐅᕕᓗᕐᓂᒃ, ᐊᒻᒪ ᑎᒻᒥᐊᓂᒃ, ᓇᓕᐊᓐᓂᑐᐃᓐᓇᖅ ᐊᑐᐃᓐᓇᐅᔪᓂᒃ. ᐊᒥᓱᑦ ᓇᑦᓯᑦ ᓅᑦᑕᕐᑐᑦ ᐊᕐᕌᒍᑕᒫᑦ (ᖃᐃᕈᓖᑦ ᐃᖏᕐᕋᒍᓐᓇᕐᑐᑦ 3,200 ᑭᓚᒥᑐᕐᓂᒃ) ᐊᑯᓐᓂᖏᓐᓂ ᓂᕆᑦᑕᕐᓗᑎᒃ ᐊᒻᒪ ᐱᐊᕋᓕᐅᕐᓱᑎᒃ. ᐊᕐᓇᐃᑦ ᐃᕐᓂᐅᕙᑦᑐᑦ ᐊᑕᐅᓯᕐᒥᒃ ᐊᓂᒍᑕᒫᑦ 10 ᑕᖅᑮᑦ ᐅᕝᕙᓘᓐᓃᑦ ᐊᑯᓂᐅᓂᕐᓴᖅ ᐃᓪᓕᐊᖃᕈᓐᓇᕐᓱᑎᒃ. ᐱᐊᕋᖏᑦ ᓂᕕᐅᕐᑐᑦ: ᓴᑦᓯᑦ ᐊᒪᒪᒍᓐᓇᕐᒪᑕ ᐅᓪᓗᓂ ᐊᒥᓱᓂ, ᑭᖑᓂᐊᒍᑦ ᐃᒻᒥᓂᕿᒍᓐᓇᕐᓯᓪᓗᑎᒃ, ᓇᒧᑐᐃᓐᓇᕈᓐᓇᕐᓯᓗᑎᒃ ᓂᕿᓯᐅᕈᓐᓇᕐᓯᓗᑎᒃ ᐃᒻᒥᓂᒃ.

ᓇᑦᓯᓕᕆᔨᒃᑯᑦ

ᐊᖑᑎᑦ ᓇᑦᓯᖅ: ᐊᖑᑦ

ᐊᕐᓇᖅ: ᐊᕐᓇᓗᒃ

ᐱᐊᕋᖅ ᓇᖅᓯᖅ (ᐊᑖᓂ 3 ᐱᓇᓱᐊᕈᓯᑦ*): ᓇᑦᓯᐊᖅ

ᐱᐊᕋᒃᑖᕐᕕᐊ: ᐃᕐᓂᐅᕐᕕᒃ

ᒥᖅᑯᐃᔭᕐᓂᖅ: ᒧᓪᑦ ᖃᓪᓗ ᓈᑎᑐᑦ

ᒪᔪᕋᕐᓂᖅ ᐅᔭᕋᓂ: ᓄᓇᒧᐊᕐᓂᖅ

ᓯᑯ ᐃᕐᓂᐅᕕᒃ: ᐱᐊᕋᓕᐅᕐᕕᒃ

ᑲᒪᓇᕐᑐᑦ ᓱᓕᔪᑦ ᓇᑦᓯᑦ ᒥᒃᓵᓄᑦ

ᐊᔾᔨᒌᖏᓐᓂᖏᑦ: ᑕᒪᕐᒥᒃ ᓇᑦᓯᑦ ᐃᓚᒋᔭᐅᕗᑦ ᓇᑦᓯᓄᑦ ᖃᐅᔨᓴᕐᑎᓄᑦ ᑕᐃᔭᐅᔪᓄᑦ Pinnipedia (“ᐸᐱᕈᓕᑦ ᓯᖅᑯᓕᑦ”), ᐃᓚᖃᓱᑎᒃ ᐊᓯᖏᓐᓂᒃ ᐊᖏᔫᑎᓂᒃ ᓇᑦᓯᓂᒃ ᐊᒻᒪ ᐊᐃᕕᕐᓂᒃ. ᐱᖓᓱᐃᓕᖓᔪᑦ ᐊᔾᔨᒌᖏᑦᑐᑦᓇᑭᓐᖓᕐᓂᕕᓂᖏᑦ, ᐊᑯᓂᓂᐊᓗᒃ, ᖃᓂᑦᓴᕐᓂᕐᐹᑦ ᑎᒥᖏᑦ ᓇᓄᕐᓂᒃ.

ᓱᒃᑲᓂᖏᑦ: ᓇᑦᓯᑦ ᐳᐃᔾᔪᕈᓐᓇᕐᑐᑦ 40 ᑭᓚᒥᑐᕐᓂᒃ ᐃᑲᕐᕋᒥ.

ᐃᑎᓂᐊ: ᓇᑦᓰᑦ ᖃᐅᔨᒪᔭᐅᓂᖃᕐᑐᑦ ᐊᖅᑲᐅᒪᓲᖑᓂᖏᑦ ᐃᑎᓂᖃᕐᑐᒧᑦ 4,100 ᒦᑐᕐᔅ (ᑭᓯᐊᓂ ᐊᖅᑲᐅᒪᒡᒍᔪᑦ ᑎᑭᓪᓗᒍ 200 ᒦᑐᕐᔅ).

ᕿᖃᖓ: ᓴᑦᓯᓕᒫᑦ ᕿᖓᖏᑦ ᐊᓂᕐᑎᕆᕕᖃᑦᓯᐊᕐᐳᑦ, ᐃᒪᕐᒥ. ᓄᓇᒥᓗ, ᑭᓯᐊᓂ, ᐱᒻᒪᕆᐅᒋᕗᖅ ᓇᐃᒪᒍᓐᓇᕐᓂᖓ ᐊᒻᒪ ᐃᑲᔪᕐᑕᖅ ᐊᓈᓇᖏᓐᓂᒃ ᕿᑐᕐᖓᒥᓂᒃ ᓇᓃᒻᒪᖓᑕ ᐊᒥᓱᓂ.

ᐃᔨᖏᑦ: ᓴᑦᓰᑦ ᐃᔨᖅᑯᕐᑐᔪᑦ ᑕᑯᓐᓇᕐᓯᐊᕈᑎᒥᓂᒃ ᐃᒪᕐᒥ, ᐃᔭᕈᕙᖏᑦ ᒪᑐᓲᑦ ᓄᓇᒥ ᓴᐳᒻᒥᒍᑎᒋᓪᓗᒋ5 ᓯᕿᓐᓂᕐᒥᑦ ᖃᐅᒪᒥᓪᓗ.

ᐅᒥᖏᑦ: ᓇᑦᒦᓰᑦ ᐃᑉᐱᓐᓂᐊᒍᑎᖃᕐᐳᑦ 1,500 ᓂᒃ ᐃᓱᖏᓐᓃᑦᑐᓂᒃ ᐅᒥᖏᑕ ᐊᑐᓂᑦ (ᓲᕐᓗ ᑳᑦᑎᑐᑦ ᐅᕝᕙᓘᓐᓃᑦ ᐊᕕᖓᑎᑐᑦ200); ᐅᒥᖏᑦ ᐃᒃᐱᒍᓱᓴᕋᐃᑦᑐᑦ ᐃᑲᔪᕐᑐᑦ ᓇᑦᓯᑦ ᓂᕿᓯᐅᕐᓂᖏᓐᓄᑦ ᐃᒪᐅᑉ ᐃᖅᑲᖓᓂ.

ᐳᐃᔾᔪᕐᕈᓯᖓ: ᓱᒃᑲᔪᒻᒪᕆᐅᔪᓐᓇᕐᑐᑦ ᐃᒪᕐᒥ ᓴᓕᖏᑦ ᐃᒫᖓᒍᓐᓇᐃᕐᓱᑎᒃ ᐊᒻᒪ ᐊᑐᕐᓱᒋᖅ ᓯᖅᑯᓂ ᓱᖑᑦᑕᕐᓂᕐᒧᑦ. ᓇᑦᓯᑦ ᓱᒃᑲᐃᓕᒋᐊᕈᓐᓇᕐᑐᑦ, ᐊᑐᕐᓗᓂᒋᓪᓗ ᑕᓕᓂ ᑐᑭᓕᐊᑦᓯᐊᕈᓐᓇᕐᓱᓂ.

ᐊᓈᓇᐅᓂᖏᑦ/ᐊᑖᑕᐅᓂᖏᑦ: ᓴᑦᓰᑦ ᓯᐅᑎᓖᑦ ᓂᕆᕙᑦᑐᑦ ᓯᓈᓂ ᐊᒻᒪ ᐊᓈᓇᖏᑦ ᐃᒻᒧᓕᐅᕐᑎᓪᓗᒋᑦ. ᓯᐅᑎᑭᑦᑐᑦ ᓇᑦᓰᑦ ᐊᕗᖔᓗᒃ ᓅᑦᑕᕈᓐᓇᕐᑐᑦ ᐱᐊᕋᖃᕕᒥᓄᑦ; ᓯᕕᑐᖏᑦᑐᒃᑯᕐᑐᕕᓂᐅᑐᐊᕋᒥᒃ (4,ᓂᑦ 50,ᓄᑦ ᐅᓪᓗᓂ) ᐃᒻᒧᓕᐅᕐᓱᑎᒃ, ᐃᒻᒧᖓ ᐅᕐᓱᖃᓂᖃᕐᑐ ᐊᖏᔪᐊᓗᒻᒥᒃ (ᑎᑭᓪᓗᒍ 60% ᐅᕐᓱᖅ) ᐊᔾᔨᒋᔭᐅᒍᑎᒋᓇᒍ ᐊᓯᓕᒫᖏᓐᓄᑦ ᐳᐃᔨᓄᑦ.

ᐆᖅᑰᒐᓐᓇᕐᓂᐊ: ᓇᑦᓯᑦ ᐱᕈᕇᖅᓯᒪᔪᑦ ᒥᖅᑯᖏᑦ ᐃᔾᔪᒪᑕ ᐅᖅᑰᒍᑕᐅᔪᓐᓇᕐᑐᖅ, ᐊᓪᓛᖅ ᐅᖅᑯᓂᕐᓴᐅᓪᓗᓂ ᐅᕐᓱᖓᓄᑦ ᕿᓯᐊᑕ ᐃᓗᐊᓂ.

ᓂᕆᔨᖏᑦ: ᓇᓄᐃᑦ, ᐊᒪᕈᐃᑦ, ᐊᒻᒪ ᐳᐃᔩᑦ ᓲᕐᓗ ᐃᖃᓗᕐᔪᐊᑦ ᐊᒻᒪ ᐊᓯᖏᑦ ᐊᖏᔫᑎᑦ ᓇᑦᓯᑦ ᓂᕆᔨᒋᔭᖏᑦ. ᐊᒥᓱᓂᒃ ᓇᔪᒐᖃᕈᓐᓇᕐᑐᑦ, ᓇᑦᓯᑦ ᐊᒥᓲᖏᑦᑐᓂᒃ ᓂᕆᔨᖃᕐᓱᑎᒃ ᐊᓯᒥᓂᒃ ᐆᒪᔪᓂᒃ.

33ᑯᕗᑦ ᓇᑦᓰᑦ ᐊᔾᔨᒌᖏᑦᑐᑦ ᓯᓚᕐᔪᐊᒥ; 7 ᑲᓇᑕᐅᑉ ᐃᒪᖏᓐᓂᒡᒍᓪᓗᑎᒃ, ᐊᓯᖏᓐᓂᓗ ᐃᓛᓐᓂᓚᐅᓱᖓᖅ ᑕᑯᔭᐅᓲᑦ.

ᑲᓚᑕᓂ ᓇᑦᓯᕋᓱᑦᑕᐅᕙᑦᑐᑦ: ᖃᐃᕈᓕᑦ, ᓇᑦᓯᑐᐃᓐᓇᐃᑦ, ᐅᔾᔪᐃᑦ, ᐊᒻᒪ ᓇᑦᓯᑲᓪᓚᐃᑦ

ᐊᑯᓂ ᐃᓅᔪᓐᓇᕐᓂᖏᑦ: ᓇᑦᓰᑦ ᖃᐅᔨᒪᔭᐅᓂᖃᕐᑐᑦ ᐃᓅᒍᓐᓇᕐᓂᖏᑦ 40,ᓄᑦ ᐊᕐᕌᒍᓄᑦ ᐅᕝᕙᓘᓐᓃᑦ ᐅᖓᑖᓄᑦ.